راسل ادارة الموقع جديد المشاركات التسجيل الرئيسية

 
 
        

اخر المواضيع

 
 

 
 
العودة   تاريخ الكويت > منتدى تاريخ الكويت > التاريـــخ الأدبي
 
 

إضافة رد
 
أدوات الموضوع إبحث في الموضوع انواع عرض الموضوع
  #1  
قديم 30-03-2011, 02:45 AM
بحري بحري غير متواجد حالياً
عضو
 
تاريخ التسجيل: Aug 2008
المشاركات: 7
افتراضي

الشاعر الكبير المرحوم بأذن الله مرشد البذال ... ارسل قصيده الى الامير السديري وقال ابي رد على هالقصيده

والله عطاك انت وربعك الشعراء شهر فرصه للرد ... فقال السديري للشعراء وانا مني لكم 5 شهور فوق الشهر

للرد على الشاعر مرشد البذال .... اتركم مع اعجاز الشعراء

.................................................. .................................................. .


داج الظلام انزاح .. والنور له ضوح---نور الصباح مضيح .. والليل زايح

مالي هوىا بمراح .. والقلب ملدوح---فكري من التلميح .. غادٍ شلايح

كني على لفّاح .. غصن ٍ بلحلوح---قاعه حزوم وشيح .. وارضه كلايح

يا مشغل المرتاح .. بسك من النوح---ورق ٍ على التطويح .. ما هي شحايح

يا من طربك انياح .. كدرت مجروح---طَرْبٍ وهو تفويح .. جوفه قدايح

صفقت راح براح .. لحت النحر لوح---لوحة يتيم ٍ ليح .. دمعه سبايح

يا القلب وطرك راح .. ما ظن له قروح---اليوم بالتشبيح .. مالك صلايح

يوم الدروب اسماح .. والدرب مفتوح---بديت في تفصيح .. قولٍ صحايح

اخذت لي مشواح .. باسرار وفروح---ركب الغرام مشيح .. هجنه طفايح

لي بالهوىا ميلاح .. والهم مكسوح---وامْوَقعٍ تصحيح .. حب الملايح

قلبي كما الملواح .. بيدين طاروح---من كثر التلويح .. رزقه توايح

السد ما ينباح .. من غير ساموح---واللي زَرَىا بقريح .. خله يصايح

يلومني من كاح .. شين اللغىا كوح---خبلٍ عطي تسنيح .. جاك امتدايح

تسلي الارواح زاح .. الكدر زوح---حبٍ بلا تبريح .. ما به بجايح

لو الهوى ذبّاح .. له ميل ورجوح---ولا حدٍ يعيش امْريح .. والعمر رايح

واليوم لي مصفاح .. عن ورد وسروح---الجهل هو تلقيح .. غرس القبايح

يوم الموقر لاح .. انا وين اباروح---بديت بالتصليح .. والله يبايح

كيف الحوَل يا صاح .. في عذلة الروح---شف لي هدف يا شيح .. ذرب النصايح

ما كتب بالالواح .. ما هو بممسوح---اليوم هو توضيح .. عطب الجرايح

من عاش بالافراح .. لابد من النوح---ساس بلا تسليح .. خطر اللوايح

والعقل هو مفتاح .. بيبان مصلوح---وينّزِّحك تنزيح .. عن كل سايح

عن ربعة السفاح .. يا القلب ونصوح---لا تتبعه وتطيح .. ما به ربايح

مثلك ليا من طاح .. خلاه مسدوح---اترك ردي الكيح .. زين السنايح

زبن الرفيق شناح .. بالطيب له نوح---من ورد عين السيح .. عاف الضحايح

نفسه على الامداح .. قد شاحها شوح---ذكره مع اهل الفيح .. واهل البرايح

خله وراك سناح .. عن كل كاثوح---ينجِّحك تنجيح .. رجل المدايح

كنه بكرب شباح .. للضد ذرنوح---صميدع ٍ زحزيح .. عطب الجوايح

ليا عذي المياح .. في جانب الصوح---كان الروى تنشيح .. للدلو مايح

كسب الفخر بكفاح .. وان طرد الفوح---خيالة التصفيح .. راحوا قمايح

من جاكر الارياح .. والغزل منطوح---غلبت هبوب الريح .. في ضرب لايح

ترى القشر فضاح .. راعيه مفضوح---جعله معه تسريح .. لاقصى التنايح

دايم وهو نباح .. والجيب مسروح---ثوبه من التطبيح .. غادٍ سرايح

لا تستوي قداح .. لو كان بمزوح---ما فيه هبت ريح .. مزح الفضايح

من للملا جراح .. لا بد مجروح---جلده من التجريح .. غادٍ صفايح

واحذر من اللحاح .. تراه مشفوح---لو كثر التسبيح .. ما من فلايح

ناسٍ بثوب صحاح .. والفعل مكبوح---تنهى عن التوكيح .. وهي الوكايح
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
مرشد السليمان A.M.S المرقاب 18 10-07-2020 08:17 PM
الشيخ جابر رحمه الله مع الشاعر مرشد البذال رديه بينهم مشاري العنزي التاريـــخ الأدبي 6 31-07-2011 11:44 AM
محاورة عن الطير.. بين مرشد البذال ودعيج الدبوس AHMAD التاريـــخ الأدبي 2 30-12-2009 03:38 PM
ردية بين مرشد البذال و رجا بن سعدون الفزير كويتى مخضرم التاريـــخ الأدبي 0 15-08-2009 10:35 PM
البذال IE جبلة 1 03-07-2009 02:58 AM


الساعة الآن 07:45 PM.


Powered by vBulletin® Version 3.8.9 Beta 3, Copyright ©2000 - 2025
جميع الحقوق محفوظة لموقع تاريخ الكويت