والله ما أقدرعلى كلامك, غير صح لسانك اخوي mub2
وياريت كلنا نغني كلنا يا دارنا يا دار ::::
اقتباس:
المشاركة الأصلية كتبت بواسطة الايكاروسي
عسى الله يحفظ هالديره اللي اتعبوا اجدادنا يبونها و لما صارت شي من لا شي .
و الله القلب يتحسرر على حال الكويت اليوم .
كل ما اشوف اليوم التفرقه و التحيز لطائفه اتذكر حجي يدي رحمة الله عليه .
يقول عاشرت واحد من اهل فيلجا فوق 25 سنه وناكل من قنجه وحده ( صينيه ) و نقعد بمكان واحد و ما دريت انه شيعي اله يوم توفى .
كانوا مؤمنين انه على الله الحساب مو بيد الناس , مفردة هذا بدوي متى طلعت ؟
ما صارلها 10 سنوات منو المسؤول عن اللي قاعد يصير بهالديره .
و انا قاصد اني ما اتكلم بأسلوب و مفردات نحويه و علشان الواحد يعرف يعبر عن ما يجول بخاطره اتجاه ديرة الخير و شعبها الطيب .
الله يرحم جدك وصدق كنا نعيش أهل وأكثر من أهل ماكنا نعرف شنو شيعي وشنو بدوي وشنو حتى بدون كنا كلنا أهل الله يجازي من كان السبب
اقتباس:
المشاركة الأصلية كتبت بواسطة كندريه بنت شرق
يا حلونا قبل عايشين بفريج واحد وكنا على قلب واحد عمرنا ما قلنا هذا شيعى ولاسنى ولابدوى ولا حضرى كنا
نقول هذا كويتى وبس
الحين الوضع تغير وطلعت لنا مصطلحات يديده داخل السور وبره السور ومزدوجين وحضرى وبدوى وكل واحد
يناجر ويناحر الثانى وخلوا الناس تكره بعض حتى اليهال الصغار بالمدارس يسالون بعض انت سنى ولاشيعى ولا
انت بدوى ولا حضرى وتكتلات بالمدارس ويفزعون حق بعض وهالمظاهر ما كانت موجوده قبل بمدارسنا
ابى اقول كلمه اخيره والله الكويت ما تستاهل
صدقتي أختي كندريه ونردد دعائج
(والله يحفظ لنا هالديره من كل شر ويحفظ اهلها وناسها الطيبين )
اقتباس:
المشاركة الأصلية كتبت بواسطة بو عبد المحسن الصايغ
الى الاخت الكريمه , العنصريه كانت ولا زالت متواجده منذ القدم وانا اعلم عما اتحدث كوني اعيش في منطقه يعيش فيها مختلف التيارات والطوائف والاحزاب والقبائل .
ومنذ الحرب العراقيه الايرانيه بدأت النزاعات الطائفيه او بالاحرى اود ان اسميها (المذهبيه ) والآن زاد عليها النزاع القبلي والعائلي والغني والفقير . العنصريه اصبحت اكثر تطورا الآن لانه لا يوجد من يوقفها لا يوجد احد من الحكمة ان يوقف العنصريه هل ينتظرون حروب اهليه بين الشعب بأمكان اي شخص الحصول على السلاح فكما تدخل المخدرات تدخل الاسلحه . حسبي الله ونعم الوكيل على من يريد تدمير أرض عشنا بها مئات السنين .
اسفه اخوي بوعبدالمحسن هالمره أخالفك الراي من القدم ما كان في تفرقه ولا الجدال اللي صاير مثل هذه الايام كنا أخوه ويد وحده سواء في الفريج ولا في المدارس ولا في العمل
فعلا مثل ما قلت ماظهرت هذه التفرقه الا مع الحرب الايرانيه العراقيه
اقتباس:
المشاركة الأصلية كتبت بواسطة خوخه
السلام عليكم اختي القدساويه الصراحه الكلام في هل موضوع اعور القلب بس الواحد مايقول الا الله يحفظ ديرتنا من هل فتنه ويحفظ اهلها الطيبين
فعلا يعور القلب أختي خوخه ,والله يحفظ ديرتنا من شر الفتن
اقتباس:
المشاركة الأصلية كتبت بواسطة لولوة
الله يحفظ الكويت اللهم امين
اللهم امين اختي لولوه
وشكرا أخواني وخواتي على تفاعلكم مع هذا الموضوع ادري يعور القلب,والحقيقه تجرح ,بس نبي نوقف هذه الفتن عشان الوطن يعيش بسلام,واحنا نعيش بأمان
العرض الشجري