العيد في الكويت قديما

[جون الكويت]

شكرا لصاحب الموضوع

اقتباس: أما الآن الاستيقاظ قبل صلاة الظهر بقليل وزيارة بيت واحد او اثنين وتناول وجبة الغداء ( وأشلع الاسواق والمجمعات ) هذا ان لم تكن مسافرا منذ الصباح الباكر الى دبي او شرم الشيخ أو حتى لوووووووووندن.

بوعبدالمحسن ..عورت بطني من الضحك اسلوبك الساخر جميل.
لاكن لا نظلم انفسنا بجلد الذات.
الحمد لله ،، كثير من الاسر الكويتية محافظة على صلة الارحام وتوجيب الاحباب والجيران والدواوين الرسمية مفتوحة وعامرة بالمهنئين والضيوف.

ونلاحظ ان هذه العادة بدأت تقل للأسف عند البعض.

[Ebrahim]

لكن يا اخوان عسى ربى يديمها من نعمة علينا
ترى الذى احنا فية مو موجود عند غيرنا
واتمنى يجعل ايامنا افراح لنا و لغيرنا

[الشموخ]

أيام قبل ......ليلة العيد نقايس ملابس العيد اللي شارينها من المباركية مو أي شي كشخه ونخش الملابس عشان محد يشوفها كل يقول الزين عندي .. بعدين ،، الحنه ،، تكون جاهزه ناقعه بالطاسه وكل البنيات يتحنون تحنينا الوالده الله يعافيها ونقعد من الصبح نروح نعايد ونحصل عياادي ونلعب بالديارف والزحلاقيات ونشتري العااب صغيره من العيااادي ، لما كبرنا صار فيها طبخ ونفخ ، نطبخ الذبايح بعيد الفطر اشوه اللحم ينضا بسرعة ،، لكن عيد الضحيه الذبايح يبيلها دهر يالله تنطبخ شكبرهم ياالله من فضلك ،، ............هذا ما يحضرني الآن وشكرا على الموضوع الرائع



تحياتي