قصيدة الوصية: (21)
انا بوصيـك يـا حميـد وصيـه خلهـا مرجـاع تذكرهـا ليـا مـنـك كـبـرت وصــرت رجـالـي وصيـة مـن هنـا عينـه يشوفـك نـادر ٍ بتـاع تفوز بعالي المنصب وتاخـذ زيـن الاعمالـي انا سميتك حميّد على اللي شاع ذكـره شـاع على جدك ترى جدك كسب زينـات الافعالـي ترى ما للمصايب سوق تجلب له وفيه تبـاع تجيك بقـدرة المولـى وبأمـره عنـك تنجالـي فلا تجزعمـن امـر الله وخلـك للقـدر مطـواع ولاتقطـع رجـا الرحمـة وللعـسـرات حـلالـي وخـذ مايقسـم الله لـك وبالـك لاتجـي طـمـاع ترى الارزاق حظ وقسمة ٍ من ربـك الوالـي ولاتحسـد مغـيـب ولاتصـيـر للقمـتـه قـطـاع على شان الحضور تقـدرك وتصيـر بالعالـي وخلك واسع الخاطـر وحـذرا لا تجـي جـزاع ترى في وسعة الخاطر وفهـم العلـم مدخالـي وخـذ مـن لـذة الدنيـا ليـا زانـت لكـم مربـاع ولا تنسـا عـقـب الربـيـع دخــول الامحـالـي ولا تشفق على خل ٍ نوى عن دربكم ينصاع ترى هذي سـوات الوقـت بالمخلـوق ميالـي وانا قد قيل من قبلي فجوج الغانمين اوسـاع ليا ضاقت عليـك اختـر لعـز النفـس منزالـي
__________________
أنا وشعبي كلبونا جماعة
الدين واحد والهدف أخدم الشعب
لو ضاق صدر الشعب ما استر ساعة
اضيق من ضيقه واستر لاحب الراحل الشيخ "صباح السالم"
رحمة الله
|
العرض المتطور
