ليش تهاجموني انا عندي امنية بس ماراح تتحقق يمكن حبي الماضي ورغبتي بان نتحلى بصفات الاباء والاجداد الان
انا اعرف انهم تحملوا اشياء قاسية لكن يوجد بداخلي حنين لهم انني عندما امر على منزل قديم مبنى من الطين اوحتى بيت ديكسون تظل عيناي تلازمة وكانني كنت ساكنة فية
انا اتوقع انها ايام رائعة بالرغم من بساطتها ومشقة الحياة والسعي لكسب لقمة العيش
ام الهواجيس
صح كلامك يا غاليه يا ام الهواجيس
بس عارفه ليش شوقج للقديم
لانه ما كان في نفاق
كان الرجل اذا قال كلمه تعتبر هالكلمه سيف على رقبته
الفريج عباره عن الاهل ،، الجميع يتعاون
نعم حتى انا احب عبق القديم مع كل صعوباته
البساطه جدا اروع
احب اربي دجاج واشوف الكتاكيت نفس ما امي الله يطول بعمرها كانت تسوي
مرات اتمنى لو اني اعرف اخبز مثل ما كانت امي تخبز
اسوي مرق لحم على الفحم لان شفت امي كانت تطبخ على الفحم وبصراحه يكون اروع مرق لحم
لما اشوف بستوق الاجار يزر عقلي لان اذكر امي لما كانت تجهز الطرشي
كان والدي رحمه الله عليه يطلع بعد اذان الفجر ويشتري لنا السمك
يا غاليه مرات اتمنى لو اني ما شفت هذا التطور الزايف
انا معاج صح الف حمد وشكر لله على النعم بس والله اول وايد احسن
وعندي اسبابي
حتى الحين الجمعه اجمع عيالي الفجر من بعد الصلاح واحازيهم واشب الدوه ونقعد مع بعض
بصراحه
اول مع الصعوبات اللي فيها كان المعدن اصيل الحين للاسف اكثره زيف
هذي وجه نظري لا تزفوني
على فكره كل جمعه تعالي بيتنا جاي فحم ودرابيل ورهش وشغل عدل
حتى الخميس بالليل واقول لعيالي سوالف امي الله يطول لنا بعمرها يا رب
لا تزفوني 
العرض المتطور
