الشاعر مسلم حميد البحيري

**كويتى مخضرم** · #1 01-09-2009, 09:03 PM

(( 6 ))

ياسيـد الخفـرات مافيـه داعـي
مانيب من لايفهم العلـم مقلـوب
فهمت قصـدك وستعـد الوداعـي
والي يبي يجري مقـدر ومكتـوب
أبشر بفرقى ما وراهـا اجتماعـي
والله لصبر صبـر عـواد وايـوب
لو كان بالفرقـا بدايـت ضياعـي
لا شك مالي بد دام أنت مغصـوب
مجبور أقـدر ياحبيبـي وراعـي
وادرا وصون الحب عن كل عذروب
لوكان تجمعنا صـدوف الدواعـي
في محتفل والا على غير ماجـوب
بصد عن وجهتك قـدر استطاعـي
ماكن لي من بين الأزوال محبـوب
حبك كما ثلجٍ من الشمس ماعـي
والا كما مايٍ على النار مصبـوب

**كويتى مخضرم** · #2 01-09-2009, 09:04 PM

(( 7 ))

ألا ياشـوق يكفـي لاتعـاتـب
تعاتبنـي وأنـا مابـي كفانـي
ألا ياشـوق والله منـت مثلـي
ولا فاجاك ربـع الـي فجانـي
تحسب إنـي نسيـت أيـام ودك
نسيت وعنـك نسانـي زمانـي
ألا ياشـوق كـان أنـك تذكـر
زمانٍ فات لك قبـل أرمضانـي
فانا ماغاب عنـي لـو دقيقـه
ولالـي غيـر شوفتكـم أمانـي
أمني الروح في وصلك وانا أدري
علي أبعد من أسهيـل اليمانـي
نعم ماعادلـي بالوصـل حيلـه
وأنا الي بعت من قلبه شرانـي
على الي صار ياخلـي أعاتـب
ضميـري بالدقايـق والثوانـي
وتهل الدمع عيني فـوق خـدي
ويعبر عن أسى روحي لسانـي

**كويتى مخضرم** · #3 01-09-2009, 09:06 PM

(( 8 ))

لفاني طارشٍ من صوب خلـي
حسين الـزول منـي يشتكيلـه
يعاتبني على هجـري ويشـرح
عذاب الشك والفرقـا الطويلـه
حلفت الطارشه لو غبـت عنـه
وطالت غيبتـي تسعيـن ليلـه
شريك الروح عايش في ضميري
حـشـا لله مــادور بديـلـه
خفيف النفس معسول الحكايـا
حسين الدل منسـوع الجديلـه
قصرت الرجل عن شوفه وعذري
أخاف من الحسد وادرى الجميله

**كويتى مخضرم** · #4 01-09-2009, 09:07 PM

(( 9 ))

حل الفراق وباح ماكـان كنيـت
وضاق الحشى مما جرى وستلجي
لهموم قلبي تسعه وتسعين عديت
قامت تصافق فيه من كـل فجـي
مافادني كثر المنى لـو تمنيـت
ولا فاد بالمجمول كثـر الترجـي
صار الجزا عقب الولافه تفاخيت
ولا عاد تنفع بالحبيّـب أحججـي
عزم على رايـه وقفـا وتميـت
في موقفي وزريت أسنع مدجـي
وعوت أجاهد عبرتي والتناهيـت
لولا ضلوع خطر قلبـي يهجـي
أفكر وقول الخاطري ليت ياليـت
ياليت قلبي عن هواهـم يسجـي

**كويتى مخضرم** · #5 01-09-2009, 09:09 PM

(( 10 ))

ياشوق ماغيرك حبيـبٍ يسلـي
لو خيروني في جميع البناتـي
أفز طولي من مكانـي وهلـي
ياشفت زولك مقبـلٍ ياحياتـي
ياشوق ماغيرك مناي أو دواً لي
حيث أن حسنك كاملٍ بالصفاتي
زين ودلال وقد وعيونـك الـي
تجرح وتذبح قبل يوم المماتـي
ياشوق دامك بالهوى صافي ٍ لي
مالي نضر بالبيض حبك ثباتـي
وعيني عليك وخاطري مايملـي
لا غيـر الله نيـة المقبـلاتـي

**كويتى مخضرم** · #6 01-09-2009, 09:10 PM

(( 11 ))

يانور عيني ماتفيد التحاسيـف
ياصارت الفرقى طويلٍ مداهـا
الي كتب باللوح مافيه تحريف
والعاقل الي قدرت الله رضاهـا
بالك يجن أدموع عينك ذواريف
العين جاها من السهر ماكفاها
والله ماقصرت ياغاية الكيـف
مير الليالي قصرت في وفاهـا
لاتحسب الدنيا تجي دايم أبريف
كلٍ يموت وحاجنـه ماقضاهـا

**كويتى مخضرم** · #7 01-09-2009, 09:12 PM

(( 12 ))

ألا يـا ناشـدٍ وشلـون حالـي
وانا أدري وش مرامك من سؤالي
تمهل ليـن أكمـل لـك جوابـي
مدام الجـو يـا النشـاد خالـي
وخذ من راس من تنشد علومـه
ماهو قولت يقـال أفـلان قالـي
أنـا ياناشـدي مانيـب مثلـك
ولا فاجـاك ربـع الـي جرالـي
تعكر مشربٍ لـي كـان صافـي
وعاكسني زمـانٍ كـد صفالـي
وخلانـي سهيـرٍ طـول ليلـي
أسامر طيف خلـي فـي خيالـي
أهيـم أبذكريـات الأمـس دايـم
واسلي خاطـري طـول الليالـي
لاجل ماعاد لـي غيـر التذكـر
سقـاك الله ياوقـتٍ مضـالـي