[فحيحيلية أصيلة]

اخوي جون الكويت.. الف الف الف شكر على هالموضوع الاكثر من راااااااائع.. وبالنسبالي احس يخصني حييييييييييل .. وبقولك سالفتي>> انا من اسرة متحضرة ولكن نرجع لاصول بدوية وبصراحة انا الوحيدة من خواتي واهلي يمكن الي الى الان اتكلم بحرف "الجيم" في كل الكلمات الي تحتوي على الجيم مثلا: مجنون، بجي اغلب الكويتيين يسمونها بيي، جيب يعني هات وغيرها .. وحتى المفردات القديمة جدااااااااا يعني اتوقع بس الشياب والعجايز يعرفونها مثلا.. (عز الله) ان فلانة اجودية.. (لا بالله غير) ما صدقت.. (يعن كنك) تعرف السالفة .. (القابلة) الغدا علي وتعني غدا.. امي (عيّت) اني اروح وتعني لم توافق.. (انشد) عنها اسال عنها.. وتصغير الاسماء كانت مشاع عند الكويتيين اول.. و كلنا نعرف قصة تسمية القرين بهذا الاسم كلفظ.. وخذ وقيس عاد.. للحين انا اصغر الكلمات في .. مهوب اصويحي او تعيبين وتعني تعبان ومريض.. جويع يعني جوعان.. جليب وتعني كلب -عزكم الله-.. طبعا بالمدرسة اول كانوا يعيبون علي والبعض كان يتوقع مني هاللهجة لاني من اصول بدوية.. لكن الصحيح اني اكثرررررر احتكاكا بجدتي و اكتسبت منها طريقة كلامها .. بس لاحظت بعض الاعمال الفنية القديمة يعني الفنانين القدماء والكويتيين الاصل طبعا يتكلمون تقريبا نفس الكلام بالذات بلفظ الجيم.. منو ما يذكر بوصالح؟؟ المرحوم الفنان خالد النفيسي لاحظوا انه يتكلم بلفظ الجيم غالبا.. وكم مرة سمعته باعماله الفنية ينطق المفردات القديمة مثل: ينشد، انت خابر؟و تعني تذكر؟ ، عيّا ، ياليت.. الخ، ف عرفت ان الكويتيين اوووووول تقريبا لهم لهجة واحدة سوا بدو او حضر.. و حوايبي وتعني حواجبي ، و ايرب و تعني اجرب، و يابر وتعني جابر ، ونيم تعني نجيم، اتوقع هذي كلمات جت من قبل الدخلاء.. وبالتالي اختلط الحابل بالنابل يا جماعة.
وتقبلوا مني احترامي وتقديري
اكرر شكري لاخوي الفاضل جون الكويت.. و ياليت والله لو نكثر من هالمواضيع ونركز عليها لاني من انصار الحفاظ على كللل ما يتعلق بالماضي.. لا سيما اللهجة والامثال.