[الفيلجاوي]

اقتباس: المشاركة الأصلية كتبت بواسطة محمد المبارك    اللي اعرفه ان السند عايلتين : 1ـ السند ال ابو رباع وهم : ابناء الشيخ عبدالله في الكويت اللي منهم الدكتور حسن السند و اخوه الدكتور اسعد وكذلك ابناء عمهم عيال الشيخ محمد بالاحساء و ـ على ما ذُكِر لي ـ عيال عمهم ذرية عثمان بن سند في فيلكة ----------------- 2ـ اما الاسرة الثانية فهم السند (غلوم) و هذولا اصلهم عجم و هم يسكنون فيلكة ايضاً

اخوي محمد المبارك انا بحثت بالموضوع وسئلت جدي والوالد عن عايلة بن سند الي بالجزيرة فيلكا وعلي حسب معرفه جدي والوالد فيهم جيدا وجيرتهم الي كانت من اجمل الايام والمتبادله بالاحترام والتقدير كما ذكر لي الاثنين

علي حسب كلام جدي والوالد الي يعرفون عنهم والي خذو من كبار الجزيرة والكويت واسره آل صباح يقولون :

ان عيال سند هم اقدم عائلة بجزيرة فيلكا من بعد العوازم وبعدهم عايلة الحجي وريب وشاهين واسماعيل وشعيب ... إلخ

وماطلعو منها خير شر الا الشيخ عثمان بن سند هو فقط الي سافر للبصره لقضاء بعض الامور مع والي البصره ولكن طلب منه الوالي انه يقعد اكثر ولكن مات هناك

ولكن ولده عبدالله عثمان بن سند قعد بالجزيرة وكان يسمونه بالجزيرة ( ابو البتاتيل ) وكتبه له ابوه الشيخ عثمان مخطوطه النظم العشماويه بهدف تعليمه وبعد وفاة عبدالله بن سند قامو حطو المخطوطه بالمسيد وبعدين خذاها الملا عبدالقادر

وبعد همن علي ايام جدهم النوخذه سند علي عبدالله بن سند نزل الكويت وعاش فيها فتره وتوفه فيها ورجعو عياله عيسي وعثمان ومحمد وايوب واختهم سبيجه المعروفه باسم اميره فيلجا الي الجزيرة

وبعدين رجع عيسي بن سند في اواخر الثلاثينات الي الكويت وبعدين انزلو بعده عيال محمد وايوب سند بالستينات ليمه صار التثمين بس قعد منهم علي عثمان سند حتي الغزو الي صار 1990 وبعده نزل مع اهالي الجزيرة ليمه انزلو كلهم الكويت

وعندهم اهل بالسعوديه والبحرين يوو الجزيرة بالستينات وبس ماندري شنو صار بينهم من مشاكل وزعلو وسافرو وليه يومك هذا مايدرون عن بعض

وجدي يقول ان عيال سند كانا نسمع منهم انهم يقولون اهلنا الي بالزبير راح ايون الكويت ويعشون فيها

وعلي كلامه بعد يقول كانو من اغني العوايل الي بفيلجا ويملكون اكبر بيت بالجزيرة واكثر الاراضي بفيلجا لهم بس محد يدري وين حلالهم كله راح

وبعد الغزو الغاشم في احد دواوين الفيلكاوي ذكر فيها سمو الامير الوالد الشيخ سعد العبدالله السالم الصباح جدام جميع الفيلجاوي ان عيال سند هم من العوايل الاصيله الي بالجزيرة والكويت وانهم هم ذريه الشيخ عثمان بن سند وانهم من اقدم العوايل .

وقبل فتره طلعو مستند يثبت ان جدهم الشيخ عثمان بن سند والوالد شافها ويقول اسمهم الكامل سند بن علي بن عبدالله بن عثمان بن سند بن راشد بن عبدالله بن راشد

هذا كل الي نعرفه عن عيال سند ونعم فيهم جيرانه واهلنا والي يغلط عليهم كأنه يغلط علينا

والله واعلم