[معربه الجدين]

يا بلاك بيري هب ما اكثر بلاويك
اصلك دمار وجعل مالك تــــوالي

مافيك حيــله واكثر الناس شاريك
واللي شراك اليــوم ماهو مثــالي

ناسٍ تحســب ان التســلي يباريك
واصبــح تسليهم سوات الهبــالي

ضيعتــهم الله يضيـــع مسويـــك
واشغلتهم واسهرتهــم في الليالي

وافكارهــم شتتهــا في حجاويــك
وصارت عقول الناس يا همـلالي

اشقيــت اصابعهـم بكثـرة ملاويك
واللي تعلــق فيك شبــه انعزالــي

مشغول في المجلس وعينه تراعيك
وعن نشدة الاصحاب سارح وسالي

واليـــا نشدتــه لا توقــع يحاكيـــك
مهمـــا تكلـــم ما يلقيــــك بــالـــي

بلاك بيــري مخلفــه لا يجاريــــك
صايبــه غيبوبـــه علــى كل حالـي

يــا بلاك بيــري من يودك ويغليــك
انســان لكنـــه مـن العقــل خالــي

واللي يميــز سيرتــك مـا يدانيــــك
ويدعــــو لعلك للفنـــا والزوالــــي

اقولهـــا يا نــاس من غير تشكيــك
وجهة نظر يـا اهــل العقول الثقالي


\
\