[كويتي وافتخر]

وسعوا صدوركم واستهدوا بالله ...شدعوى كل هذا على شنو؟؟؟؟ مع احترامي الكبير للجميع بس اللي هامه كثير موضوع (أصلي وفصلي) يحتفظ بهالشي لنفسه لنه محد مهتم هذا منو ومنو جده ومنو أهله......هالكلام قبل ليش الكويت كانت كم فريج وسكة ...الحين العالم كله صار فريج واحد ...بالله لارحت دول بره اوروبا ولا امريكا من بيعرفك) لاقلت والله انا فلان ولد فلان وهذا اصلي )) خل نرتقي شوي بفكرنه يا جماعة ونتطور وندخل اكثر بالحضارة......انا اذكر قبل الغزو كنت باحدى الدول الأوروبية وصار حوار بيني وبين شخص اجنبي فلما قلت له انا من الكويت قال لي وين هذي؟؟؟!!!طبعا على مستوى فردي وكمواطن اجنبي يمكن يجهل الكويت وانا ماتكلم على المستوى السياسي علشان لاحد يروح باله بعيد)....عقب شرحت له وفهمته موقع الكويت بالنهاية طلع بنتيجة وحدة وهي انه الكويت عبارة عن نهر بترول...بس ماذكر سألني انت من عياله ولا انت من اي العمام مثل ماحاصل الحين!) اشوف عندنا بالكويت قمنا نمشي عكس عقارب الساعة ..الحين من تسلم لك على واحد اول سؤال يسألك انت من ولده) تقول بيناسبك ...طيب عرفت انا من ولده وبعدين شاللي راح يصير)..ترى هذي الأمور من الجاهلية صدقوني يا اخوان..حلو نتناقش فيها وحلو ان الانسان يعرف تاريخ اجداده وماضيه بس مو لدرجة التعصب والغلو....!! انا عربي من جهة الأب والأم ولكن اكن كل تقدير واحترام للعجم ولا للهنود حتى ..ليش الاستهانه والتنزيل من قدر الناس ...شنو يعين العجم مالهم اصل !!!من قال هالكلام...شوفوا الدول المتقدمة عندهم من علماء ودكاترة هنود وعجم وشاميين ومصريين وشوفوا من قاعد ياخذ جوائز نوبل !!!ماشوف فيهم واحد أصيل ...اتمنى المعلومة وصلت ومحد يزعل.......اللي بقوله ان الأصل بالفعل لا بالقول.