[طلال]

اقتباس: المشاركة الأصلية كتبت بواسطة بنت النوخذه8    السلام عليكم اخوي طلال ............ ما قصرت علي اشهوة فيها العافيه سلمك الله الخلــــع هــو الشحـــم الخفيف ..... ويأخذ من جـــفل ( او شـفل الطلي الصغير بالسن .. الهرفي ) لانه يكون الشحم خفيف الدسومة وبسيط بالتركيبه سبحان الله وياخذونه الاوليين او حتي من يعرف له الحين ..... سلمك الله وينحاف حوف اي يقطع قطع صغيرة جدا بحجم حبة النخي ( الحمص ) ويحمسونه بمقلاة علي نار خفيفه ويرشون عليه اشويه ( قليل جدا ) من الهيل الناهم والفلفل الاسود ويعطونه نكهه قليله بالـــزعفران بس بشــــرط ..... انه ما يحترق بس ايشوقر شويه ويرفعونه من علي النار .... ويقدم علي وجهه العيش ( الرز سواء مجبوس لحم او اممـــوش ) سبحان الله يكون يعطي دسومه مثل ما ذكرت لك خفيفه علي المعده ونكهه وايد حلوة ولا تنسي دقوس الصـــــبار ..... ورشه الدهن العداني الخنينه وبالف عــــافية للجميع مشـــكورة اختي ...... منسقة

تسلمين اختي بنت النوخذه شهيتيني والله
واشكرج على التوضيح والمقادير
وضروري خلال هالايام اكل الموش خلع
ولاتحرمينا من طرق طبخ اكلاتنا الكويتيه قبل لاتنسى

ودمتي بخير