|
سوالف ايام الزمن الجميل
السلام عليكم ورحمة الله
خل كل واحد يقول لنا سالفه صارت ايام الزمن الجميل انا بالنسبه لي ايام الثمانينات والبعض السبعينات والبعض الستينات المهم سوالف نستفيد منها ونعرف الماضي شاللي صار واندثر واذا في تساءلات نسال بعض ايش سالفة البقر بالسكيك؟ وأنا صغيره أخاف أطلع بالسكه خاصه بالليل في بقر منتشره ماأشوف لها راعي بس تدور وفي أحد الأخوه حاط صور الفحيحيل ايام الستينات في هالمنظر المشكله حتي عندنا بالفنطاس كنت اشوفهم كان بالثمانينات بعدها فجأه انقطعوا نهائي أنا أقول والله من زود الأمان إن الواحدhttp://www.kuwait-history.net/vb/up/...6920090527.jpg(اقتباس)صوره من العضو فحيحيل يخلي حلاله يسرح . سالفة حمارة القايله؟ وكنت أسمع الوالده الله يحفظها من كل شر تقول لنا لاتطلعون الظهر تجيكم احمارة القايله عاد أنا وتخيلاتي اتخيلها زول مره امتغطيه بالعبايه وجهه صورة حمار أنواع الرعب :D شنو سالفة حمارة القايله كبرت والي يومكم ماادري سالفتها؟ وعندي بعض السواليف لكن ودي اترك المجال لغيري يقولنا سالفه:) |
يازين الفنطاس واهلها
تسلمين اختي على الموضوع بس هم من الخرفات قبل الطنطل |
مشكورة وايـــــــــــــــــــــــــــــــد وايد وايد ........... اختي حنين الماضــــي :) انا عجبتني كلمة رعب :) ابصراحه كلنا تخيلنا صور الرعب .... قولي ليش لانه اهلنا لما كانوا يقولون لنا هالقصص من حمهم و زورهم يعني يعفسون و جههم و يطلعون صوت يخرع كل هذا علشان ..... يخدم القصه مالتهم ويخلونه غصب انخاف ............... وصج كنا انتفاعل معاهم ونخاف صج :o:o بس والله يــــــــــــــا حلوها من ايام ... وخاصه ايام الربيع والبر والبحر اتجمع ونسمه وانتغطي بالحاف من شده الخوف :) الخوف من القصه كنا انشوفه بعيونهم و اصواتهم لما يقولون القصه لنا مشكووووووووووووورة مشكووووووووووورة :) |
السلام عليكم
هلا بك 1966 وهلا بنت النوخذه بس ماعطتونا سوالف مع اني متاكده في جعبتك حكايه;) |
اقتباس:
انا كتبت بس حسافه ما طلعت مشاركتي :mad: الله يسلمك اتذكر انهم كانوا ايخوفونا بأشياء بس علشان انام الظهر مـــــــــثــال حمارة القايله ( راسه حمار وطويل ويطا من الدريشه ) طنطل الفريج ( شي ماله معالم و طول منارة المسجد ) عافيه الله ( شي غريب عجيب يخرع ويبوق اليهال :eek:) ام السعف والليـــف ( النخله اهي فيها سعف و ليف لكنها اتخرع ) |
أول شي باركيلي ............. مشاركتي رقمها 100 :D خوش رقم 100 ومن القصص اتذكر اسميميجه ( بنت الصياد ) الساحرة ( فلـــم رعـــب :eek::eek: ) :) ..... ذكرتيني في قصه بنت الخبار اللي حبت ولد السلطان اللي في مسلسل الاقدر |
موضوع شيق ويردنا فعلا للماضي الجميل
وتخرع الاهل لنا قبل عشان مانطلع الظهاري الحوش يريت بس الايام ترجع ونعيش اجمل طفوله يالله كبرنا وقمنا نتذكر زمن اول ومشكوره اختي على موضوعج فعلا يتستحق الشكر والثناء واللي ماله اول ماله تالي |
السلام عليكم
هلا بنت النوخذه الف مبروك علي وصولك 100 ان دل يدل علي وجود بصمتك بكل المواضيع عساك علي القوه اذكر من زمان كان كل عصر يمر هندي معاه الشمته مثل الجنطه علي شكل جيس ويدور علي السكه مشي انا اذا شفته لازم اوقفه يبيع سمبوسه 2خمسين فلس وكبه بس فيها فلفل مااشتريها ياحليل الهندي كان ضعيف حيل وشايب طويل عسي الله يرحمه كانه ميت ويصلحه كان حي بس حلوه هالخدمه يدور بالسمبوسه*-* |
موضوع حلو
ونشكرج عليه |
[quote=حنين الماضي;17430]السلام عليكم
هلا بنت النوخذه الف مبروك علي وصولك 100 ان دل يدل علي وجود بصمتك بكل المواضيع عساك علي القوه اذكر من زمان كان كل عصر يمر هندي معاه الشمته مثل الجنطه علي شكل جيس ويدور علي السكه مشي انا اذا شفته لازم اوقفه يبيع سمبوسه 2خمسين فلس وكبه بس فيها فلفل مااشتريها ياحليل الهندي كان ضعيف حيل وشايب طويل عسي الله يرحمه كانه ميت ويصلحه كان حي بس حلوه هالخدمه يدور بالسمبوسه*-*[/quote] شكرا اعزيزتي ...... حنين الماضي ههههههههه مو اسمها يــدور بالسمبوسة الحين تطورو يسونمها ...... سمبوسه دليفري :D:D بس ليكون قصدج الهندي ابو نظارة مكسوره اللي يقول ( هـــزا لهــم مال جلب ) مشكورة يا الطيبه |
| الساعة الآن 12:07 AM. |
Powered by vBulletin® Version 3.8.9 Beta 3, Copyright ©2000 - 2025
جميع الحقوق محفوظة لموقع تاريخ الكويت