رحله خط 16
 

والحين اقول لكم قصتي:

في يوم من أيام منتصف الستينيات قالت جارتنا (ام ناصر) الله يطول في عمرها
يلَه يا يهال (اطفال) نروح رحله
ستانسنا وايد (تدرون في ذلك الوقت كل شي يونس اليهال)
كنا تقريبا عشرة اطفال,ومشينا وياها وما ندري وين بنروح ,ومشينا في شارع البدر في منطقه القادسيه ,ووقفنا عند بيوت الابراهيم وللحين ما ندري وين بنروح,
وفجأه قالت:يلَه وصل ,منو شنواحنا سألناها , وله ذاك الازرق الكبير وقف يمنا
وركبنا كلنا واحنا مستانسين.
ومشى ذلك الازرق ودخل شارع العثمان في النقره ,ولف ودخل شارع تونس بحولي ومشى فينا ليما دش القادسيه مره ثانيه نزلنا نفس المكان بس في الشارع المقابل وقالت ام ناصر : انزلوا خلصت الرحله ونزلنا واحنا مودعين الباص الازرق رقم 16 التابع لشركه المواصلات الكويتيه والتي
تأسست عام 1962 وسيرت باصاتها التي يطلق عليها (باص المواصلات)التي خدمت شريحة كبيرة
من الشعب اللي ما عندهم سيارات وأيضا كانت التسعيرة رخيصة ب20 فلس يا بلاش.
منو منكم ركب باص المواصلات؟ ومنو منكم يعرف رقم الخط اللي يمر بمنطقته؟

باصكم 16 وعليه خط مائل
 

شكرا جزيلا لاختنا الكريمه القدساويه على هذا الموضوع الذي اعادنا الى عالم الستينات . أتذكر انني ركبت باص المواصلات مرتين . أول مره عزمني صديقي احمد م. عافاه الله قد على رحله بالباص على حسابه . كان ذلك سنه 1963 . حسب مااتذكر كانت الباصات نوع مرسيدس فخمه وكشناتها جلد ومريحه جدا , لكن لاحظت ان الجلد مشقق بالسكين كنوع من الانتقام او الساديه التي ينفسونها على الكشنات (الكراسي المنجده ).
المره الاخرى التي ركبت بها باص المواصلات ممكن بعد سنتين تقريبا . لكني لاحظت أنهم غيروا الباصات من مرسيدس الى باصات ( تاتا ) هنديه وصارت الكراسي خشب غير مريح بعد ان كان جلد منجد .
ركبنا من الفيحاء ومن الشارع العام( الدائري الثالث ) الى العاصمه واتذكر مكان تجمع الباصات بالمرقاب مكان بريد الصفاه الجديد او قريب منه . ثم رجعنا لبيوتنا بباص اخر .

تطور المواصلات :
1- السير على الاقدام .
2- استخدام البهائم أعزكم الله .
3- أستخدام الدراجات الهوائية والبخاريه .
4- سيارات النقل العام .
5- السيارات الخاصه .
وكل مستخدم لهذه الوسائل يعتمد على المدخول الشخصي والمسافه المراد قطعها والوقت اللازم .
خط / 25 كان يمر بالمناطق من الداخل منها الدسمه والدعيه وشرق الى السوق ( المخازن لكبرى , سوق المباركيه يا ولد الحجيه , سوق الحمام عندما كان بالقرب من شركة الشايع والصقر لسيارات مازدا وبيجو ....الخ ) في بعض الاحيان كان سائق الباص يسمح لنا بالركوب مجانا ) .:)
شكرا لك أختي الكريمه قدساويه لنبش وسائل النقل ونسبه عدد مستخدميها من الكويتيون قديما .:confused:

السلام عليكم




شكرا لك اخي الجامع على الصور الجميله
وانا ركبت باص المواصلات لاواخر السبعينيات

الحمد لله على سلامتك mub2 و على سلامه صبيكم احمد
الخط 16 / يمر بشارع عبدالعزيز الدعيج الموازي لشارع البدر ويمر بشارع القاهره بالضبط ما اعرف خط سيره لاني ماركبته وايد مثل باص 16 اللي يمر بشارع البدر

فعلا اخي ولد الشامي كانت كراسي الباصات من جلد وتحولوا الى خشب بس هم كانوا
مريحين
ومازال مكان تجمع الباصات خلفبريد الصفاه الجديد قرب برج التحرير

والله اخوي ايامنا كان الكوتيين قليل اللي عندهم سيارات وتسعيره او الكروه كانت رخيصه 20
وكان كبار السن تلقاهم من الصبح عند اشاره الباص علشان يروحون السوق يشترون ايدامهم

مشكورة اختي الكريمه
للموضوع الذي الواحد والله يتمـــــني أن يرجع به الزمن للخلف
والله ما اعرف رقم خط بيتنا بس علي طريا الباصات
اذكر الباص الاصـــــفر وله قــــير طويـــل جـــدا
وكنا من الشطانه انتحرش بالقير والسايق اهواشنا
وما كو فايده

مشكووووورة للنسمه الطيبه اللي ذكرتنا لكويت الماضي

http://upload.wikimedia.org/wikipedi...school_bus.jpg

انا من جيل اصغر من الاخوان والاخوات الاعزاء
انا ركبت باص في التسعينيات وكان رقم الباص 38 وخط الرحلة كان كالاتي
مشرف حولى الديرة (بالقرب من مجمع المثنى )
والعكس
شكرا جزيلا

السلام عليكم
شكرا اخي عبدلله على الصوره
بس هذا (بوعرام) اكثر شي ركبناه في المدارس

:D

عـــدل اسمه بـــو عــرام ويا ليت اخونا ولد الشامي يقولنا سالفة بو عـــرام ليش سموة
ويا ليت احد من الاخـــوة الافاضل يكتب موضوع عن ويا حبذا صورتها بعد يا ليتها تكون عند
اخونا وزميلنا الكريم سمو حوران
( عـــربانه ام ثـــلاث اريـــول )

مالت سوق المباركيه ويسمونها عرباته ابو عليوي
لاني ركبتها ولي ذكريات حلوة فيها
الحين تطورت وقامو يسمونها تــوكتوك :D

بو عـــرام أصـــلي

http://bp3.blogger.com/_65osotMJ3AU/...0/HPIM1184.JPG

السلام عليكم
شكرا لك اخي الصغير متصفح دائما اجد تشجيع منك
بارك الله فيك وبباقي الاخوان
وسامحني ما شفت تعليقك الا اليوم
والله خطك يلف وايد اكيد على ما توصل المكان اللي تبيه الا مفتر راسك







وشكرا اختي العزيزه ام عبدالعزيز
باص المدرسه اللي ركبتيه باص المواصلات ولا بوعرام
والله يعافيج يا صاحبه الذوق

السلام عليكم
جزاك الله خيراخي عبدالله ذكرتني بذيج العربانه اللي ابوي الله يغفرله يحملها بالجيل
من صوب سكه بن دعي وتودينا القادسيه
وعاد شوف متى توصل
ياريت من الاخوان اللي عندهم صوره للعربانه

سمو حوران
 

السلام عليكم


الظاهر عمرج من عمري فعلا استخدمت الباصات شركه المواصلات للمدارس
بدايه السبيعينيات ولا اول يستخدم بوعرام
ولك جزيل الشكر اختي ام عبدالعزيز

اختي الكريمه يسمونها عربانه ام عليوي :D
يوم ازعلت راحت بيت اهلها بالعربانيه

والله قاعد ادور لج لقيت هذي يعني تشبهاا

http://img524.imageshack.us/img524/5873/67159532.jpg

السلام عليكم
مششششششششششششششششكور على هذي الصوره صج حلوه
ومثل العربانه ام علوي
وشلون واحنا كنا نوصل فيها للقادسيه

السلام عليكم


ععععععععععععععععععععفيه عليك هذي اللي نبيها
بس ما قلت لنا وين هذا المكان

حسب ذاكرتي انها بين سوق الخضره بالمباركيه القديمه والفرضه والله أعلم .

السلام عليكم


مو ملاحظ محلا ت الصرافين اللي في الخلف العرباين
كانت محلاتهم قرب سكه بن دعي

والله كلامك صحيح اختي الكريمه
هذي مدخــــــــــــــل سكة بن دعيج
وحـــــتي مأذنـــة المسجد امبينه بالصــــورة
100%

السلام عليكم
ماشاءالله عليك م.الجامع منوين تطلع هالصور الحلوه
ياريت انت والاخ ولد الشامي تعلمونى من وين تيوبون صوركم

بس هذه الباصات ماكانت عمليه وماثبتت نجاحها علشان جذي
لم ترجع بعد الغزو
اكرر لك شكري على هذه الصور الحلوه

هذا شارع فهد السالم