|
لون الادعم
السلام عليكم
اخواتي واخواني العضوات والاعضاء حبيت اقول لكم هذه السالفه: في ليله من الليالي كان حفيدي نايم عندي قالي يمه قولي لي قصه جان اقوله كان يا مكان في احصان اسود وحصان{ ادعم } قاطعني وقال ليش دعمتي رديت عليه ما دعمت لون الحصان {ادعم} وهو مصر اني دعمت ثاني يوم اسولف على بناتي السالفه جان يردون علي :يمه منو اليوم يقول{ ادعم }غيرج جان قلتي له{ بني} بصراحه ما طرى علي بالي هذا الاسم ابدا شنو بعد اسامي الالوان اللي تغيرت جزاكم الله على سعه صدوركم :) |
عسا الله يخليلكم ولدكم ويتربا بعزكم ، ذكرني بطفولتي يوم كنت اشلخ أمي وابوي اسأله :)
في عدة ألوان تغير لفظها مع الوقت مثل : الحَمَر = الأحمر الخَضَر = الأخضر |
اقتباس:
اليوم عيالنا يتكلمون انكلش تمام .. اصلا ما في شي أدعم ! اسمه بروان ؟!! والله يستر على حجينا اليوم.. اللي راح يتغير باجر. |
موضوع مهم ومفيد
http://www.kuwait-history.net/vb/showthread.php?t=3654 |
أختي الفاضله القدساويه أعتقد راح عن بالك اللون ( الاملح ) اعتقد صعب يعرفونه |
اااه .. الآوالوان
القرمز الاصفر .. اتحدى عيال اليوم يعرفونه الاشهل |
الله يخليه ويحفظه لج يارب
عاد آنا ليلحين أقول أدعم لوووووووووول , بس اليهالووووه ما يعرفون لا قلت أدعم قالوا شنو يعني؟ جون الكويت شنو الأشهل والقرمزي؟ |
القرمزي والاملح معروفين
بس الاشهل يمكن الاصفر مادري والله |
عين عنجوه وعين علجوه
مره سمعت نائبه وحده من ندواتها اللي تقيمها قالت على ما اذكر عين عنجوه
ولمن سالت عرفت يعني جليل الحيا ... و في احد المواقع اسألوا شلفرق// عين عنجوه و عين علجوه الاولى عرفناها والثانيه شنو |
اقتباس:
الاصفر الملكي محد ينساه لون نادي القادسية الرياضي |
اقتباس:
الاشهل هو اللون الاشقر الاشقر الفاتح مثل لون العسل الفاتح يسمونه بعد العسلي ويصفون العيون بالعيون الشهل اما القرمزي فهو اللون العنابي يعني الاحمر الغامج وبعضهم يقول انه من درجات اللون البنفسجي |
بس اغرب شي الوان الخيول و الابل تختلف عن المسميات اللي نعرفها مثل يقولون حصان اصفر او ناقة صفرا من فئة الصفر يقصدون اللون الابيض وكثير من الالوان تختلف عندهم |
| الساعة الآن 11:46 AM. |
Powered by vBulletin® Version 3.8.9 Beta 3, Copyright ©2000 - 2025
جميع الحقوق محفوظة لموقع تاريخ الكويت