|
مستشفى الميدان
السلام عليكم
انا متاكده القى جواب على سؤالي عند بنت النوخذه وولد الشامي وايضا البركه بباجي الاخوان والخوات انا زرت مريض في بدايه او بالتحديد سنه 74 مستشفى اسمه مستشفى الميدان اتذكرانه يقع بالقرب من حسينيه معرفي وكان بقربه مسجد صغير جدا اعتقد لايصلي فيه الا الامام والؤذن وكم مصلي ينعدون على اصابع اليد ولا ادري متى انهدم هذا المستشفى لانني لم اسمع به الا عند هذه الزياره وحتى المسجد انهدم والبارحه مريت على هذا المكان مازال فضاء ياريت الي يعرف او سمع عن هذا المستشفى شنو كان تخصصه من الامراض ولم هدموه ليش ما بنو بداله مستشفى والمسجد الصغيرونو ليش اختفى وياه ولكم جزيل الشكر مقدماوعساكم على القوه |
أختي الفاضله قدساويه . الحقيقه الذاكره لم تسعفني لتذكر هذا المستشفى . ساحاول ان أسأل لكي عنه .
|
ما شاء الله اختى قدساويه ملحقه على ايام ابيض واسود .
|
اقتباس:
اتمني ان تكون ثقتك كبيرة في بنت النوخذه و ابن الشامي مستشفي الميــدان قصدك اللي في ميدان حولي نسبه الي التسميه الميدان وكان اغلب اللي يشتغلون فيه من الجنسيه الهنديه هل هذا ما تعنينه اسف للمداخله :cool: |
السلام عليكم
شكراااااا ولد الشامي على المجهود الذي راح تبذله الكوت 7 صرت مثل عيالي دائما يسؤلوني انت ملحقه على الاسود والابيض لا يا عبدالله المستشفى كان بقرب حسينيه معرفي بشرق مو ميدان حولي ولك جزيل الشكر على المداخله اخ عزيز وانا لما ذكرت الشامي وبنت النوخذه لانني لاحظتهم اكثر ناس يجاوبون على الصور القديمه |
اقتباس:
|
بالقرب من حسينة معرفي المذكورة من قبل الاخت الفاضلة مبني تابع لوزارة الصحة يعرف ياسم "مبني الخدمات الطبية " ويقع بقربة المسجد ذكر لي انه قبل ذلك كان مستوصف ولكن ظل لفترة زمنية قصير والله اعلم تحياتي |
السلام عليكم
اخي باك 3 الله يعطيك العافيه ممكن كلامك صحيح ولكن انه مستوصف مااعتقد لان المبني كان كبير وكان من دورين وكان فيه اجنحه للرجال واجنحه للنساء وفيه غرف خصوصيه |
الاخت الفاضلة قدساوية بالنسبة للعام الذي ذكرتي وهو عام 1974 لايوجد مستشفي في المدينة غير المستشفي الاميري والمباني من دورين عدا ذلك فهناك عدة مستوصفات وهناك مستوصف يطلق قيل لي أن اسمة الميدان ويقع في المقوع الشرقي بالقرب من سنيما الفردوس والحمراء وهناك مستوصف اخر في بيت العوضي به عيادة للدكتور عبدالرحمن العوضي تحياتي للجميع |
اقتباس:
|
السلام عليكم
اخي العزيز ولد الشامي اليوم فضيت نفسي الضحى وقعدت الف طبعا بالسياره من معرض بهبهاني ليما حسينيه معرفي جم مره النتيجه المبنى او المستشفى الي اسال عنه عند حسينيه معرفي القديمه ويمها مسجد صغير حتى المواقف للسيارات اللي هناك سميت مواقف الميدان يمكن مثل ما قال الاخ باك 3 كان مبنى للخدمات الطبيه حولوه مستشفى مؤقت مثل ما حولوا مستشفى الولاده اللي قرب شركه الملا الى مستشفي الاميري فتره زمنيه مؤقته هالمره انا متاكده لان زوجي نوموه هناك شكرا لجميع الاخوان على محاولتهم ولكم جزيل الشكر وجزاكم الله خيرا |
اقتباس:
والله هذا اللي كنت ما اقصدة اسمه مستشفي الميدان واغلب اللي يعماون فيه من الجنسيه الهنديه عباره عن بنايه بسيطه .... واذا تذكرين مره جابو في دكتور للرجيم حتي هالدكتور مشهور ناسي اسمه مصري الجنسيه وبعدها تم توقيفه لانه طلع دكتور بيطري او كانت اشاعه عليه ما اذكر وانا لي وحده ولدت هناك صح كلامك الغرف كانت حييل صغيرة بعدها انتقل الي خلف كباب الحجه بنيد القار عددددل ولا انا غلطـــــــــــــان :) |
السلام عليكم
مشكور اخوي عبدالله اقولك ما ادري عن هذا المستشفى الا ذيك السنه لما زرت المريضه الله يرحمها اكثر من مره انه مبنى كبير من دورين قسم للرجال وقسم للحريم وفيه غرف خاصه ويمه مسجد صغير غير هذا ما اذكر اي شئ عنه وبعد مده اختفى هذا المستشفى وعلى فكره اهو حكومي مو خاص لان المريضه حولت له من مستوصف حكومي واللي خلف كباب الحجه مستشفى السلام وهو خاص ولك جزير الشكر |
| الساعة الآن 06:38 AM. |
Powered by vBulletin® Version 3.8.9 Beta 3, Copyright ©2000 - 2025
جميع الحقوق محفوظة لموقع تاريخ الكويت