|
إهداء إلى منتديات تاريخ الكويت
بسم الله الرحمن الرحيم بادئ ذي بدء أود أن أشكر الأخوة في منتديات تاريخ الكويت على هذا المنتدى الرائع الذي أسأل الله تعالى أن يحفظه و يأجر القائمين عليه لأنه أشبه بالينبوع الصافي يتوارد عليه العطشى من كل حدب و صوب يبحثون عن الفائدة و يسعون لها و أنا أعلم و الجميع يعلم أن هذا المنتدى لم يقم الا لهذا القصد و الله أعلم بما في خفايا الصدور فلهذا وجب علي كعضو في هذا المنتدى أن أعبر له عن وفائي و إخلاصي له في هذه القصيدة كون هذا المنتدى له فضل علي من خلال السماح لي بكتابة قصائدي و عرضها للنقد البناء و أرجو من الله ثم منكم يا اخواني أن تعينوني من خلال آرائكم و اقتراحاتكم فهي تهمني كثيرا و لا يمكن اهمالها او تجاهلها ابدا ، لن أطيل عليكم و سوف أنقلكم الآن إلى القصيدة : يالله يا مجري حقوق الميازين ياللي بحكمك للخلايق تساوي اغفر لي الفعل المحسّب مع الشين يالله ترانا محسنين الهقاوي و اما بعد باقصد مع البيت بيتين عشر و ست للشباب بتساوي للمنتدى اللي به رجال كريمين لجروح قلبي لا نصيته يداوي يا المشرف* اللي بالمعالي لكم عين تشخص لفوق و ما تشوف الرداوي و احمد و محمد و IE و قرين هذا و شرقاوي مع الطيب ناوي هذا و باك 3 لاهديه ثنتين بنتين فكر مرهرهات الغطاوي و سعدون باشا بالربع كامل الزين زينه بفعله لا نصيته نداوي وعنك علي قدره مثل مقلة العين قدره مثل قلب بصدري شفاوي و غترة معاها عقال دواس للشين صعاد للطيب على الخير زاوي و الأدعج اللي له مع الناس وصفين الاول حبيب و بالمواقف عطاوي و ولد لمرقاب الطويلات و الزين اللي اهلها مدوخين العداوي و بن مخيزيم المطيب بطيبين طيب الاهل مع طيب عشر المخاوي هذا و عذر اللي قصرنا به البين و انا لكل الربع بالمدح ناوي انتم لي الاسناد و اليد و العين و انتم مثل نجم من الفلك ضاوي و صلاة ربي عد ما خط حرفين على النبي و عداد ما هش شاوي و سلامتكم و اللي قصرنا معاه و لا ذكرنا اسمه يعذرنا و ان كان نساكم اللسان ما ينساكم القلب اخوكم : بن دعيج |
صح لسانك .. يابن دعيج .. الأبيات طيبة وخرجت من شخص طيب .. ويستاهلون الشباب .. :)
... وآنا بصراحه مو ناقد شعر .. لكن محب للشعر فقط كقراءة .. ولكن لازم تقرأ الشعر وأخص الشعراء الكبار فقط ... وإن شاء الله نشوفك باجر شاعر كبير.. دام روح الشعر موجوده عندك .. |
شعرك يبيله يابن ادعيج تحسين000 صف الحروف الجانحه بالتساوي...ستت عشر بيتن بها الزين والشين...ولاني على ذم الاجاويد ناوي... لكن قصدي ضمن الشعر أمرين صورة وبلاغة ياحسين الشراوي... واخر كلام اختم به الامر نعمين... في اللى ذكرت ونعم بك يالنداوي
|
وهذه القصيدة الغنائية هدية لك يا بن دعيج
غريب ليلى برد والشارع مطر مهجور غريب بقلبي ود يحكيه النظر مكسور غريب يمر الوقت والخطوة شهر والميعاد في كف القدر يازمان الصمت ليه عز الخبر غريب غريب غريب اتبع اماني خطوتي بنلتقي هذا المسا يمكن رماك بسكتي يامنيتي حظي عسى يبقى الامل محبوبتي يلين قلبك لو قسى لو تسمعى همس الشفاه تبكى تدور لك اثر ياهجرها برد الجفى يكفي ياقربها جمرة وفا تدفي برد السنين اللى بقت واللى مضت بلاعمر لوترجعي ليل الهوى موعود يطلع به قمر لو ترجعى قلب ذوى موعود يشرق به فجر دنيا العنا بدمعها وبحزنها رحلة سفر ترسمها الذكرى وهم وترسمك احلى نغم ينادي بالقلب الوفي جرح ن خفى ماعاد بالدنيا الم وتحياتي لك يا بن دعيج ويسعدني التواصل معك بالقصائد والشعر على الايميل bny026@knpc.com.kw |
السلام عليكم،
أحسنت أخي العزيز بن دعيج، كلام عذب يعكس شعور حقيقي يتبادله الأعضاء كافة، لا تبخل علينا بالمزيد مما تجود به النفس ويخط القلم، فنحن طماعون لكل ما هو جميل، تقبل تحياتي |
صح لسانك يا بن دعيج ابيات في غاية الروعة ونعم باللي ذكرتهم عسى الله يوفقك في كتابة الشعر |
شكر
أولا السلام عليكم ورحمة الله وبركاته ثانيا : أود أن أشكر جميع الإخوة الأعزاء الذين قرأوا القصيدة و لا أخفيكم سرا فإن قراءتكم و تعليقكم أحدث في نفسي من الفخر و الإعتزاز الشيء الكثير و يعلم الله أن تشجعت لتحسين مستوى قصائدي و أتمنى من الله ثم منكم مساعدتي بمقترحاتكم الطيبه اللتي و الله لا أعدها إلا من أخوة لأخيهم الصغير و و الله لقد فرحت بكم إخوة اعزاء و ما كان مني لما قرأت ردودكم الا أن فاضت قريحتي بهذه الأبيات فأقول سلام يا ربع على القلب غالين لكم سلامي يا النشاما هداوي انتم لي العزوة على دفعة الشين انعم و اكرم في هذيك العزاوي الفين مع الفين مع الف و الفين شكر لكم نهديه و الدمع هاوي دمع الفرح يغلب على ناشف العين فيكم فرحنا يشهد الله راوي هذا و كل الشكر الجزيل لكم على قراءة القصيدة * ملاحظة بسيطة : بالنسبة للأخ بدر اليتيم مشكور على التوجيه و ابياتك اللي وجهتها بالنصح بصراحة اعجبتني و الظاهر انك شاعر كبير لكنك مغمور لا تخلينا يا اخوي من نصايحك الطيبة و جزاك الله خير أخوكم : بن دعيج |
صح لسانك يا بن دعيج
|
صح لسانك يا بن دعيج مشكور وما قصرت
الصراحه أبدعت :) وما هي غريبه عليك يستاهلون الشباب ;) و أن شاء الله تواصلنا بقصايدك الجزله |
شكر
حياك الله يا الشويع مشكور على مرورك على القصيدة و التعليق عليها لا تحرمنا من ملاحظاتك و اقتراحاتك أخوك بن دعيج |
شكر
حياك الله يا غترة و عقال عسى القصيدة اعجبتك مشكور على المرور و التعليق |
صح لسانك يا بن دعيج و ماعليك زود
|
صح بدنك و حياك الله يا بن مخيزيم
|
صح لسانك يابن دعيج
|
حياج الله يا أختي كويتية
شكرا على مروركم الكريم على قصيدتنا المتواضعة |
انتم لي الاسناد و اليد و العين
و انتم مثل نجم من الفلك ضاوي الله الله صح السانك ورفع الله مقدارك بيض الله وجهك على هالبيت مابه من قصوور ان شاء لله منتظرين جديدك المميز على الدوم .. |
صح ألسانك يا بن دعيج و شكرا على شعرك الرقيق
|
شكر
الأخ شموخ العز و الأخ محمد مشكورين على مروركم الكريم على قصيدتنا المتواضعة و مهما قلنا و كتبنا ترى هذا قليل بحقكم أخوكم : بن دعيج |
صح لسانك يا "بن دعيج" ..... أبيات جميلة ... وكلمات أجمل ... ومعاني تفوح منها رائحة الود والطيبة والأصالة .... ويستاهلون الشباب والله يكثر من أمثالك .
|
شكر
يا هلا فيك أخوي ولد المرقاب شرفتنا بمرورك و ان شا الله تسمح و يسمحون الشباب لنا ان كان فيه تقصير أو نقص و مرورك انت و باقي الشباب بصراحة مصدر فخر و تشجيع لي أخوك : بن دعيج |
تبي الصج بن دعيج شعرك جزل
|
حييت يا أعالي البحار أهلا و سهلا بك و هذا من طيبك و سمو ذوقك يا أخي الكريم أشكرك على
المرور الطيب و التعليق الطيب من رجل طيب و السلام |
اخوي بن دعيج .. اشكرك على القصيد المقتضب ..
وصحيح خير الكلام ما قل ودل لاكن ياخوك .. شنو يمنعك انك تعدل المشاركة وتزيد شوية ابيات وتكمل الناقصين من حبايبنا الاعضاء:rolleyes: عندك اعضاء شرف وايدين وعندك اعضاء متميزين وايدين مثل اخونا العدان وعندك اعضاء غيرهم حبيْبِين مثل ولد الشامي وملاحم كويتية وغيرهم وينك عنهم ..:o؟؟ |
|
اقتباس:
أجودي إبن أجودي درب الردى ماقد مشابـه له مواقــف مايوقفـها الأخــو لا جــاه خيــه ماعرف ممشى الرخوم إلا ربا بين الذيابــه سنافي من آل دعيج له على الطـولات نيــه بن دعيج لاهنت ياراس الرياجيل لاهنت كل الشكر والتقدير لشخصك الكريم أيها الصديق العزيز لهذا الإطراء الطيب وهذا إن دل فيدل على طيب أصلك وأفعالك ياولد الأجاويد بكل الود تقبل مني أعذب وأرق التحيات |
اشكرالاخوه الكرام بحاراعالي البحار وجون الكويت وسعدون باشا على انهم دلوني على انسان أقل مايمكن ان اقوله عنه هو رهيب والله رهيب ياابن دعيج قصيده ولا اروع صح لسانك |
السلام عليكم و رحمة الله وبركاته
فمرحبا بأخوتي الكرام جون الكويت و سعدون باشا أما جون الكويت فلدي عنده رد أولا قولك عن ذكر بعض الاعضاء و زيادة اسمائهم فأقول أولا ان من ذكرت أسماءهم في هذه القصيدة أشخاص أعرفه أما من ذكرت فلم يحصل لي الشرف بمعرفتهم بعد و نتمنى ذلك ثانيا انا ذكرت في آخر القصيدة البيت : هذا و عذر اللي قصرنا به البين = و انا لكل الربع بالمدح ناوي و أشكرك يا أخي الكريم على المرور الكريم و المشاركة الطيبة و اعدك ان شا الله في قصيدة اخرى سأذكر من ذكرتهم من الاسماء أما الأخ الكريم سعدون باشا فلقد اخجلت تواضعنا يا أخي الكريم و يعلم الله اني ما كتبت هذه القصيدة الا لحبي لهذا المنتدى و أعضائه الكرام و اعلم يا اخي ان ما كتبناه مهما كان فهو أقل من القليل في حقكم الكريم و شكرا لكم جميعا على المرور أخوكم : بن دعيج |
يا هلا و الله ولد الشامي حياك الله و تشرفنا بردك الكريم يا اخي العزيز
أخوك : بن دعيج |
صح لسانك بودعيج , الصراحه روعه والله استانست لأعضائنا اللي ذكرتهم ومشرفينا جنك مادحني والله لإنهم يستاهلون ويعطييييييييييييك ألف ألف عافيه :)
|
يا هلا و الله يا اخت شيطونه
تشرفنا بردكم الطيب و هذا ان دل فانما يدل على ذوقكم الراقي تحياتي اخوكم : بن دعيج |
صبحك الله بالخير يا الخال مبارك عليك الشهر نبي قصيدة برمضان
نرد عليها شد حيلك عسى الله يحفظك |
صح لسانك والنعم بالكل:)
|
يا حيا الله الشاعر المبدع و الناقد البارع بدر اليتيم ( بو ناصر ) و علينا و عليك تبارك الشهر الفضيل
و أما القصيدة اللي طلبتها يا ولد عمي فأنت تعلم يقينا أني ما أرد لك طلب و لكن القصيدة كما تعلم ما تأتي إلا بهاجس و عسى الله يجيب الهاجس اللي نلبيلك طلبك فيه أختي بنت الجهراء حياج الله و شاكر لج مرورج الكريم |
صح لسانك يالشاعر الكريم
تقبل اعجابي بشاعريتك و أبياتك الرائعه |
يا مرحبا و الله يا بو فهد الله يحييك و اعجابك و اعجاب الشباب فخر لي و وسام أضعه على صدري
في الحياة و بعد الممات أشكر لك مرورك الكريم على قصيدتنا المتواضعه |
صح اللسانك يابن دعيج ومنتظرين جديدك
|
حياك الله يا أخ نجدي صح بدنك و الجديد جايك ان شا الله
|
احسنت يا أخى
اشكرك يا اخى ولا شكر لشاكر
تجمل بالتاريخ واصبح ناصر فلولا التاريخ ما كنا ولا صرنا ولولا الكويت ما لنا حاضر ادعوك بوطنى وانا على بعد وما للبعد سوى عشق كاسر انا والبعد خصمين تعاركا على هواك والهوى واصل ربى انى اعشق بلادى وكن لعاشقيها دائما ناصر تحياتى سيناريست |
أهلا و سهلا يا سيناريست تشرفنا بمروركم الكريم على قصيدتنا المتواضعة
أسأل الله تعالى أن لا يحرمنا منكم مع خالص التحايا و التقدير أخوكم : بن دعيج |
قصيدة جميلة من الزميل الكريم
بن دعيج نسال الله ان يوفقه ونراه من فحول الشعراء الذين يرفعون اسم بلادهم عاليا بالتوفيق اخي الكريم |
| الساعة الآن 06:46 PM. |
Powered by vBulletin® Version 3.8.9 Beta 3, Copyright ©2000 - 2025
جميع الحقوق محفوظة لموقع تاريخ الكويت