صورة قديمة سنة 1982 - سوق الفحيحيل قديما
 

والله شكل الصورة مو قديمه وايد مع انها قبل ما انولد
بس وين هالسوق الداثر ووين المنشر ..

الأخ المؤرخ
هذي الصوره موقعها الشارع المقابل للمنشر وفيها محل لبيع السجادواسواق شعبيه بعضها لما الآن موجود

مكان موقف السيارات الان سوق المنشر

وبالسابق كان موقف لسيارات وتم اغلاقه وبني مكانه سوق المنشر مع اضافة سوق المنشر القديم له

ليصبح مجمع والسوق القديم كان فيه محلات تحف ومحلات اكترونيات ومحلات ملابس وسوق

المخازن الكبرى ومحلات صيرفه وبنوك

وشكراا علي مرورك للموضوع

مشكووووووور

ماشاء الله عليـك الوصــف صـــح

http://www.kuwait-history.net/vb/up/...8620091031.jpg
http://www.kuwait-history.net/vb/up/...5620091031.jpg
http://www.kuwait-history.net/vb/up/...3420091031.jpg

ندمان علـى السنيـن إلـي مضـت إني ما صورت هالمعالــم قبل الهـدامـ والتغييــر ....

يعطيك الف عافية على هالصورة والله رديتنا ورا والذاكره بدت تختفي اشوي اشوي وبصراحه هالصور اهي اللي تخلينا نتذكر الماضي .
كان في مجمع المنشر ( سوق جابر ) جذي كنا نسميه قبل - مكتبه لبيع القرطاسية واهي اشهر وحده في الفحيحيل اسمها مكتبة مشرف وكانت غالية في ذاك الوقت الحين ما ادري موجوده ولا راحت مثل اللي راح اقول على طاري الفحيحيل منو عنده خبر شنو صار على نادي الخطوط الجوية الكويتية وعلى نادي الغزال اللي اهو ملك شركة الملا على ما اعتقد طبعا اللي اتذكره ان نادي الغزال كان على شاطئ بوحليفه بس لشهرة الفحيحيل الناس كانت تنسبه حق الفحيحيل والحين نادي الغزال موجود ولا لأ

الســلام عليكــم

الأخ Q8sas دش هالـرابــط يطولـي بعمـرك

http://www.kuwait-history.net/vb/showthread.php?t=3736

,,,,,,, تحيــاتــــي ,,,,,,,

أخواني الأعزاء أبو خليفة و PAC3
الله يعطيكم العافية على الردود السريعه

السـلام عليكـم أجمعيـن
الأخ PAC3 معلوماتك كلها صحيحة بس في تصحيح بسيـط المكتبة إلي بجانب كناري اهـي الإشـراف الأخ Q8sas يقصد مكتبة مشرف إلي في سوق ( سوق جابر ) وبعد انسميـها ( المخازن ) قبـل لا تتحـول إلى مجمـع المنشـر فـي وقـتـنــا الحالـي
هالمحـل مكـان مكتبة مشـرف فـي مجمـع المنشـر
http://www.kuwait-history.net/vb/up/...0620091102.jpg

مكتبة الإشراف إلي بجانب كناري إلى عليها دائـره حمـره
http://www.kuwait-history.net/vb/up/...0620091102.jpg

ونادي الخطوط الجوية الكويتية إلي أصبـح نادي الفحيحيل
http://www.kuwait-history.net/vb/up/...0620091102.jpg

آسـف علـى الإطالـه والتأخيـر

والســــلام ختــــامــ

صور حلوة
شكرا جزيلا لكل من وضع صور قديمة نادرة

السلام عليكم سوق المنشر كان اسمه سوق جابر مثل ماقال الاخ وكان فيه كنتاكي وهارديز وكان في محلات تبيع ورد موجوده للحين ورا المجمع ومحلات تبيع خضروات ومحلات تبيع جواتي كرمكم الله وغير محلات التحف والسجاد الي متروسه ترس واذكر ان في عيال وايد كانو يروحون يلعبون بقواريهم وسكوتراتهم هناك لان المكان وسيع ومفتوح وكان في حديقه كبيره ورا المجمع اظن شالوها الحين ومقبره بعد وان كان في غلط ارجو التصحيح مع خالص الشكر

اقتباس:

المشاركة الأصلية كتبت بواسطة الرهيب (المشاركة 52499) السلام عليكم سوق المنشر كان اسمه سوق جابر مثل ماقال الاخ وكان فيه كنتاكي وهارديز وكان في محلات تبيع ورد موجوده للحين ورا المجمع ومحلات تبيع خضروات ومحلات تبيع جواتي كرمكم الله وغير محلات التحف والسجاد الي متروسه ترس واذكر ان في عيال وايد كانو يروحون يلعبون بقواريهم وسكوتراتهم هناك لان المكان وسيع ومفتوح وكان في حديقه كبيره ورا المجمع اظن شالوها الحين ومقبره بعد وان كان في غلط ارجو التصحيح مع خالص الشكر

بعد الهارديز في محل تصوير أعتقـد أسمه تيفوني يخلص لك ويعطيك الصور بساعتين , بداية الثمانينات منو عنده هالخدمه السريعة , :) , وأيضآ كانوا يبيعون الدجاج والحمام خلف سوق جابر ..

http://www.kuwait-history.net/vb/up/...2720100831.jpg


http://www.kuwait-history.net/vb/up/...3820100831.gif

تحية من القلب.. لكل رواد هالمكتبة .. ماكو احد بالمنطقة العاشرة ما يذكرها :)

هذه المعالم تقريبا موجوده في بداية التسعينات

بارك الله فيك