ابن جبلة, اخوان إبراهيم المشعل اللي سموا شارع في كيفان عليه الله يرحمه, اثنين منهم ماتوا من الاصابة في معركة الجهراء, ان شاء الله بسئلك عنهم الله يرحمهم ويرحم جميع المسلمين.

السلام عليكم اخ بوجاسم معلوماتك ان اثنين من المشعل توفوا في حرب الجهراء غلط مافي احد من عايله المشعل استشهد في الجهراء اولا ابراهيم المشعل اهو واخوه عبدالله حضروا من نجد للكويت لابراهيم المشعل اثنين من الابناء هم علي وعبدالعزيز ابنه علي توفي سنه الغزو 26-1-1991اما ابنه عبدالعزيز فتوفي سنه 1958او 1959 واخوه عبدالله فله من الابناء خالد واحمد ومشاري ومحمد خالد توفي بالسبعينات ومشاري بالثمانينات زاحمد1998اما محمد فمااذكر اي سنه اتمني يااخ بوجاسم افدتك بالمعلومات

ليس للمشعل نسب مع الجسار اوالناصر اذا تقصد الناصر اهم الفايز فمشعل اخو فايز

روابط ذات صلة:

النوخذة عبدالعزيز ابراهيم المشعل

تاريخ الوفاة لـ عبدالعزيز إبراهيم المشعل رحمه الله عام 1957م

شارع عبدالعزيز ابراهيم المشعل اللي بكيفان ولد ابراهيم المشعل اللي ذكرته اخوي بوجاسم مو اخوه, بالنسبه لشهداء الجهراء الله يرحمهم, اتمنى انك تذكر اسمه بالكامل بالنسبه لعائلة المشعل.

النوخذة عبدالعزيز ابراهيم المشعل

السلام عليكم اخ جبلاوي
مافي احد من المشعل توفي في حرب الجهرا عمك علي ابراهيم المشعل كانوا بياخذونه حق حرب الجهرا بس في واحد ماوافق قال علي صغير علي ان يروح حرب واظن اللي راح الحرب يمكن مشاري المشعل وراح اتاكد لك منوا اللي راح بس مافي احدمن ا لمشعل توفي واظن اهم اهلك لازم تعرفهم

فهد بن أحمد العبدالله المشعل المشعل التميمي الله يرحمه قالي عن عمامه اثنين اصيبوا في حرب الجهراء واستشهدوا جراء اصابتهم. الله يرحمه كنت باخذ منه معلومات بس توفى قبل شهر لأنه ما شاء الله عليه بحر من المعلومات. كنت اروح له بديوانية السنان بالشامية وكان بيكلمني عن عايلة المشعل وأكد لي انهم من تميم وكانه في بلدة الداخل مادري الداخلة مو من حرمة. أبوه الله يرحمه كان عنده سفن ومعروف بين اهل جبلة. الجبلاوية اللي في الديوان شاهدين على هالموضوع وسئلوا اخوان فهد الله يرحمه أكيد بتلقون المواضيع الصحيحة اللي كنت أتكلم عنها. رحمة الله عليه وتوفى فهد (نناديه بوصقر) الله يرحمه وهو بوقته يتوضا في البيت وبيروح لصلاة الفجر. رحمة الله عليه وأسأل الله أن يتقبله عنده في جنات النعيم ولجميع المسلمين.
أذكر ان فهد رحمة الله عليه خواله السرحان من عبدة من شمر التجار المعروفين.
أما اخوان أحمد الله يرحمه اثنين هم اللي اصيبوا واستشهدوا في المعركة بعد اصابتهم. الله يرحمهم ويغمد روحهم الجنة والمسلمين جميعاً

السلام عليكم بوجاسم ارد واكدلك ان مافيه احد توفي من المشعل بحرب الجهراء واسال اخوان المرحوم فهد عبدالمحسن اوبدر اوعبدالله واهو راح يقولك المشعل معروفين ان اهما من اهل حرمه اما اخوان احمد المشعل فهم محمد ومشاري وخالد كلهم توفوا عقب حرب الجهراء

لهم نسب مع اللوغاني

ونعم بالجميع ولكن لا يوجد نسب بين المشعل واللوغاني