|
اقتباس:
وما نقدر نقارن ما بين زماننا اليوم وبين ما قبل 150 سنة .. لان المتغيرات بالكلام طرأت على المكانين (نجد / والزبير) |
ونعم فيك يا جون الكويت والعفو وابشر مايجيك الا اللي يرضيك طويل العمر
نعم هناك عوائل كثير ولكن نحن نتكلم عن اشهر العوائل واول من نزح اليها وتسلم وسامحنا على الاقصور وهذا ما ورد من الشيبان ولاملاك والاوقاف الموجود هناك |
من المفردات السديريه :-
تسذا : كذا مرقد : فراش ارقد : نام - اجلس وراك في ذا : ماذا عندك هنا - او لماذا ما به : ما فيه وغدان : اطفال - ورعان قضى : خلص - انتهى يدبج : يضرب الخلا : اغرب عن وجهي - منضجع : منسدح حجاج : حواجب انفهق شوي : يعني ابعد شوي ادقه : اضربه الله يسمت عليك : الله يحفظك او يستر عليك لصفه : الغرفه حسر به : بهذل فيه مابوه : مافيه طبله : ثقيل دم اوزيه : اخفيه عن الاعين ياعرقي : يابعدي القصبه : الماسوره يد نيلي : يقرب لي يعني من العائلة صفريه : قدر منجق : مبسوط تللي : يعن اترك لي شوي من الشراب او الاكل اقلط : تفضل مجباس : هو مايوقد به النار من سعف النخيل وغيره روعتن : خوفتني انهج : يعني اسرع |
ونلاحظ انه هناك تشابه كبير بين اللهجه الكويتيه ولنجديه
|
اقتباس:
|
اقتباس:
يدبق او يدبغ (يضرب ) هل اساسها سديري |
اخوي عندي بعض الملاحظات على بعض المفردات السديراويه ...
اول حبيت اعلق على كلمه سديري .... السديري هذا اسم عائله اما اللي من سدير يسمونه سديراوي ومن المفردات ... وغدان : اطفال - ورعان ... هذي كلمه اهل حائل يابعد حيي. يدبج : يضرب - منضجع : منسدح - انفهق شوي : يعني ابعد شوي - مفردات قصيميه اكثر. مابوه : مافيه - روعتن : خوفتني ....هذي مفرداااات قصيميه بصمه تللي : يعني اترك لي شوي من الشراب او الاكل .. اللي اعرفه بقلي :يعني اترك لي شوي من الشراب او الاكل ... مو تللي ادقه : اضربه ..... اللي اعرفه اطقه اوما ادقه ليش هيل خخخخخ امزح مو تزعل لصفه : الغرفه - ياعرقي : يابعدي - مفردات جديده علي اول مره اسمعها الا اذا كانت قديمه مادري .. ومشكور اخوووي ويعطيك العافيه .. |
تسذا : كذا مشتركة عند أهل نجد كلهم بدوهم وحضرهم مثل" تش" عند سكان العراق والكويت والبادية السورية ارقد : نام - اجلس ماحد يقول ارقد بمعنى اجلس وغدان : اطفال - ورعان السديراوية يقولون بزران ومافيه سديراوي يقول وغدان الخلا : اغرب عن وجهي هذي الكلمة يقولها البدو في نجد وتكون أقرب لـ"إهرب" أو للتهديد منضجع : منسدح ما قد سمعت أحد يقول "منضجع" ادقه : اضربه يمكن تقصد "بأدق خشمه" لكن بأدقه لحالها صعبة الله يسمت عليك : الله يحفظك او يستر عليك أول مرة أسمع كلمة يسمت لصفه : الغرفه الصفة حسر به : بهذل فيه حسره وليس حسر به مثل بهذله وليس بهذل فيه أو بهذل به مابوه : مافيه السديراوية مايقولون مابوه طبله : ثقيل دم طبلة يعني غبي أو ساذج وليس ثقيل دم ياعرقي : يابعدي ياعرقي جديدة ماقد سمعتها ولا تجي أصلا منجق : مبسوط يمكن قصدك منشق أو متشقق تللي : يعن اترك لي شوي من الشراب او الاكل تللي ذي تحفه اقلط : تفضل عند كل أهل نجد مجباس : هو مايوقد به النار من سعف النخيل وغيره الصحيح مقباس بالجيم المصرية وليس متشباس روعتن : خوفتني مفردة قصيمية انهج : يعني اسرع ممكن لكن عجل هي إلي أعرفها |
اقتباس:
ويدبغ هي فعلا منتشرة في سدير دبغه وبأدبغك يعني أضربك مع مراعاة التغيرات الصوتية ربما في اللهجة الكويتية إذا كنتم تقلبون حرف الغين قاف |
]عائله الفواز من سدير سبعان من عوده سدير وهم عرينات
|
| الساعة الآن 09:00 AM. |
Powered by vBulletin® Version 3.8.9 Beta 3, Copyright ©2000 - 2025
جميع الحقوق محفوظة لموقع تاريخ الكويت