|
ــ قلدها سالم واطلع عالم.
ــ التمر مسامير الركب. ــ مجابل جيش ولا مجابل عيش. ــ من كبر اللقمة غص. ــ ان طق الخشم سالت العين. ــ عجفت إلى لا تفلها. ــ حلاوة البيع جملة. ــ اشتر. وبيع واسمك ما يضيع. ــ لاعبني وخل الجراب. ــ شاها ما تعرف ريلها من حماها. ــ مال البخيل ياكله العيار |
أمثال وغطاوي كويتية ...
غطاوي كويتية 1- اذا تليت حزامه ، تهلهلت عظامه .= الخيمةتليت : سحبت ، تهلهلت : تناثرت 2- منحازنا منحاز حلب ، نصه شاخ ، ونصه ذهب .= البيضة منحاز : إناء ، نصه : نصفه ، شاخ : فضة 3- إذا أكلت أوله مت ، إن أكلت آخره مت ، إن أكلته كله عشت . = سمسم 4- بنت الملك لابسة ألف تنورة ، و جالسة في الجورة .= الملفوف تنورة : ثوب نسائي ، الجورة : الحفرة 5- واقف عالحيطة ، لابس برنيطة .= المسمار الحيطة : الحائط ، برنيطة : القبعة 6- جانا طارش من ديرة ، تراب ما فيها ، قلطنا له لحمتين عظام ما فيها .= الطفل الصغير الذي يطلع من بطن أمه فيرضع من ثدييها طارش : ضيف (رسول) ، قلطنا له ، قدمنا له 7- يسقط بليا صوت .= القطن بليا : بلا 8- يمشي على رأسه ، و ينطق بلا لسان .= القلم 9- رقيق طحنه ، لذيذ طعمه ، ينبت عظمه على لحمه .= البيضه 10- بنتنا بزة ، بالقاع مرتزة ، تفصخ الثوب الأحمر ، و تلبس الجزة .= البصل بالقاع : بالأرض ، مرتزة : ثابتة مستقرة : تفصخ : نخلع ، الجزة : الثوب السميك 11- قبة خضرا ، متروسة عبيد ، القفل قفل الله ، و المفتاح حديد .= الرقية متروسة : مملوءة 12- حلزق ، بلزق ، في كل شي يلزق .= الاسم 13- بنت العجم تراطني و أراطنها ، و قليبي خايف من براطمها .= البندقية تراطني : تتحدث إلي بلغة غير عربية ، براطمها شفاهها 14- الصبح ينباع ، و الظهر ينباع ، و بعد العصر ما ينباع .= البرتقال أو الليمون 15- أصله من الطين ، و يعشي المساكين .= الفقع 16- أسألك عن حرمه ، لها ريال ، و دايما متابعها .= الابرة والخيط ريال : رجل 17- شيء خيره في بطنه وشره بظهره . = الجدر ( القدر ) 18- شيء خيره بظهره وشره ببطنه . = التاوه 19- أبوك في البيت ولحيته في السكه .= المرزام 20- مغاره ومليانه حجاره .= الفم 21- حي جاب ميت ، والميت جاب حي= الدجاجة والبيضة 22- بنت البدو ولحمها كاسيها ، تشرب الماي وجنس العظم ما فيها= الفقع 23- بياضه بياض القطنه ، وإن سحبناه إنتفخ بطنه= الشراع 24- انشدك عن شى يسكن الجبال ويجلس مجلس الرجال ويلبس لبس الحريم؟=الصقر 25- انشدك عن سته يمشون بدرب الهوا لقينا جرة الاول والخمسهماشفناهم؟=القلمالجرّه : الأثر 26- بنتنا بالصندوق وصوتها بالسوق؟=النيره الذهب 26- اخضر بالسوق واحمر بيدامك؟=الحنه \ أمثال كويتية ·أبو طبيع ما يجوز من طبعه·إذا بغيت صاحبك دوم حاسبه كل يوم ·اللي ما يطول العنقود يقول حامض·إذا حبتك عيني ما ضامك الدهر ·إذا حجت البقر على قرونها ·إذا حضر الماء بطل التيمم ·إذا صار رفيجك حلو لا تاكله كله ·إذا طاح الجمل كثرت سكاكينه ·إذا طبع دوس على تريجه ·إذا فات الفوت ما ينفع الصوت ·إسأل مجرب ولا تسأل طبيب ·إش حادك يا المسمار ؟ قال المطرقه ·إصرف ما في الجيب يأتيك ما في الغيب ·أضبط من ساعة الملا ·اقبض من دبش ·أقضب مجنونك لا يجيك أجن منه ·إكل ما تشتهي وإلبس ما يعجب الناس ·إما طلعه ولا طبعه ·إن طاعك الزمن وإلا طيعه ·إنطر يا حمار لما يجيك الربيع ·إنفخ يا شريم قال ماكو برطم ·الباب اللي يجيك منه الريح سده وإستريح ·بات مظلوم ولا تبات ظالم ·بغاها طرب صارت نشب ·بغى يكحلها عماها ·بغيناه عون صار فرعون ·تجيك التهايم وإنت نايم ·ثوب أطول منك يعتك ·جارك ثم دارك ·حاميها حراميها ·حشر مع الناس عيد ·حط راسك بين رجليك وإشهد على والديك ·حط فلوسك بالشمس وإقعد بالذلال (إجلس بالظل) ·خبز خبزتيه يا الرفله إكليه ·خربان من البيضه ·دابة الله بأرض الله ·الذيب ما يهرول عبث ·راعي النصيفة سالم ·رزق القطاوه على الخاملات ·زرع الميانين (المجانين) يطلعه رب العالمين ·شبعونا طراقات وشبعناهم شتايم ·شمامها لمامها ·طارت الطيور بأرزاقها ·طقاق روحه ما يصيح ·الطقعه بسوق الصفافير ضايعه ·الطقعه بسوق الصفافير ضايعه ·الطول طول نخله والعقل عقل صخله ·عتيج الصوف ولا جديد البريسم ·عقب ما طقعت صكَت فخوذها ·عمره ما تبخر ، تبخر وإحترق ·عومه مأكوله ومذمومه ·غصيت فيك يا ماي ، شدفعك في ·فال الله ولا فالك ·الفرخ يجوجي في البيضه ·قال عندك تاكل ؟ قال لأ . قال عندك تغرم ؟ قال إي . ·قراقيع صيف ·قطو وطقيته بمصير ·كثر الدق يفك اللحام ·كلٍ بقلبه شيقاليله (شقاء له) ·كوم حجار ولا هالجار ·لي بغيب الخبر يشيع عطه (أعطه) أم بزيع ·لو جريت جري الوحوش غير رزقك ما تحوش ·لي طار طيرك قول سبيل ·لي فات الفوت ما ينفع الصوت ·اللي في الجدر يطلعه الملاس ·اللي ما يرضى بجزَه ، يرضى بجزَه وخروف ·اللي ما يستحي منك لا تستحي منه ·اللي ما يطيع يضيع ·اللي ما يعرف الصقر يشويه ·اللي ماله أول ماله تالي ·اللي مو على دينك ما يعينك ·مكسورة و تبرَد·اللي هذا أوله ينعاف تاليه ·اللي يجي من الله حياه الله ·ما تعينك إلا يمينك ·ما لك إلا خشمك لو كان عوي (أعوج) ·مال عمك لا يهمك ·مخروش طاح بكروش ·مد رجولك على قد لحافك ·مداح نفسه يبي له رفسه ·من طمع طبع ·نصيبك يصيبك ·هذا سيفوه وهذي خلاجينه (ملابسه) ·الوجه من الوجه أبيض ·يا شين شيء ما شابه هله (أهله)·يا من شرا له من حلاله علَه ·يفوتك من الجذاب صج وايد ·يمدح السوق من ربح فيه·يوَد (أمسك) الحبَه وفلَت (أفلت) الدبَه |
غنيمة الفهد
ـ يا نار اكلي حطب وتضرب في المصيبة التي تصيب الآخرين ولا يتأثر بها الإنسان. - بيت الخير ما يفقر المعنى بيت الكرم يظل عامراً طوال العمر. - لي ضيف جارك كبر قدرك المعنى قوة الكرم والاستضافة للجار - لي حضر الطعام بطل الكلام تفضيل الاكل على الكلام - لي شفت شي لا تقول شي الكتمان خير من الكلام 6 - سيده قيده حر في حياته |
اقتباس:
ألا يمكن ان يكون صوابه: زيده قيده . كما في المثل الآخر : زيدي قيدي؟ استفسار |
ــ اللي بقلبه الصلاة ما تفوته.
ــ اللي عند الله ما يضيع. ــ عينه تقظ الصخر. ــ عين الساب داب. ــ الله جميل ويحب الجمال. ــ رخ ايديك كل الناس عبيدك. ــ الكلب ما ينبح الا عند بيت أهله. ــ العمر يا شامان. ــ يخاف من ضلاله. ــ من ثمن ما هاش. |
جنج أول اصحاب تالي لزفت عنزروت |
ــ اذا تراديت اللحمة خانت فيه المرقة (لا تستهن بالشيء).
ــ ما يطق الطار مقلوب (صراحة ووضوح ليس لديه ما يخفيه). ــ عنز بدو طاحت ابمريس، تستخدم للتندر. ــ لو فيه خير ما هده الطير. ــ النار ما تارث الا الرماد. ــ يالله حسن الختام لولا اختلاف الانظار لبارت السلع. |
1 ــ العورة تعيب على ام زر.
2 ــ عنز الشيوخ نطاحة. 3 ــ كل حجرة لها اجرة. 4 ــ يوم راحت الجفوف جت الخرقه تشوف. 5 ــ كثر من الصديج ترى العدو اكثر. 6 ــ عقب ما حمي الملعب جت ام دعنوة تلعب. 7 ــ الشمس ما يسدها منخل. |
- لي طالب لك المكان عاود.
- دلو ماي ودلو طين. - التدبير نص المعيشة. - من خلا نفسه سبوس العبت فيه الدجاج. - الشمس ما يسدها منخل. - جبد ملسا تاكل وتنسى. - جار السوّ يؤذيك. - الكلب اللي عضك طقيناه. - الخير يخص والشر يعمّ. - يأكل ويمشي ايده بالطوفة. |
ما شاء الله كلها أمثال غنية بالمعنى و أطلق عليها لقب (الحكم)
احنا ابحاجة الى مثل هذي الأمثال ان نحافظ عليها من الاندثار شكرا لكم |
اقتباس:
والمثل معروف ويضرب للرجل الكسلان الغير منتج .. واللي ما يشتغل ويعتمد على غيره في العمل لطلب الرزق ... مثل الأبناء أو الأخوان الكسالى ... |
جميلة هى الامثال التى تذكرنا بالماضى ولازالت بعض منها تذكر متابعين للموضوع يعطيكم العافية . |
اقتباس:
عقب ماخلص الملعب جت ام دعنوه تلعب الشمس مايغطيها المنخل |
لو كل من يا ونجر / جان ما ظل بالوادي شير
( لو كل من جاء ونجر / كان ما ظل بالوادي شجر ) ************************************** اسمه بالحصاد ومنيله مكسور اسمه بالحصاد ومنجله مكسور ******************** |
كل ضيج ووراه فرج.
- كل محبوب مرغوب. - كل في قلبه شقى له. - كل عمان دروب. - كلٍ حظه يسنع له. - الحقران يقطع المصران. - اللي ما يربيه أبوه يربيه زمانه. - امشي يا حرة وما عليك مضرة. - ما يضر السما نبح الكلاب. |
ــــ الشيطي بالغ.به حلو.
ــــ التجربة اكبر برهان. ــــ لبدقيت تضمها اسأل عن امها. ــــ اكبر منك بيوم اعرف منك بسنة. ــــ خذ علوم القوم من سفهاها. |
السلام عليكم
احب اقول في بعض الامثال المذكوره موكويتيه مثلا اكل ومرعي وقله صنعه هذا مثل مصري وموكل مره تسلم الجره وفي امثال مكتوبه غلط وهذا تصحيحهم اقوله ثور يقول حلبوه -اذا صار صاحبك حلو لاتاكله كله-هذا سيفوه وهذي خلاجينه-بغيناها طرب صارت نشب جنب اوينب موينبك يره علي الشوك |
ام دعنوه
اقتباس:
6 ــ عقب ما حمي الملعب جت ام دعنوة تلعب لانه المعني صــــار العكس والاصح هو عقب ما خلــــص الملعلب وليس عقب ما حمي جت ام دعنوه تلعب أو من يجــئ متأخــر ولا ينــال شـــئ عقب ما خلص الملعب جت أم دعنوه تلعب يعني عقب ما نخينه بسالفه يـــا ( جاء ) عقب ما السالفه اخلصت أم دعـنـــوه هي امــرأه من الباديــة عرفـــت بســـف اعواد الخــوص لانه اذا كلمة حمــي الملعب يعني راح ينال كل الرضاي ولكن العكس لما قـضـي الملعب فـــــــاته الشئ او لحق علي أخــــرة وتفســـير أخر أي عندما فـــل الســـوق جائت ام دعــنوه تعرض ما عندها ( اي فاتهـــا اللحـــق ) وللاسف تناقل الاعـــلام ما هو خاطئ دون تدقيقه بالشكل الجيد قضـي = خلـص وشكرا |
1 - يا خادم الخدم ابشر بالندم.
2 - واحد يهلس واحد يدور. 3 - ماجاب الزمان يجيب. 4 - ما سويت سوى بك. 5 - هات البيز ود البيز اثاري. 6 - البيز خرجه. 7 - اعصرها واشرب مايها. 8 - اللي ما يخاف من الله خاف منه. 9 - رضا الناس جايد. 10 - امدحني وخذ عباتي. |
السلام عليكم واسمحولي على هذا الاضافه
من ذاق عين النقرور ماتعدى الشاميه المقصود من المثل ان اكل اسمك يسبب الكثير من الضما وبذات النقرور :) |
اللي ماله أول ماله تالي ارجومن اى واحد او حده يعرف معنى المثل هذا يكتبه ضروري ولكم خالص الشكر . |
اللي ماله اول ماله تالي
اقتباس:
هلا بالخت الكــريمه بنت كيفان كيفان الصمود انا اسميها اللـــي ماله أول مـالـه تـالـي الكويتين قبل ... عندهم خـــيال خصـــب و واســع بالتشبيهــه وبعض اهل الكبار يقولون بدل ما يقولون المثل يقولون اهـــل الدنيا يقولون .... يعني ما جــاء علي الدنيا ورحـل وتغمده الله رب العالمين أول = البـــداية او بداية الشــئ = الاســــاس تالـــي = تفـــيـد بما هو أخر الامــــر ولكن كلمه تالي ( لها معـــان كثيرة حسب ما تقـــال له ) علي سبيل المثال لمــن ضيع هـــويــة اقصــد لمــن اتبـــع التطور و التغـــير ونـســــي بداية نشــاته و أصل نشاته وأســــاسه وعليــــها غـــير معالم حياته وفي مثل مـــرادف له يقول المثل :) مالك الا خشـــمك لو كــان عــوي ومن تعظم على الزمانـه هانــه جارك جارك لو الزمن جارك والله اعلم :) |
اقتباس:
السلام عليكم شكرا اخي الكريم احمد اذا ممكن معـــني المثل المذكور .....يا خادم الخدم ابشر بالندم الله يجزيك كل خير لانه قولبتها وما عرفت سبب النــدم مشكور اخي الكريم :) |
اقتباس:
من يذل نفسه بخدمة من اقل منه قدرا ومكانه كسبا لماده او مصلحه حتما سيندم بيوم من الايام |
اقتباس:
تفسيري قريب لتفسير الاخ عبدالله بني خالد اللي مايعترف او ينكر ماضيه فلن يكون له حاضر او تفسر اللي ينكر اصله ماله أصل أو تفسر الذي ينفي ماكان لايصبح ماصار |
1 - كثر من الصديق ترى العدو أكثر.
2 - يا خال أبوي حك إظهري. 3 - كل محبوب مرغوب. 4 - كلٍ يغني على ليلاه. |
الــدراهــم مــــراهــــم
(( الــدراهــم مــــراهــــم )) أرجوا ان يحوز رضاكم لانه هو قــــاعده هالايام :) |
اللي ماله اول ماله تالي
معناه : 1 ـ الذي ليس لأجداده أفعال قديمة محمودة وصيت بل أفعالهم مذمومة فإنه لن يكون له أفعال محمودة وصيت ولو تظاهر بذلك وسوف يظهر زيفه . ـ ......... 2 ـ ويستعمل على معنى آخر قد ذكره العضوين عبدالله بني خالد و ولد الشامي . والمعنى الذي ذكروه يستعمل مقتبسا ً من المعنى الذي ذكرته . فيقال للشخص الذي يظن و هو مخطئ أنه سيكون له صيت بالاستغناء عن ذكر أجداده والتخلق بأخلاقهم . ......... |
اللي يبينا عيت النفس تبيه
واللي نبيه عيا البخت يجيبه علامك يا جمل عوي قال اش شفت مني عدل كلي عوي ابعوي - ما لك الا خشمك لو كان اعوج - ما لك الا نصيبك - لو تكد كد الوحوش غير رزقك ما تحوش - الرازق في السما والحاسد في الارض - بيت المحسن عمار. - أحر ما عندك أبرد ما عندي. - خلي الحبل على الغارب. - الغالي يرخص لك. - زعلان طق راسك بالطوفة. - ان اقبلت نام وان ادبرت نام. - خلي القرعة ترعى. - اكرام النفس هواها. - بيت الخير ما يفقر. |
اصرف ما في الجيب يأتيك ما في الغيب
اذن من طين واذن من عجين ابعد عن العيب ذراع ونم اسأل مجرب ولا تسأل طبيب اش حادك يا المسمار قال المطرقة انفتح يا شريم قال ما من برطم اكل ونوم يا مال القوم اكل البخيل لا يشمه جار ولا يذوقه فار اكله واقطعه ولا اعطيه مرت ابوي اكل اللي بيعجبك والبس اللي يعجب الناس اقرع مقيرع طاح بالطاسه صيح على امر يبي قرقاشه |
ازيد على اخوي PAC 3 " صبه احقنه لبن"
|
رد
اقتباس:
|
رد
احب اضيف امثال بعد ، اظن ما قلتوها:
بتعرف قديري، لين جربت غيري . حط الحصين( تصغير حصان) جمب الحمير(تصغير حمار-عزكم الله-)، يتعلم النهيق ، يعني مثلا واحد شاطر ، رافق واحد كسلان وبليد هالشاطر راح يتأذى من هالصحبة ومسيره يتعلم الكسل. كلن عيال اقريه وكلن يعرف اخيه الجنة من غير ناس ما تنداس ، بنفس معنى حشر مع الناس عيد . يا زين الزين على ام حسين ، وهذا المثل للمدح ويخص الحريم فقط . فلان غاسل وجهه بمرق ، يعني جريء جدا ولا يتصف بالحياء ، اغلب الكويتيين يقولونها " فلان وجهه منجب" . وتقبلوا فائق احترامي وتقديري :) |
إذا تصادقت الرعيان ضاعت الغنم: المعنى انتبه لاغنامك ولا تشغل بالك مع بقية الرعيان بالأكل والحديث، وإلا ضاعت وهربت منك اغنامك.
إذا حجت البقر على قرونها: يقال في حالة المستحيل أو الشيء البعيد المنال. إذا شفتهم يبغضونك اكل وبحلق عيونك: لا تعير الحاقد والحاسد أي اهتمام، وعليك ألا تبالي بهؤلاء الذين همهم فقط الحسد والحقد والكيد لك، حتى لا تنجح في حياتك، وعليك الاهتمام بنفسك وشق طريقك بنجاح تام. |
عينك على مالك دوى ..... يعني الواحد لازم يحرص على امواله وهو اللي يراعيها مايخليها لغيره.
الاولي لاعب والتالي تاعب ... يامطوطي بالجليب .دور لابو ..........مدري كملوه نسيته مايعيب الا المعيوب جا يطببها عماها جني احاجي عقاله .... تقال للانسان اللي مايلقيك وجه وانت تكلمه ورافع الجام عنك ..مايفيد الحجي فيه.... ومثله يقال جني احاجي طوفه .... لا ليلي ليل ولا نهاري نهار ....يقولها المبتلي بالمشاكل مو مرتاح وتعبان لدرجه انه تساوى الليل مع النهار عنده ولا عاد يميز او غير الناس يعني مو مهتني بحياته ...بالليل او بالنهار .. قطو وطاح بمريس ... للي ماشاف خير ولقاه فجاه وياه على غفله .. من طق طبله قال انا قبله .... مادرى عن هوا داره .... اي لايعرف الامور اللي حواليه ولا يعرف عنها شي ... صمنديقه .... نفس المعني وكودنه لا يفقه شي خرطي ... خربوطه .... صغير القوم خادمهم مايمدح السوق الا من ربح فيه .... ماقال اه من علة بحشاه ابوك مايقدر الا على امك .... وسامحوني جان اكو شي مكرر |
قال من امرك قال من نهاني
اظن يامطوطي بالجليب دور لابوحصه عباة واذا غلط صلحولي ياجماعه |
حتى المقابر تشتهي المحمر
تيش بريش شوشه ضايعه عمك اصمخ كيري ميري يوم لقت ريل قالت عور يبت الاقرع يونسي كشف قرعته وخرعني لاتوصي حريص |
يقولون تمره مايلحسها اللاحوس .... يعني واحد مايضره شي ابد دائما ينجو من المصايب ....
مارد الكلب على قصابه ..... يعني راح يرجع ولو بعد حين وتحتاج لي ... ذرو بعيونه رماد ... عن الحاسد تيس تيس .... بكسر التاء والياء والسكت عند السين وهي تقال لتشابه الاشياء مثل بعض ..... هذا الشي يشابه ذاك الشيم ماكول الحشيم .... عن سمك الشيم حومه ماكوله ومذمومه ...... طوفه هبيطه .... لجعه الدهر تلجيع .... ذاق الويل من البلاوي في زمانه فلانه حيه رقطاء ......يعني يقصد فيها المراه الخبيثه يربط عصائص يعني اللي يثر المشاكل باتاره ناس على ناس يحرش بينهم يعني .. يقولون اذا دلق سهيل لاتامن السيل وسهيل هو نجم يضهر بوقت معين من السنه تقريبا شهر 9 ويكون اذا دلق على رطوبه يكون مطر وخير ووسم واذا دلق على جفاف يكون الشتا بارد سحتني .. شوشه ضايعه .... اي ليس لهم ولي يتحكم فيهم كل شوره بيده ويمشي على هواه.. خمة البقعه ... تطلع على المجموعه الصايعه غالبا من الشباب ... اللي ماعنده زبيل يشيل بشليله .. يعني اللي ماعنده سله يشل فيها اغراضه يشيل الاغارض بملابسه يرفعها ويعملها مثل الكيس ويحط اغراضه فيها... وكل مايطري على بالي شي احاول اكتبه باذن الله وعساني بس اكتبه عدل ..... جود اني اتذكر وافيد واستفيد ..... يقولون ياغالي والطلب همبه .. يقولون بعد من تغلى يخلى ... لاتكثر الدوس ياخلي يملونك لانت بولدهم ولا طفل يربونك ... |
طنقورة ..... زعل بويعل ........ مايبي احد يقول له اندز على وراك او اندز على قفاك .. واحد بسرعه يزعل يقولن لاتدقله بساع يزعل زعول ....
|
من الأمثال الشائعه في الكويت
يربط عصاعص
يقال هذا المثل عندما يقوم الشخص بنقل الكلام الذي لاينفع ويضر عن أشخاص لأشخاص آخرون فتنشأ المشاكل بينهما . ومثله مثل يزلق وايرات أو يشب النار بينهم . والعياذ بالله من أمثال هؤلاء . ودمتم سالمين |
| الساعة الآن 10:40 AM. |
Powered by vBulletin® Version 3.8.9 Beta 3, Copyright ©2000 - 2025
جميع الحقوق محفوظة لموقع تاريخ الكويت