تاريخ الكويت

تاريخ الكويت (http://www.kuwait-history.net/vb/index.php)
-   القسم العام (http://www.kuwait-history.net/vb/forumdisplay.php?f=89)
-   -   رحلة الى سوق الحريم (تعالوا خـ انبش بغريضاتهم)!!-تقرير مصور (http://www.kuwait-history.net/vb/showthread.php?t=9260)

عابرة سبيل 03-09-2010 07:26 PM

والله زين
يبيلي اجربه على يوم :D

يعطيج العافيه
تحياتي

اصـيـله 04-09-2010 02:31 AM

مشكورة على الموضوع الروعه ويعطيج العافيه على نقل الصور وروحتج وتعبج مع الحواج
صج المكان مع انه قديم وايد واغلب الى فيه الحين من الوافدين بس مكان مريح لان فيه من الماضى

بنت اهلها 04-09-2010 02:42 PM

تبارك الله
موضوع رائع ومتعوب عليه وذكرتيني بشجرة الحنه اللي كانت في بيتنا كنا نقطع اوراقها ونيبسها ونطحنها كان لونها روعه
الله على ذيك الايام
الله يعطيج العافيه ياخيتي دايما مواضيعج تجذبني لقرائتها

فحيحيلية أصيلة 04-09-2010 03:19 PM

رد
 
اقتباس:

المشاركة الأصلية كتبت بواسطة اصـيـله (المشاركة 52796)
مشكورة على الموضوع الروعه ويعطيج العافيه على نقل الصور وروحتج وتعبج مع الحواج
صج المكان مع انه قديم وايد واغلب الى فيه الحين من الوافدين بس مكان مريح لان فيه من الماضى

يا هلا بالاصيلة.. حياج الله.. وكونج تعجبين بموضوعي هذا اضافة لا يستهان بها لموضوعي.. انا تشرفت واااااااجد بمرورج يالغالية.. وبالنسبة لسوق الحريم وان اغلبه من الوافدات .. انا امي لما قرت موضوعي هذا قالت فعلا الحين -و حتى قبل يعني اواخر الثمانينات- ما كان في كويتيات يبيعون كما في السابق البعيد.. اغلبيتهم من الوافدات.. بس معاج حق طبعا 100% سوق الحريم يبقى مكان من الماضي الي كلنا نشتاق ونوله عليه بكل تفاصيله -سبحان الله حتى الي ما لحق عليه-.

فحيحيلية أصيلة 04-09-2010 03:21 PM

رد
 
اقتباس:

المشاركة الأصلية كتبت بواسطة بنت اهلها (المشاركة 52839)
تبارك الله
موضوع رائع ومتعوب عليه وذكرتيني بشجرة الحنه اللي كانت في بيتنا كنا نقطع اوراقها ونيبسها ونطحنها كان لونها روعه
الله على ذيك الايام
الله يعطيج العافيه ياخيتي دايما مواضيعج تجذبني لقرائتها

يا هلا يا بنت اهلها.. ويا حياج الله.. ودااائما بكل موضوع لي انطر مرورج وتعليقج.. لا تقاطعين :)

الجود 05-09-2010 05:30 AM

بصراحه الموضوع وايد حلو تسلمين على هذا التقرير
حبيت اسال الكحل وين بضبط من المدينه او وين القى بالكويت الاصلي

MR.ANWAR 05-09-2010 08:08 AM

اقتباس:

المشاركة الأصلية كتبت بواسطة فحيحيلية أصيلة (المشاركة 52753)
يا هلا و مرحبا فيك اخوي انور.. بالنسبة اذا كان في سوق الحريم بالفيحيحل ولا لا بصراحة ماعندي فكرة>> انا وعيت على امي كانت تودي جداتي الثنتين -الله يرحمهم ويرحم اموات المسلمين- لسوق الحريم ماغيره الي بالمباركية وانا طبعا ضروووووووري كنت ارز وجهي دامه مكان يبيع حنة ومضاعد>> هالشي كنت اموت واحيا الا يشترون لي اياه :D.. وهالكلام كان اواخر الثمانينات.. يجوز قبلها كان فيه بالفحيحيل وبعدين انشال؟!! -الله اعلم- .. انا بهالفترة كان عمري ما بين الاربع او الخمس سنين يعني ما يمديني اوعى او اذكر اذا كان في سوق الحريم عندنا اهني او لا .. بس الحين اذا سالنا وين كان سوق الحريم؟؟ على طول يدلونا على اللي بالمباركية وما يقولون مثلا الي بالمباركية ولا الفيحيحيل؟! >> و قد يكون هذا استنتاج انه ما كان فيه سوق الحريم الا في المباركية - لكن ايضا الله اعلم- ماعندي فكرة :)
وعندي تعليق بسيط اذا تسمح لي.. حسااااااااافة ما شرحت للجماعة الاجانب عن هالسوق خصوصا ان الحريم واهم ببراقعهم كانوا الي يبيعون ، يعني سوق الذهب الي رحتو له اتوقع اغلب الي يبيعون رياجيل هنود او ايرانيين او اي جنسيات مختلفة ، لكن سوق الحريم ماغيرهم حريم الكويت >> الي اقصده ان سوق الحريم بالذات واضح عليه الصبغة الكويتية الخااااالصة :)

ولك فائق احترامي وتقديري اخوي

بارك الله فيج اختي فحيحيليه
احب اضيف نقطه صغيره.
عندما كنت صغير كانت الله يرحمها جدتي قبل لا تروح شاي الضحي و كانت تاخذني معاها تمر وحده بالفريج و هي اللي كانت تمول حريم الفريج ببضاعه سوق الحريم:)
وقتها كانو الحريم صعبه عليهم يروحون السوق (طبعا من سكنو المناطق الجديده)
.................
تحياتي

فحيحيلية أصيلة 05-09-2010 05:16 PM

رد
 
اقتباس:

المشاركة الأصلية كتبت بواسطة الجود (المشاركة 52891)
بصراحه الموضوع وايد حلو تسلمين على هذا التقرير
حبيت اسال الكحل وين بضبط من المدينه او وين القى بالكويت الاصلي

هلا فيج اختي الجود.. المدينة اقصد فيها المدينة المنورة.. لكن اهني تلقين كحل اسمه كحل الاثمد واقري على العلبة ان البلد المنشأ المدينة المنورة.. لا تاخذين الباكستاني او الهندي لان هذا عادة يكون مو تمام>> وبعدين انتي افتحيه شوفيه الي شديد السواد طبعا هذا الاصلي >> انا مرة شريت واحد جاي لونه على رمادي وقاللي اصلي -طبعا كان الحواج مصري وطبعا ما يعرف كثر اليمني- والمثل يقول عط الخباز خبزه.. ف طبعا حواجنا اليمني -هذا عشرة عمر- فهمني ان الي جاي على رمادي تخيلي شنو؟؟؟؟>> هذا رماد!!!!!!!!! يعني كانوا حارقين شي ومن الرماد ماخذينه ومسوين كحل.. عاد شوفي مو بعيدة يكونون حارقين جثث ومن الرماد مسوين كحل وانا من زود القرادة اتكحل بجثثهم>> خبرج بلد المنشأ الهند :D:D.. ف احترصي وانتي تنقين>> شوفي حواويج المباركية الحين خوارة ما انصحج.. روحي لاي حواج صاحبه يمني او يمنية -من عمر والمهارة اهل هالسوالف.
وشكرااااا يالغالية لمرورج

بن شمّوه 05-09-2010 05:51 PM

الفائدة بالمواد الطبيعية
 
مراااحب أحبتي
أغراض الحريم أول اللي تشتريهم من الحوّاي كلها أعشاب ومواد خالصة نقية مستخرجة من الطبيعة بالإضافة إلى إستعمالها لغرض التجميل كانت تستخدم هذه الأغراض كنوع من العلاج في نفس الوقت...

أما ما تستخدمه النساء من مستحضرات تجميل في وقتنا الحالي... فهو خليط من مواد إصطناعية بتركيبة تجارية كلها كيماوي X كيماوي... ومغلفة بأشكال جذابة ومبهرة فقط شكلاً... وكل يوم ماركة...
والنتيجة: حساسية في الوجه والبشرة وتساقط شعر... ثم زبون دائم على عيادات التجميل والسبب البحث عن وهم الجمـــال الزائـــف:eek:... الله المستعان

شكراً عزيزتي "فحيحيلية أصيلة" موضوعج جد حلو
وعتيج الصوف ولا يديد البريسم
:D

أم عبدالعزيز 05-09-2010 10:10 PM

ذكرتينى فى سوق الصباح لما اودى الوالده الله يحفظها

يعطيج العافية يالغالية



.


الساعة الآن 10:04 PM.

Powered by vBulletin® Version 3.8.9 Beta 3, Copyright ©2000 - 2025
جميع الحقوق محفوظة لموقع تاريخ الكويت