تاريخ الكويت - الشاعر سالم بن تويم الدواي

السوق والله يا يبه سوق هدلان

سوق الكويت اللي عزيزٍ غريبه

يا ليت الي ميقٍ وقضاب سكّان

واشرف على ذيك الديار العجيبه

دارٍ أليا طبّيتها خاطري زان

وفراقها همٍ علي وغصيبه

عندي شوارعها نهور وبستان

مساكن الجدان عندي حبيبه

لو اهني من شاف «مشرف.. ودسمان»

و«الشعب» قصر اللي حكمنا بطيبه

و«السالميه» شاف اهلها بالاعيان

ومناطق الديره بعيد وقريبه

ألقى دواوين بها كل ديقان

رفاقةٍ والجد واحد عريبه

عزوّة جميع جموع ذربين الايمان

ما كان قلبه صاملٍ بنتخي به

لا عقلوا ذرعان حلوات الالبان

يجي لهم نصر وعز وهيبه

^
ما اصعب حنين الغربه وشوق للوطن وذكرياته وما اصعب فراق الاحباب فعلا شاعر سالم الدواي رحمة الله عليه ابدع في صياغة القصائد شكرا عبدالرحمن وشكرا احمد على نقل رائع