السلام عليكم

اخي العزيز ولد الشامي اليوم فضيت نفسي الضحى وقعدت الف طبعا بالسياره من معرض بهبهاني

ليما حسينيه معرفي جم مره

النتيجه المبنى او المستشفى الي اسال عنه عند حسينيه معرفي القديمه ويمها مسجد صغير

حتى المواقف للسيارات اللي هناك سميت مواقف الميدان

يمكن مثل ما قال الاخ باك 3 كان مبنى للخدمات الطبيه حولوه مستشفى مؤقت مثل ما حولوا مستشفى الولاده اللي قرب شركه الملا الى مستشفي الاميري فتره زمنيه مؤقته هالمره انا متاكده لان زوجي نوموه هناك

شكرا لجميع الاخوان على محاولتهم ولكم جزيل الشكر وجزاكم الله خيرا

السلام اختي قدساوية

والله هذا اللي كنت ما اقصدة
اسمه مستشفي الميدان واغلب اللي يعماون فيه من الجنسيه الهنديه
عباره عن بنايه بسيطه .... واذا تذكرين مره جابو في دكتور للرجيم
حتي هالدكتور مشهور ناسي اسمه مصري الجنسيه
وبعدها تم توقيفه لانه طلع دكتور بيطري او كانت اشاعه عليه ما اذكر
وانا لي وحده ولدت هناك صح كلامك الغرف كانت حييل صغيرة بعدها انتقل الي
خلف كباب الحجه بنيد القار

عددددل ولا انا غلطـــــــــــــان :)

السلام عليكم

مشكور اخوي عبدالله اقولك ما ادري عن هذا المستشفى الا ذيك السنه لما زرت المريضه الله يرحمها

اكثر من مره انه مبنى كبير من دورين قسم للرجال وقسم للحريم وفيه غرف خاصه

ويمه مسجد صغير غير هذا ما اذكر اي شئ عنه

وبعد مده اختفى هذا المستشفى وعلى فكره اهو حكومي مو خاص

لان المريضه حولت له من مستوصف حكومي

واللي خلف كباب الحجه مستشفى السلام وهو خاص

ولك جزير الشكر