تاريخ الكويت - الشاعر محمد بن لعبون في الكويت

السلام عليكم ورحمه الله وبركاته،،،
والله يا اخي احمد مدري كيف اشكرك علي هذا الموضوع الجميل جدا وادري ان الموضوع قديم بس والله شي جميل يا اخي انا قرأته من امس هالموضوع ولازلت اقرأه .. انا من عشاق الشاعر محمد بن لعبون ولما شفت مكان قبره بصراحه خنقتني العبره قسم بالله وانا اشوف القبر تطري علي كل قصايده والله شي غريب وعجيب،، سبحان الله كان وين والى اين،، كان زمن ابن لعبون زمن جميل جدا بكل حذافيره بساطه وجمال والناس كانت علي الفطره وابن لعبون بصراحه كانت اشعاره ترجمه لذاك الزمن القديم،،شي يدعو للفخر ان تحتظن الكويت هذا الادب الكبير وان يكون فيها شاعر مثل ابن لعبون,,
الله علي الكويت وماضيها وايام ابن لعبون الجميله والله وانا اشوف القبر ومكانه وصار سكه والزمن الطويل الي مر عليه الي جعله في طي النسيان شي يدعوا للعجب،،هذا هو حال الدنيا والله يرزقنا الجنه الله يرحم محمد بن لعبون رحمه واسعه ويتجاوز عن خطاياه واكرر شكري للاخ احمد علي هذا المجهود الرائع جدا والسلام عليكم ورحمه الله وبركاته