ما تقصر يا بني خالد
صج غريب وشيق والصوره اغرب واحلى بس الصراحه عمري ما ذقته ولا شفته ينطبخ

اخي العزيز ملثم ان طعمه لذيذ ولا يعلى عليه .

والله صج يا بو عبدالمحسن :eek:
انا لحم ويالله هالنوبه جراد لا والفقع عمري ما ذقته ما حبه خلني على الدجاج والسمج:D
مداخيل العافيه انشاء الله

كنت اليوم أسولف مع احد زملاء المنتدى عن نفس الموضوع تماما وكانك سامعني ياأخي عبدالله بني خالد :). الحديث كان عن ماأتذكر تماما كيف كان ينشر الجراد على الاسطح على الحصر او بعض الاقمشه المستهلكه تحت الشمس بعد سلقه بالماء . وكيف يوضع باكياس خيش ويخزن للاستعمال باوقات الحاجه بعد جفافه . أتذكر رائحته الحلوه وطعمه اللذيذ وخاصه المكنه وهي التي تحوي البيوض الصفراء التي تحملها المكنه ببطنها :) . للعلم آخر مره اكلت الجراد 1962 تقريبا . تسلم الايادي على الموضوع .

إنتشرت باسواق الكويت لم أعد أتذكر تماما هل قبل الغزو ام بعده علب معدنيه ( معلبات ) مستورده من تايلند على ماأذكر بها جراد مفيوح (مسلوق ) ومملح ومجفف وكان سعره مرتفعا نسبيا . ونفدت الكميات الكبيره التي وصلت منه وتم طلب كميات اخرى منه. بعد فتره ظهرت اشاعه او خبر من وزاره الصحه لاأدري صحته بان هذا الجراد سام وقاتل لانه مرشوش الى جانب أنه ياكل زرع مرشوش بمبيدات حشريه قاتله . فامتنع معظم الناس عن اكله او شراءه . والله اعلم .

لسلام عليكم
اذكر احد اصدقاء الوالد الله يرحمه يابله صوغه من تايلند جراد مجفف
في الثمانينات باعوا في السوق جراد حي شريته وسلقته حق ابو العيال والعيال ولكن ما ادري ليش ما قدرت اكله
وابو العيال كلاه وهو متمتع والعيال استغربوا شلون ابوهم ياكله وهو مستمتع ا

السلام عليكم
اخي الكريم ولد الشامي :)
انا بصراحه مستغرب منك اذا بغيناك تتذكر في موضوع
كله القاك ناسي واذا تذكرت تذكرت شــي ما يطري علي بال احد
انت سويت سالفت ابو علوي يوم باع مجبوس لحم بالاحمدي :)
ما اقول الا الله يزيد النعمه ويحفظها من الــزوال
ولد الشامي حلات اليراد مكــــنه اتصيدها وتحكرها بجدر وتاكلها


http://t2.gstatic.com/images?q=tbn:q...1159513283.jpg

http://t2.gstatic.com/images?q=tbn:4...c260dea814.jpg

http://t0.gstatic.com/images?q=tbn:e...e356b976c0.jpg

http://t1.gstatic.com/images?q=tbn:h...d-Crickets.jpg

السلام عليكم
اختي الكريمه أهلنا الأولـــيين ترا كانوا بسيطين
لقمه الغني والفقير وحده وكل مشروك مبروك
واكل البيت لازم الكل ياكله جبير واصغير محد اتعنفق مثل الحين
وما نقدر نقول لاهلنا مانحب هالاهل لا ناكل ونحمد الله عالنعمه :)

شكر على هذا الموضوع
فى سنة 89 اتى على الكويت جراد بس ما تم اكثر من يوم واحد