مشكور استاذي ولد الشامي
مناسبه السعر عن طريق البحث لكن يبيلك وقت حتي تاخذ المعلومه العدله
وقد يكون 30 روبيه بايام الخمسينات او اخر ايامه اقصد لما غلت المعيشه :D
وسلمك الله الصورة
انا اجمع صور عن الكويت قديما عندي لها جم فايل
و من فوق مكتوب عليها safat 1961
واغلب الظن انه شارع ( جشنمال ) وانت جاي من المباركيه خل الصرافين وراك جنك رايح
شارع فهد السالم..... ولو تلاحظ حديقه البلديه علي يمين الصورة
واظن محلات فورد اللي عاليسار اهي ( برج الصفاة ) حاليا ... بحيث اقصي اليسار مجلس الامه سابقا
لانه هالشارع تعدل بالتــالي

انت عموما تاكد من صحة كلامي .... يمكن رايك يكون غير سواء منك او احد من بقيه الاعضاء الكرام

مشكوره على الشرح وكلامك صح. لكن اللي أقصده أن الصوره روعه وأعرفها وكأني أنا المصور. الذي أقصده. هل عندك صور بلقطات مختلفه للساحه لأنني إستمتعت بها جدا. وأريد أن أرى المزيد لو سمحتي . لك امتناني لو حصل ابنتي الكريمه.

الشكر لله سبحانه

حــــــاضر استاذي الكريم ......ولد الشامي
راح ابذل قصاري جهدي بالبحث عن لقطات لهذا الشارع

لكن عندي ... ســـؤال
الرجــل اللي لابس بشت فوق راسه عاليسار .... خلفه مباشــرة في بنايه
مكتوب عليها ( وكـالة ع....... )
مو امبينه بالصوره
هذي الوكاله تبيع شئ مهم جدا لكل بيت بذاك الوقت جدا جدا مهم
انا علمتك اول حرف ( ع )
هل تقدر تعرف شنو اسم الوكاله
انا اعرف اسمها بس ابي اخلية سؤال للي يعرف اسم هالوكاله ؟؟

خلفه يوجد سوق السلاح ويسار السوق محلات جاشنمال. أتذكر ولكن غير متأكد أنه يوجد دعايه تايد كبيره وكان وكيلها علي عبدالوهاب .

أبنتي الكريمه .أولا هذه ساحه الصفاه . يمين الصوره بنايه جوهره الخليج(ظاهره) يقابلها مبنى المحكمه القديم تقريبا منتصف الصوره .على يمين المحكمه وكاله ميشلان. ثم وكاله فورد ثم بريجستون .ثم على يسار الصوره ويسار الرجل تقريبا البنك البريطني للشرق الاوسط ثم بنايه الصفاه القديمه ثم وكاله بهبهاني وبعدها بريد الصفاه ثم صيدليه نسيت اسمها ثم وزاره الدفاع القديمه. وقبل جوهره الخليج شارع الجديد وقبله جاشنمال وقبله سوق السلاح . فين السسؤال ؟؟؟

هل البنايه الظاهره هي بنايه اوميغا اللي على مدخل الشارع الجديد ؟
وهل وصفي السابق لساحه الصفاه بالشرح الذي شرحته يتطابق مع تصورك الشخصي ؟

انا ترا في اشياء اذكرها من خلال الصور عند الاهل
وبعض الصور راح اسأل لك عنها لاني اكتب اللي اتذكرة من الصور مع الاهل
وأسال لك احد عنها ان شاء الله
بس ما اعرف بنايه اوميغا

وانا شرحت لك عن ساحة الصفاة بناء علي ذكريات الاهل
لاني اسجل تحت كل صورة ملاحظاتهم من سنين طويله
وان شاء الله اول ما احضر الصورت اللي بلغتك عنهم
راح احضر صفحه كامله عن ساحه الصفاة
ابشر خير استاذي الطيب