لنصرخ بأعلى صوتنا

[كندريه بنت شرق]

يا حلونا قبل عايشين بفريج واحد وكنا على قلب واحد عمرنا ما قلنا هذا شيعى ولاسنى ولابدوى ولا حضرى كنا

نقول هذا كويتى وبس

الحين الوضع تغير وطلعت لنا مصطلحات يديده داخل السور وبره السور ومزدوجين وحضرى وبدوى وكل واحد

يناجر ويناحر الثانى وخلوا الناس تكره بعض حتى اليهال الصغار بالمدارس يسالون بعض انت سنى ولاشيعى ولا

انت بدوى ولا حضرى وتكتلات بالمدارس ويفزعون حق بعض وهالمظاهر ما كانت موجوده قبل بمدارسنا

ابى اقول كلمه اخيره والله الكويت ما تستاهل والله يحفظ لنا هالديره من كل شر ويحفظ اهلها وناسها الطيبين