راسل ادارة الموقع جديد المشاركات التسجيل الرئيسية
  #11  
قديم 13-09-2010, 01:25 PM
الصورة الرمزية بن عيسى والنعم
بن عيسى والنعم بن عيسى والنعم غير متواجد حالياً
عضو
 
تاريخ التسجيل: Sep 2010
المشاركات: 23
افتراضي اليوم بنسوي خثره

السلام عليكم ...
اليوم بنسوي خــثره وهي من الأكلات الكويتيه القديمه ما قبل النفط وهي عباره عن مرق سمج وعيش .. عاد الكويتين الأوليين يحبون هالأكله وخصوصاً الشياب والعيايز لأنها تنزلط زلاط .

بسم الله بدينا وعلى النبي صلينا
جيلتين عيش مغسول عدل ونقعه بالماي ونخليه على كتر (على جنب)
وبعدين نبدي بالمرق ... انيب زبيديه بس من الحبات الوسط أحلى حق المرق نغسلهم عدل ونفركهم بالملح والكركم وشوي كمون .. ونخليهم على كتر
طبعاً تعرفون طريقة المرقه .. بس ألحين بقولها بشكل سريع
3 بصلات قص نعيم - 4 طماطات قص نعيم - معجون طماط قوطي واحد
لومي أسود مطحون ولوميه وحده عدله بس نقضها - 4فصوص ثوم مدقوق
بهارات سمج وكركم وكمون وزنجبيل طري شويه بس(اضافه من عندي) وكزبره ناشفه مطحونه وقفشتين صباره وطبعاً وملح وماي حق المرقه ...

نحمس البصل والثوم والزنجبيل بشوي ماي لين ينشف ويذوب البصل ، وبعدين الطماط الطري ودهن (السمن أطيب من الزيت وأقصد سمنه نباتي علشان صحتكم وشراينكم ) ... ونحمس لين يذوب الطماط عدل عدل (لاتستعيلون) ، وبعدها نحط البهار ومعجون الطماط (ونحمس )ونحط السمجه أنا ما أحط الراس وهذا على كيفكم (طبعا مغسوله من الكركم والملح) وقطعوها وصلتين إذا تبون أو تخلونها تذوب بالمرق كيفكم .. تقلبووون السمج لين يشرب شوي من الحمسه وتحطون اللوميه المقضوضه وبعدين تحطون العيش المغسول (كل مانقع العيش أكثر صارت الخثره طيبه) وبعدين تصبون الماي عليها يكون مستوى الماي فوق العيش بأربع أصابع ،،تطبخ شوي وتشوفون الماي شوي قصر ،، وبعدين تحطين الصباره المنقوعه بالماي من وقت،،وتملحون المخثره حسب ذوقكم بمكيال الملح ،، وتحطون تحت الجدر حديده وتقصرون عالجوله وتخلون الخـــثره تخدر مو أقل من نصصصص ساعه بس نقلب الجدرعلشان نتأكد ما ايحترق إللي بقاع الجدر.

ملاحظه مهمه جداً: كل ماكانت الحمسه متعوب عليها طلعت الخثره ممتازه ولا تنسون الوقت إللي تخدر فيه الطبخه ،، مايحتاي أقولكم بعد... يلعب دور بالطعم .

وبعدين على كتر أنتي مقطعه البصل جوانح وتقلينه بالدهن لين يصير لونه أدعم - بني (حق الحشو وقت النجاب)

وزهبو الرويد والبقل والجرجير وأجار الطماطه

وبالعافيه إن شاء الله ...
رد مع اقتباس
  #12  
قديم 13-09-2010, 01:49 PM
الصورة الرمزية فحيحيلية أصيلة
فحيحيلية أصيلة فحيحيلية أصيلة غير متواجد حالياً
عضو مشارك
 
تاريخ التسجيل: Aug 2010
الدولة: اهي الدار اللي ربتني.. اهي الكويت
المشاركات: 148
افتراضي مشاركة

اقتباس:
المشاركة الأصلية كتبت بواسطة متصفح
   هذه العصيدة
صراحة انا عمري ما اكلتها وان شاء الله نجربها

انا عصيدتي اغمج ... بسبب كثرة السكر المحموس>> الي بالصورة احتمال مسوينها بطحين ابيض.. و الاصل في العصيدة الطحين الاسمر.. و لما تجهز و تصير نفس الي بالصورة ينحط فوقها فلفل اسود>> تطلع لذييييييييييذة لانك تجمع بين الحاذق و الحلاة في الطعم .. و ايضا في طريقة عصيدة بالتمر>> و التمر يكون بديل السكر -لقيم غذائية الناس يفضلونها- >> و بصراحة ما قد سويتها الا الكل يسألني عنها>> لذيذة جداا .. انشالله على فراغة احط لكم الطريقة.

تقبلوا تحياتي .
رد مع اقتباس
  #13  
قديم 13-09-2010, 02:52 PM
الصورة الرمزية فحيحيلية أصيلة
فحيحيلية أصيلة فحيحيلية أصيلة غير متواجد حالياً
عضو مشارك
 
تاريخ التسجيل: Aug 2010
الدولة: اهي الدار اللي ربتني.. اهي الكويت
المشاركات: 148
افتراضي

اقتباس:
المشاركة الأصلية كتبت بواسطة IE
   العصيدة
1قلاص طحين أسمر. 2 قلاص ماي، 2/1 قلاص سكر، قليل من الزبدة.
بصل للحشو، أربع بيضات، فلفل أسود، ملح.
ملاحظة العصيدة تقدم للمرأة النفساء بعيد ولادتها للتو.
الطريقة: ينخل الطحين ويحمر على النار حتى تظهر رائحته ثم نخلط كأس السكر مع الماء ويرفع على النار حتى يغلي مع اضافة الزبدة او الدهن له، يوضع الطحين تدريجيا وتحرك هذه العجينة في ملعقة خشبية حتى يندمج الخليط، خليط السكر والدهن والعجين والزبدة مع بعضه البعض مع التقليب المستمر ثم يذر الهيل والفلفل الناعم والفلفل الأسود وقليل من الحلبة ويترك على نار هادئة دون غطاء.

غنيمة الفهد - جريدة القبس 12/12/2009

ملاحظة: الطريقة اللي في الاقتباس للاستاذة غنيمة الفهد اهي خاصة- للمرأة النفساء->> لذلك نشوف الاضافات الفلفل الناعم و الاسود و الحلبة.. و لكن الطريقة العادية الي الكل ياكلها نفس الطريقة بدون هالاضافات>> القصد ان هالاضافات خاصة لحالة معينة كما بينا سابقا.

بس اللي راح يجرب هالطريقة -اللي بالاقتباس السابق- بيلاحظ ان الطعم مو حالي مثل ما يتوقع!!>> يعني انا اسوي العصيدة السكر المضاف يوازي الطحين الاسمر المضاف.. يعني>> مكتوب بالاقتباس السابق>> 1 كأس طحين اسمر و 2/1 كأس سكر،>> لكن طريقتي تكون نفس الفكرة و لكن مثل ما بينت السكر يوازي الطحين>> يعني 1 كأس طحين اسمر ، و 1 كأس سكر >> و طبعا يعتمد على الكمية لكن حبيت اشير ان الطريقة الاحلى ان السكر يوازي الطحين بالكمية . لكن بعد ما تخلص و نحطها بالصحن و تجهز ضروري الفلفل الاسود الناعم فوق العصيدة و قبلها طبعا الدهن العداني او السمنة -في ناس يستبدلونه بالزبدة السايحة العادية>> لكن للامانة انا ما افضلها لان الطبق جذي بيكون زفر - وانا نفسي شينة على قولة القايل >> طفارتي الزفرة بالاكل.. ف يفضل السمنة>> الدهن العداني .

و بالعافية و تستاهلون .
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
كتب كويتية قديمة في الزراعة بوعبدالله عيد البحوث والمؤلفات 1 12-11-2010 02:16 AM
سفن كويتية قديمة سمو حوران الصور والأفلام الوثائقية التاريخية 3 30-03-2010 04:31 PM
اوراق كويتية قديمة عاشق التاريخ الوثائق والبروات والعدسانيات 1 05-12-2009 10:45 PM
بيوت كويتية قديمة سمو حوران الصور والأفلام الوثائقية التاريخية 4 30-10-2009 04:31 PM
بيوت كويتية قديمة سمو حوران الصور والأفلام الوثائقية التاريخية 0 03-03-2009 01:47 PM


الساعة الآن 05:10 PM.


Powered by vBulletin® Version 3.8.7, Copyright ©2000 - 2024
جميع الحقوق محفوظة لموقع تاريخ الكويت