قصر مشرف

[رغداء]

السلام عليكم :
انا جدا سعيده بمشاركتي وياكم , ويشرفني اكون عضوه في منتدى يخص الكويت واهله .
موضوعي اللي اتمنى احد يساعدني فيه , من يوم كنت صغيره ولما كبرت و في كل مره من المرات اللي امر فيها على قصر مشرف كنت دايما احاول اطل فيه واحاول اشوفه من داخل شلون صاير طبعا نظرات خاطفه , او لما اصب بانزين لأنه يكون قباله طبعا , وايد يلفت انتباهي ويشدني , وكل اللي اسألهم عن القصر معلوماته تكون جدا قليله عليه ,, اكيد القصر ماكان شويه ولا اللي فيه كانو شويه , ياريت اللي عنده اي معلومات او صور من داخل القصر يفيدني و كذلك القصر منو يملكه ومنو كان يسكنه ومنو بناه البنيان العظيم هذا اللي على مر السنين للحين واقف , وليش من بد المناطق كلها انبنا هني معنها في ذيج الفتره كانت مشرف وبيان من المناطق البعيده جدا عن الديره ومشكورين

[ولدالشامي]

الاخت الفاضله رغداء

إضغطي هنا

[القرين]

ملكية القصر والارض الان تعود الى سعاد الصباح.
ولها مخطط بتحويلها الى منطقة سكنية.

[رغداء]

ولد الشامي مشكور وايد وايد انا يديده بالمنتدى وصج حبيت احد يفيدني فيه ,, انت دشيت له 1976 يعني من 33 سنه شلون دخلت له ؟ وشنو تتذكر شفت فيه ,, الله لو بعد فيه صور من داخل القصر لأنه حدي فضوليه وحابه اشوف داخله

[ولدالشامي]

اقتباس: المشاركة الأصلية كتبت بواسطة رغداء    ولد الشامي مشكور وايد وايد انا يديده بالمنتدى وصج حبيت احد يفيدني فيه ,, انت دشيت له 1976 يعني من 33 سنه شلون دخلت له ؟ وشنو تتذكر شفت فيه ,, الله لو بعد فيه صور من داخل القصر لأنه حدي فضوليه وحابه اشوف داخله

كان تحفه من التحف وقمه الفخامه والذوق وأشياء عديده رائعه . ولاأعتقد ان له صور من الداخل . إلا يمكن عند من سكنوه بالستينات لفتره بسيطه . تحياتي

[قدساويه]

السلام عليكم

ياريت من عنده صور القصر ايام عزه ينشرها لانني مثلا الاخت رغداء فضوليه

وجزاه الله خير جزاء وتكون في ميزان حسناته

[الجامع]

اشكرك اخوي
القرين
على التأكيد و المرور

[ولدالشامي]

اقتباس: المشاركة الأصلية كتبت بواسطة قدساويه    السلام عليكم ياريت من عنده صور القصر ايام عزه ينشرها لانني مثلا الاخت رغداء فضوليه وجزاه الله خير جزاء وتكون في ميزان حسناته

الاخت قدساويه إذا كنتي تقصدي صور للقصر من الخارج قد يجوز أحد عنده رغم أني أستبعد ذلك . وإذا قصدك صور من الداخل فأعتقد ذلك مستحيلا . ولاأعتقد أحد عنده سوى أصحاب القصر فقط .

[قدساويه]

السلام عليكم

والله يا اخوي ابي اشوف صوره من الخارج والداخل لانني كنت وانا اصغيره اشوفه من بعيد واقول شلون يوصلوله

ولما وصلتله استغربت من روعه البناء في ذللك الوقت وايضا وجود التكييف المركزي

ياريت كل الاعضاء وكل من يهتم باثار دولتنا الحبيبه نناشد الدكتوره الشيخه سعاد الصباح تترك هذا الصرح العظيم شاهد للكويت القديمه وتاريخها

ويكون كل هذا في ميزان حسناتها واذا عندها صور تعرضها لنا ومشكورين لكل من فتح هذا الموضوع لان في مباني تاريخيه جميله وانهدمت وليس لها ذكرى

[رغداء]

قدساويه ,, ابوي مره قالي ان ذيج الفتره منو كان يحط تكيف مركزي , من فخامه القصر , بس جد لا تشوفيني لما امر صوبه كل مره , رقبتي زين ماتنكسر ولا ادعم , بخاطري ادخل له , لو القصر كان بأروبا جان يسوون فيه رحلات ويدخلون له الناس عادي , وتذاكر , على الاقل يربحون ويعدلونه من داخل وبعدين يسوونه متحف , حرام الكويت بعد الغزو معالمها التاريخيه اغلبها راحت ومابقى لنا شي , نبي بس شي نتمسك فيه من ريحة اهلنا و شيوخنا الكبار لو شنو كانت , انا وياج بناشد الدكتوره سعاد الصباح تفتح لنا مجال الاقتراحات واحنا نعين ونعاون
وشكرا