عرض مشاركة واحدة
  #5  
قديم 01-08-2009, 05:59 PM
عبدالله بني خالد
زائر
 
المشاركات: n/a
افتراضي

4/12/1984 اختطاف الطائرة الكويتية ( كاظمة )



السلام عليكم
شكرا اخي الكريم ....سعدون باشا
والله لا يعود تلك الايـــام
انا كنت من المسافرين علي هذي الرحلة
كانت من الكويت وبعدها دبي وبعدها كراتشي
ثم ان احنا كنا ركاب ترانسيت ( دبي )
وصلنا دبي وبعدها عرفنا ان طائرتنا
تم خطفها الي ....مطار مهراباد بطهران او مشهد

واتذكر واحد و وزوجته كويتيين اظن من عائلة السميط
كان معاهم مبلغ من المال لتبرعات جامعينه وماخذينه معاهم
ودامت تلك حالت الخطف ايام قليله
وبصراحه اصابنا الذحر الشديد احنا والاهل
حتي كنا خايفين وقت الرجعه للكويت وفي من غادر عن
طريق البر ... وما تهنينا في تلك الرحله المرعبه
وفي صبح ثاني يوم وحنا بالفندق كل واحد قام
يتذكر اشكال الناس اللي معانا ويشكك فيهم
من الارهابيين لانهم كانوا قاعديين بينا
الواحد الحمد الله كل مرة يسافر ديره لكن ذيك السفره
للحين والله العظيم اذكرها عدل اول ما الطياره كاظمه قامت
من علي الارض سمعنا أصوات بلكنه غريبه ااااالله وأأأكبر
باللهجه الايرانيه وبصوت ضخم و يدوي علي كبر الطيارة
والله من اسافر مكان اتذكر ذيك الصحيه اللي قشعرة الجسم
من سماعها وبقوة صوتهم اللي اثار الرعب خاصه عند الاطفال
اللي معانا ومع الاسر الثانيه احس انهم اصرخوا من خوفهم
وربي يشهد اني اكتب واتذكر تلك الاحداث المرعبه
حسبي الله عليهم

الله يجعل كيدهم في نحرهم

التعديل الأخير تم بواسطة عبدالله بني خالد ; 01-08-2009 الساعة 06:13 PM.
رد مع اقتباس