[راعي الدار]

السلام عليكم عليكم

راح اكتب عن المطوطح وارد حق اخوي الي طلب ان احد يكتب عن هالعائلة الكريمه وانا لي فتره طويله ودي اكتب عنهم وسويت بحث وبعد البحث لقيت لهم دور كبير في تاريخ مبارك الصباح وقبل مبارك الصباح ولاكن السبب ليش ما في احد كتب عن هالعائله راح اقول لكم وهو في يوم من الايام لقيت اكثر من وثيقه تتكلم عنهم وركبة سيارتي ورحت المنصوريه دار المخطوطات وجلسة مع الاخ الشيباني كان موجود وناقشته بالوثيقه الي كانت معي وقلت ابي تكمله عندي بحث عن هالعائله وغيرهم من العوائل ورد علي وقال يا خوي صحيح الموجود بالوثيقه بس الموضوع ان اكثر الوثائق كانت تالفه وقام الشيخ عبدالله السالم وطلب من خلف الشيخ خزعل انه يكون بترميم الوثائق وقام اخذ الوثائق وسلمها له واخذها معه لندن ولاكن الرجال طمع بعد وفاة الشيخ عبدالله السالم رحمه الله وقام يساوم عليها كل وثيقه لها مبلغ وبعد فتره سلمها حق صدام حسين يوم كان نائب للبكر وسجن بالعراق واخذ منه الوثائق .... قلت له زين شنو اتعرف او الي سمعته قال لي يا اخوي التاريخ بالكويت ماهو واضح التاريخ لقيت المصادر واكثر المكتوب مكذوب وهالعائله انظلمة في تاريخ الكويت وانا اعطيك الدليل قلت عطني قال الوثيقه هاذي تتكلم عن رساله لدويش وهو يبشر الامام عبد العزيز ويقول له بعد معركة الجهراء ابشرك لقد قتلت اعداء الله في الجهراء وهم ابن طوله والمطوطح وبن الغيصم والبرازي وبعض من فلول بني حسين والصليلات وبن ضويحي السويط وبعض الدياحين.... قلت له صحيح هذا مذكور بالكتاب الارطاويه وحركة الاخوان للكاتب الماضي وحاط الرساله الي من الدويش حق الامام بن سعود.. ردي علي قال راح اصدمك قلت اشلون اخذني معه وطلعنا الدور الاولى والا في كتاب بريطاني طلبه من الموظفه وقام يفتش فيه وطلع وثيقه بخط مبارك الصباح فيها عدد السلاح والارقم واضحه فيها ولا مكتوب فيه سعد بن ماضي ورفقته الطواطح بس الي معهم من سلاح مبارك 850 بندق وكل بندق معها 50 فشقه ولما حسبنا عدد السلاح الي حق مبارك والا الثلث منه عند هالعائله بجد صدمني قلت له اشلون قال هذا دليل على ان الموجود ماهو كافي بس بنسبه حق هالعائله اكيد لهم دور كبير في تاريخ الكويت وياليت يا اخواني اذا احد عنده وثائق ينورني اكون له شاكر
ام بنسبه حق شارع بن جدعان وهو ليش يسمون نبصه هذا ماهو صحيح نبصه شارع خلفي حق شارع بن جدعان وقريب من المزارع وهو المكان سبخ ومرات ينبص الماء منه وهو ماء بحر كان لما البحر يسقي يطلع الماء من السبخه على شكل فقعات هواء ويسمونه نبص هذا الي عرفته من كبار العمر والله اعلم

ام بنسبه حق كتاب متعب السعيد انا لي عليه تحفظ كبير بعد وهو ذكر عوائل وترك البعض متعمد وعن قصد ام الكاتب فهو غير متخصص بالكتبه وماهو كبير بالعمر عشان يكون مرجع والغريب انه كتب عن الجهراء وهو ما عنده ادله هو نسخ بعض الكلام من كتاب عبد العزيز الرشود وهو اصلن ماهو من الثقات وعليها علامه ؟

المهم الي ابي اقوله يا اخواني المطوطح عائله كبيره وفي منهم بالديره من اهل السور وفي منهم باديه بس الاكيد انه عائله معروفه وغنيه عن التعرفي وفي منهم عوائل مشهوره ولا يطلق عليهم المطوطح وهم البشر الجهراء وبن عدله بالفروانيه ومنهم الدوخي الي في شرق وكان راعي تجاره ومن ملاك المزارع في الفاو ومنهم شخصيات كثيره ما ابي اذكرهم وانا موعود من شخص راح يجيب لي وثائق تتكلم عنهم لما ارسلهم بن صباح على اثر غزيه من شمر غزة على اهل الكويت وطلبه من المطوطح في تعقبهم وفعلن قام المطوطح وصارت معركه بينه وبين شمر خسروه شمر بالبدايه ولما علم بن رشيد لاحقهم على مورد ماء اسم سد مارد بالاسياح وتقاتل معهم وانقتل منهم اناس كثيره يا ليت احد من المطوطح يكون يعرف هالسالفه ومتى وقتها وفي اي زمان ومنهو الحاكم بالكويت وقتها اكون له شاكر

والحين اشكركم على المتابعه
اخوكم راعي الدار