السلام عليكم ورحمه الله وبركاته
أعضاء وعضوات هذا المنتدى المفيد
أفيدوني أفادكم الله
السالفه هي
كنت قبل فتره اشرح لطالباتي في الصف السادس
ومن ضمن خطوات الدرس تقديم الـ new vocabulary
عند شرح كلمه matches لهم باستخدام الصور وتمثيل حركه استخدام الثقاب
سألت الطالبه الاولى عن المعنى وانا واثقه مليون بالميه انها راح تجاوب
قالت لي : شخط
انا ما فهمت فقلت wrong answer
الثانيه قالت : شخط باصرار
الثالثه
الرابعه
كلهم اجمعوا على الشخط
وكان عندي بالحصه ضيوف الموجهه والمدرسه الاولى والناظره يضحكون
بالاخير قالت لي الناظره : يا بنتي انتي غلط وهم صح
انا انصدمت 
قلت يا ابله فلانه اللي اعرفه يا جبريت يا عود ثقاب هالكلمه بحياتي ما سمعتها
قالت عيب يا ابله بمستواج الاكاديمي هذا وما تعرفين كلمات اللهجه الكويتيه
انا عصبت صراحه وعطيتها ما كفاها لكن هذا مو الموضوع
الموضوع هل كلمه شخط فعلا من اللهجه الكويتيه؟؟؟
واسمحولي عالاطاله بس والله من حرتي 