تاريخ الكويت - قصيده نايف حمد الدبوس رحمه الله عليه

قصيدة يعود تاريخها إلى السبعينات حيث أرسل المرحوم نايف الحمد الجاسم العبدالله الدبوس رحمه الله من لندن أبياتا
شعرية الى (( ابومبارك )) المرحوم عبدالله الجاسم العبدالله الدبوس والمرحوم حمود الجاسم العبدالله الدبوس رحمة
الله عليهم جميعا.

القصيدة:

سلم على الربع ياسلمان ** وبلـغ سلامـي لعمانـي
اليك تنسى هل الديوان ** واللي لفى عندهـم عانـي
ديوان من يكرم الضيفان ** يذبح مع الحيـل خرفانـي
ابومبارك كبير الشان ** معروف في كـل الاوطانـي
وحمود له موقف قد بان ** قول صحيـح ووكدانـي
يوم عسكر العج والدخان ** سبـل عليهـم قهيدانـي
مهو بحكي وهرج لسان ** حاضر.. واشوفه بالاعياني
فك الغنم واحتمى الرعيان ** وفرج لهم ذرب الايماني

وعندما وصلت القصيدة الى أعمامه رد عليه عمه حمود الجاسم الدبوس بهذه القصيدة:

خطك وصلنا على العنوان ** لاهنت ياطير حورانـي
حر شلع ضمضم الجنحان ** معروف في كل ميدانـي
مع رفقته ملحق الرديان ** منسى ابوفاضل بوجدانـي
لاهنت يامشبع الجيعان ** وان جاء من البعد هلكانـي
وللجار والضيف كالبستان ** ومن شك نعطيه برهانـي
كرر سلامي على الديوان ** ماخص واحد على الثاني
ديوان من يحمـي الشـردان ** ابومبـارك كحيلانـي
من اسرة خاضت الميدان ** بخوض المعارك لها شاني
يقول من خاطـر شفقـان ** اثنـي التحيـة لعمانـي
وحنا عمامك على البرهـان ** شبـان اول وشيبانـي
يشهد لنا الكل بالعرفان ** من حضر منا كفـى الثانـي

سلمان: سلمان العبدالله الدبوس
ابوفاضل: خليفه دعيج الدبوس