تاريخ الكويت - سؤال عن نفط الكويت

السلام عليكم،

اخواني الكرام، حبيت استفسر عن شغله وخصوصا اني ماحصلت اجابه في اي من مواقع الانترنت.

التاريخ الـ"رسمي" للكويت يقول:

اقتباس:

- ديسمبر 1933م : تأسست شركة نفط الكويت المحدودة ، أسستها شركة النفط الإنجليزية الإيرانيةالمعروفة الآن باسم "شركة البترول البريطانية" وشركة غالف للزيت المعروفة الآنبشركة "شيفرون".
- 23/12/1934م تم توقيع اتفاقية بين المغفور له الشيخ أحمد الجابرالصباح وشركة نفط الكويت المحدودة.
- 1935-1936م أجريت أعمال مسح جيوفيزيائي ، وحفرت أول بئر تجريبيةفي منطقة بحرة.
- فبراير 1938م اكتشف النفط في حقل برقان.
- 30/6/1946 صدرت أول شحنة من نفط الكويت.

اللي محيرني التالي:
في حقل نفط اسمه "حقل المدينه"، حاولت اني اطلع اي معلومات عنه لكني ما حصلت غير الخريطه اللي موجوده في موقع وزاره النفط. لكن اللي اعرف التالي:
- كان يتم استخراج النفط من احد اباره قبل الحرب العالميه الثانيه.
- توقف استخراج النفط من هذا البئر بعد الحرب العالميه الثانيه.
- موقع بير النفط بالضبط صاير بين ابراج الكويت وسوق شرق، مقابل مبنى مؤسسه الموانئ (المبنى المهجور). صوره البير موجوده بالصوره اسفل الصفحه (فوق الابراج، على اليسار فوق).

الاسئله:
- متى تم اكتشاف هذا الحقل؟
- متى تم حفر البير؟
- متى تم الانتاج منه؟
- ليش توقف منه الانتاج؟
- ليش ماينطري كلللش (مثلا مو موجوده اي معلومات عنه في كتب المدارس والبروشورات اللي اتكلم عن تاريخ نفط الكويت او المواقع الالكترونيه)؟
- مبنى الموانئ اللي موجود جدام البير، هل له علاقه في البير؟
- المبنى شكله حديث واذا بخمن تاريخه بقول مبنى بالسبعينات، هل لهذا المبنى علاقه في بير النفط؟ واذا كان البير توقف الانتاج منه بعد الحرب العالميه الثانيه، شنو دخل البرج- اللي منبني بالسبعينات- فيه؟

وشكرا

http://farm1.static.flickr.com/148/4...03053e87_b.jpg