تاريخ الكويت

تاريخ الكويت (http://www.kuwait-history.net/vb/index.php)
-   الصندوق (http://www.kuwait-history.net/vb/forumdisplay.php?f=107)
-   -   شكوى: عدم تجاوب عن استفسار (الله يسامحكم) (http://www.kuwait-history.net/vb/showthread.php?t=3085)

كويتيه و افتخر 15-05-2009 01:29 AM

شكوى: عدم تجاوب عن استفسار (الله يسامحكم)
 
والله ابصراحه انا واايد زعلانه ومتضايقه لأني بغيت مساعده منكم بخصوص عايلة الهندي الكريمه واي معلومه عنها .. ومحد عبرني برد سواء كان يعرف العايلة او ما يعرفها لأني فعلا ودي اعرف عن هذه العايلة شويه معلومات ..

بس للأسف محد معبرني .. مع انها المشاركة الاولى لي بالمنتدى .. بس على العموم المنتدى جميل وفيه معلومات قيمه واشكر كل اللي يكتبون المواضيع الحلوه والمفيده وجزاكم الله خير ..

وانا حاسه ان ما لي مكان بينكم عشان جذي بقرر ان ما ادخل مره ثانية المنتدى ...



شكرا

متصفح 15-05-2009 01:54 AM

اختي العزيزة كويتية وافتخر
كل المشاركين في المنتدى يحاولون ان تكون معلوماتهم دقيقة عن جميع الاسر الكويتية
ويتحاشون الكتابة في مواضيع لم يتاكدوا منها
عموما نرحب فيج بالمنتدى وان شاء الله تستفيدين وتفيدين

كويتيه و افتخر 15-05-2009 10:00 PM

مشكور أخي العزيز متصفح ..ولكني لا أريد الا معلومات بسيطه .. وماشاءالله انتو معلوماتكم وفيرة عن الكويتيين والعوايل والنسب .... والموقع واااااايد حلو .. وهذا اللي شدني وخلاني اسجل فيه ..

IE 15-05-2009 10:08 PM

أختي الكريمة،

أتمنى إنج تعذرين أخوانج و أخواتج أعضاء المنتدى على عدم التفاعل معاج و مثل ما ذكر الأخ متصفح إنه احنا ما ودنا انفيدج إلا بلي متأكدين منه.

لكن على فكرة، لو بحثتي في المنتدى راح تلقين بعض المعلومات عن أسرة الهندي و الي كان منها أحد أشهر المطهرين بالكويت سابقا.

بن الرشيد 16-05-2009 04:37 PM

اختي سلام عليكم
طولي بالج و لا شك انك تعرفين ان بعض المعلومات تحتاج لها بحث يمتد الى اشهر وسنوات .. و ان دل هذا فانه يدل حرص الاخوان بالمنتدى على الحصول او كتابه المعلومه الصحيحه .. لنسبهم و اسمهم . وخاصة ان تركيبه اسم الهندي هو نفس بوهندي و ايضا الهنيدي و بوهناد و الهداني . وعشان نطلع بالمعلومه الصحيحه يجب علينا ان نسال و نبحث ونقرر من هم المقصودين

اختي الكريمه . ان بعض الاسماء يكون حسب الصنعه و البلد الام مثلا يوجد عندنا عائله المصري و الهندي و الكويتي و السعودي .. فكل اسم رجع الى بلده الاصلي ان صح التعبير بينما ان هناك من نفس البلد اخذ اسم جده الاكبر او صنعته كنالجار و الحداد و التتان .. عموما ما بي استرسل اكثر وتاكدي اختى الكريمه ان ما حصل هو الهدوء قبل العاصفه


و السمووووحه منكم

بن الرشيد 17-05-2009 04:58 PM

http://www.kuwait-history.net/vb/sho...5110#post15110 هذا موضوع عن الهندي

كويتيه و افتخر 17-05-2009 11:20 PM

مشكور اخي العزيز بن الرشيد وجزاك الله ألف خير وما قصرت ..

والله خجلتني وماني عارفه شنو ارد ...:o

مشكور ..


وأخي العزيز IE انا شرهانه بس عليكم لأنكم ما دليتوني على اي معلومات عن العائله بالاول لمن حطيت الموضوع بالقسم العام مثل ما فعل بن الرشيد الآن عندما دلني على الصفحة .. لأني بصراحه ما اقدر ادور بالوقع لأنه ما شاء الله متشعب ووفير بالمعلومات ..

على العموم مشكورين :rolleyes:

جون الكويت 17-05-2009 11:29 PM

اختي ما فيها شرهة تقدرين تبحثين مثل ما بحث الرشيد

شكلج مو عارفة الخطوات
راح اشرحها
1- تدخلين البحث المتقدم (ضروري جدا)
2- تختارين خانة ( عرض المواضيع)
3- تكتبين الكلمة المميزة اللي تبينها مثلا(الهندي) لاكن لا تكتبين احمد او محمد !! نتايجها ما تخلص
4- تضغطين بحث .. وخلاص

وذا بحثتي في (عرض المشاركات) راح تضيعين وتقولين:
اقتباس:

لأني بصراحه ما اقدر ادور بالوقع لأنه ما شاء الله متشعب ووفير بالمعلومات ..


عساني افدتج

كويتيه و افتخر 17-05-2009 11:33 PM

شكرا جون الكويت على هذه المساعده المفصله..

ياسر الروقي 19-05-2009 05:08 AM

كلش ولا زعل كويتيه
(خاصه بعد فوز 4 نساء بالانتخابات محدر يقدر يزعلج)


الساعة الآن 06:21 PM.

Powered by vBulletin® Version 3.8.7, Copyright ©2000 - 2024
جميع الحقوق محفوظة لموقع تاريخ الكويت