من هو ابن فروان
 

سرور بن فروان شخصية تكاد تكون مجهولة للكثيرين
وعشان جذي قلت افتح موضوع نحاول نعرف هالشخص
اللي سميت بأسمه منطقة من مناطق الكويت ثم انتقل الأسم إلى المحافظة
الا وهي محافظة الفروانية

أذكر بالثانوية لما كان يشرح لنا المدرس اسماء المحافظات وقال الفروانية على اسم رجل يسمى فروان كنت اعتقد انه اجنبي كان اسم غريب علي وهذي كانت اول مره اسمع بفروان لكن قدرت مع مرور الزمن احصل على معلومات عن سرور بن فروان وحبيت انزله كمشاركة واللي عنده اضافات ياليت يثري الموضوع بالردود

لعل اكثر شخص افاض عن سرور هو الشيخ عبدالله الجابر
على هذا الرابط
http://www.youtube.com/watch?v=9jG3vV2shew

ذكر الشيخ عبدالله الجابر ان سرور بن فروان كان من رجال الاخوان من مطير وانه كان من اهالي هجرة الأرطاوية وكان خاله فيصل بن سلطان الدويش وان الاخوان اضبطوه يتتن وكانوا في زمنهم يعظمون التدخين فجلد بسببها
وبعد هذه الحادثة نزح للكويت عند جماعة من مطير وسكن موضع في البادية وضمه الشيخ احمد الجابر لخوياه وبعدها حفر بئر في الفروانية وصار على البئر نزاع وقضي القاضي في ذلك الوقت بأحقية سرور بالبئر...

ويذكر حمد السعيدان في الموسوعة الكويتية المختصرة انه قابله عام 1957 و وصفه بأنه ضخم الجثة ..

هذا مالدي اتمنى من الاخوان ان يضيفوا مايعرفونه

الله يرحمه ..

احد رجال احمد الجابر .. وحفر اول بئر بالدوغة وبيته سابقا بجوار مسجد ابي شيتان ومن اوائل ساكني قرية الدوغة .. واطلقت الدوله اسم الفروانية على اسمه " سرور بن فروان من الجبلان " تكريما له ..

مشكور اخوي عمر على الأضافات القيمة
فقط ملاحظة صغيرة حسب كلام الشيخ عبدالله الجابر
سرور اصله رخيمي مو جبلي

العفو ..
والله هالامر سئلت فيه من ربع من مطير وجبلان قالوا لي جبلي ..
اذا انت منه او منهم تقدر تأكد وانتم ادرى من المرحوم عبدالله الجابر وادرى مني

ووفقني ووفقكم الله

و وجهك ابيض ياخوي
وحاظرين للطيبين


لا ما أعتقد ياعمر
الشيخ عبدالله الجابر اكيد قابل سرور بن فروان
وانا اثق في معلوماته
وشاكر لك مرورك

سرور بن فروان ........ رخيمي من علوه من مطير ........ شهادة احد ابناء عمه رخيمي