قصة وأبيات شاعر من بادية الكويت
 

كان الشاعر حصبان فهيد الحصبان من قبيلة ( عنزة) في بادية الكويت وكان يتردد بين الكويت والصمان وكانت قبيلة مطير نازلة على الصمان سار حصبان فهيد الحصبان و اثنين من الهوامل من مطير وهم صياح وحمود ومعروف ان رفيق الدرب له حقوق الحماية من مرافقيه واثناء سيرهم قطع طريقهم الفارس العقيد طواري بن جربوع الديحاني المطيري وقد عرف طواري ان حمود وصياح من مطير وحصبان الحصبان من بادية الكويت قال هذا العنزي عدونا وكان مع حصبان بندق وقد سلبها منه طواري فطلب حصبان من حمود وصياح رفاق دربه استرجاع بندقه له من ولد عمهم حتى يرجع الى ديرته وهو مأمن وقالوا دام انها عند العقيد طواري بن جربوع المطيري ما نقدر انلاقيه فقال الشاعر حصبان فهيد الحصبان وهو من قبيلة عنزة هذه الأبيات :


لي بندق فيها من الشان مشدود
خذها طواري وشوفها ماهيالــي
يابندقي تنخين صياح وحمـــود
واللي حضرهم من عيال السيالي
---------------------------------


الى قصة وقصيدة جديده من بادية الكويت وحاضرها نلقاكم .

وتكملة للقصة السابقه

وأثارت هالابيات نخوة الفارس الهيلم المويس المطيري فترصد لطواري الديحاني وخذا البندق منه وردها لحصبان فقال حصبان هالقصيدة يثني على لهيلم :


ثوب (ن) من البيضاء وساع اكمومــــه
يستاهله مني الهيلم ويزهــــــاه
ولد المويس اللي تجيني علومـــه
مع الطروش اللي قربهم امطـــواه
عاشت يمينه يوم قامل بلزومــــه
ما طاوع اللي بالردي قام ينخاه.
----------------------

يذكر ان الشاعر حصبان الحصبان

توفي عام 1923 في منزله في المرقاب وكان العزاء في بيت احد أسرة المالك الصباح في المرقاب .


تقبلوا تحياتي