تاريخ الكويت

تاريخ الكويت (http://www.kuwait-history.net/vb/index.php)
-   التاريـــخ الأدبي (http://www.kuwait-history.net/vb/forumdisplay.php?f=88)
-   -   الشاعر صالح النصر الله (http://www.kuwait-history.net/vb/showthread.php?t=988)

العدان 08-04-2008 02:18 PM

الشاعر صالح النصر الله
 
الشاعر : صالح النصر الله

ياكويت بالمرة عَلـَيْ لا تَعَتْبين
لاني بمنْك ولانتي يكويت مني
ماني ولدك اللي بَالاول تَخَبرين
ولانتي بأمٍّ لي عليَّه تحني
من يوم فضلتي علينا البعيدين
صرتي عذاري بان منك التجني
عيالك طردتينا وحنا المودين
وخذتي عيال ٍ غيرنا بالتبني
ناسَ ارغدوا واثروا وهم مستريحين
واللي اشتقوا ما حصلوا الا الهبني
يوم السفر والغوص وابيوتك الطين
روحي اسألي الهيرات يكويت مني
تعطيك عنا العلم واتخبّرِك زين
وتذْكر لك ايام ٍ لنا قد مضني
بين السفر والغوص راحت لنا اسنين
يشتان منها القلب وايهبلني
نقطع غبيب ٍ تبتهر كالبراكين
عقل الذليل ايكود منها يجني
ونصارع امواج البحر مستميتين
ابدا ً فلا نرتاح او نريهني
كله لعينك بس نبغيك ترضين
ندعي العمار الغالية يرخصني
ويوم ان صفا جَنْدك وزرعك غدا زين
والخضر هلَّن والعَقَاب ادبرَنِّي
حنا غدينا من جناك امحرومين
واللاش بارضك داله ٍ وامتهني
ما ينفعك ياكويت بالعسر واللين
إلا عيالك واخذي العلم مني
هم عزوتك وهْما غناتك عن الدين
وهْم الذرا لين الليال اظلمني
والا الغريب لوجاد وياك هالحين
عليك ما يبرح يدُور التجني
يبدي البشاشة ويظهر العطف واللين
ومن تحت ثوبه خنجر ٍ لك يسني
بس ينطرك يبغيك يوم ان تطيحين
حتى يَغَرسه واخذي العلم مني


ـــــــــــــــــــــــــــــــــــــــــــــــــ

العدان 09-04-2008 02:25 PM

كيل ٍ طفح بالشر واجتاز حـَدَّه
ماعاد فيه الطـِّيب يجدي بالاوغاد
واخذوا الحذر ما ينفع الطـِّيب وحده
ماقط ْ ذكِر طيب ٍ بالانذال قد فاد
طيب ٍ بلا حزم ٍ وعزم ٍ يشدَّه
يطغي الدخيل ويغري الضدّ بعناد
ولا تامن اللي ما يوفـِّي بعهده
لوعاهدك لا تنخدع به وتنصاد
يبور بك والحبر ما جفّ بَعْده
يغدراذا عاهد وينكث بالاوعاد
وباب يجيب الريح يا صاح سده
احزم امورك واردمه ردمة استاد
وكثر الحكي والقول ما حل عقدة
ما حلها الا الطوب هادرْ ورعَّاد
والسيف ما يقطع وهو وسط غمده
ما تقضي اللازم اسيوف ٍ بالاغماد
ان كان ما تروي من الدم حـَدّه
حقك يضيع و محـَّد ٍ عنـْك نشـَّاد

الشاعر صالح النصر الله

العدان 09-04-2008 02:28 PM

البارحه قزَّرت ليلي مسهـَّدْ
لا طاب لي نوم ٍ ولا لذة ارقادْ
كني على جمر الغضى آتجلد
ظليت بين النفس والعقل بجْهادْ
نفسي تقول ادحم وبالك تـَرَدَّد
وعقلي يقول احذرْك للنفس تنقاد
بالك اتطاوع شورها يالمقرَّد
واتصير مثل اللي يبي ايصيد وايصاد
كم واحد يحسب طريقه ممهد
دربه امان ٍ فارشينه بالاوراد
ويوم ان مشاه ايلاه وحش ٍمسدَّد
وشاف الخطر به كامن ٍ له بمرصاد
لا اتهمّ في أمر ٍ قبل ما اتتوكـَّد
خل الوكادة والركادة لك اسناد
ردت تقول النفس بالك تهيـَّد
كم حسبة ٍ فيها ترى العقل ما فاد
كم واحدٍ حَسـَّب وكسَّر وعدَّد
واتعب افكاره بين صادرْ وورَّاد
واتلاه تاه وحار بَامره وتلدَّد
ضاع الحساب وخانته ذيك اَلاعداد
دنياك في توفيج والحظ اَلاسود
من بار بَه ذَلـَّه ومن جاز له ساد
كم عاطل ٍ مثل الخمام المكوَّد
ضخم ٍ سنامه كنـَّه الثور ينقاد
وقته تبســَّــم له وحظه تقعَّد
دنياه جادت له وجت له بَالاسعاد
وكمْ عاقل ٍ رايه حصيف ٍ مسدد
في كلّ علمْ وفنّ ْ فهمانْ واستاد
بالحظّ ْ خلاه ابحياته مهدد
عيشهْ نكدْ والرزق ياتيه بَانكاد
خلها على الله واعتمد يامعوَّد
سَو ما تراه ويفعل اللــه ما راد
ـــــــــــــــــــــــــــــــــــــــ
الشاعر صالح النصر الله

محمد 10-04-2008 03:30 AM

هو النصر قد وافاكي فاستقبلي النصر
وضميه بالاعماق و ابتهلي شكرا
اطلي على الدنيا كشمس مضيئه
وتهيئي على الايام و اعتلي فجرا
فيا روضة غناء طاب اريجها
سقتها قواد الوسم فضوت عطرا
يا درة عصماء عز نظيرها
فمن حسنها هام الخليج بها سمرا
فيا وطن نشتاق نفح هواءه
فارواحنا نشوي غرام به شكرا
نفديك منا يا كويت على المدى
نفوس ابت الاتباع ولا تشري

صالح النصرالله

محمد 11-05-2008 04:40 AM

نبذه عن الشاعر :

صالح بن نصرالله بن عبدالرحمن النصرالله من مواليد فريج السبت بالحي القبلي (جبله) سنة 1929م.

درس القران الكريم و مبادئ اللغه العربيه و الحساب على يد المطوع ناصر عبدالعزيز العنجري , و درس بكل من المدارس التاليه اسمائها.

- المدرسه المباركيه 1936 م .
- المدرسه الاحمديه 1937م
- المدرسه القبليه 1939م (مقرها بيت العصفور)ثم انتقلت المدرسه الى (بيت السريع) في حي الصالحيه.
- و اخيرا عاد الى المدرسه الاحمديه 1942م حتى 1946م.

بعدها عمل مدرسا بكل من المدارس التاليه اسمائهم :

- المدرسه الاحمديه (بنفس عام تخرجه و لمدة عام) 1946م.
- مدرسة الروضه للبنين 1947م.
- مدرسة المرقاب الابتدائيه 1948م.
- مدرسة عمر بن الخطاب (بالحي القبلي) 1953م.
- مدرسة قتيبه 1955م.
- و اخيرا عاد الى مدرسة المرقاب 1957م الى ان تقاعد 1971م.


و من زملاءه المدرسين في مدرسة المرقاب

- الاستاذ محمد الشايجي
- الاستاذ عبدالرحمن الدعيج
- ملا سالم الحسينان
- الاستاذ خالد المسعود الفهيد
- الاستاذ عيسى اللوغاني
- الاستاذ غازي العماني
- الاستاذ عبدالرحمن عبدالقادر
- الاستاذ اسماعيل الشرهان
- الاستاذ ناصر الخرجي
- الاستاذ نجم الخضر

عبدالله الجسار 18-05-2009 09:39 PM

سلمت يدك اخي الكريم على هذه النبذة عن الشاعر
و حبذا لو اشرتم علينا ما اذا تم طبع ديوان فصيح و شعبي لهذا الشاعر

و اسلم

جون الكويت 07-08-2009 02:20 PM

اقتباس:

المشاركة الأصلية كتبت بواسطة العدان (المشاركة 2566)
الشاعر : صالح النصر الله

ياكويت بالمرة عَلـَيْ لا تَعَتْبين
لاني بمنْك ولانتي يكويت مني
ماني ولدك اللي بَالاول تَخَبرين
ولانتي بأمٍّ لي عليَّه تحني
من يوم فضلتي علينا البعيدين
صرتي عذاري بان منك التجني
عيالك طردتينا وحنا المودين
وخذتي عيال ٍ غيرنا بالتبني
ناسَ ارغدوا واثروا وهم مستريحين
واللي اشتقوا ما حصلوا الا الهبني
يوم السفر والغوص وابيوتك الطين
روحي اسألي الهيرات يكويت مني
تعطيك عنا العلم واتخبّرِك زين
وتذْكر لك ايام ٍ لنا قد مضني
بين السفر والغوص راحت لنا اسنين
يشتان منها القلب وايهبلني
نقطع غبيب ٍ تبتهر كالبراكين
عقل الذليل ايكود منها يجني
ونصارع امواج البحر مستميتين
ابدا ً فلا نرتاح او نريهني
كله لعينك بس نبغيك ترضين
ندعي العمار الغالية يرخصني
ويوم ان صفا جَنْدك وزرعك غدا زين
والخضر هلَّن والعَقَاب ادبرَنِّي
حنا غدينا من جناك امحرومين
واللاش بارضك داله ٍ وامتهني
ما ينفعك ياكويت بالعسر واللين
إلا عيالك واخذي العلم مني
هم عزوتك وهْما غناتك عن الدين
وهْم الذرا لين الليال اظلمني
والا الغريب لوجاد وياك هالحين
عليك ما يبرح يدُور التجني
يبدي البشاشة ويظهر العطف واللين
ومن تحت ثوبه خنجر ٍ لك يسني
بس ينطرك يبغيك يوم ان تطيحين
حتى يَغَرسه واخذي العلم مني


ـــــــــــــــــــــــــــــــــــــــــــــــــ

الله يرحم الشاعر الفلته صالح النصر الله
الله يرحمه مات من الحرة والقهر على قتل ابنته المرحومة باذن الله

المراد
القصيدة بصوت الشاعر
[ame]http://www.youtube.com/watch?v=5bu4RRHkqME[/ame]

عبدالرحمن بك 07-08-2009 08:02 PM

والنعم بالشاعر صالح النصرالله

هل الشاعر صالح من النصرالله (العنوز)؟

محمد 07-08-2009 08:09 PM

اقتباس:

المشاركة الأصلية كتبت بواسطة الرشدان (المشاركة 23497)
والنعم بالشاعر صالح النصرالله

هل الشاعر صالح من النصرالله (العنوز)؟

نعم ,

النصرالله

عبدالرحمن بك 07-08-2009 09:48 PM

اقتباس:

المشاركة الأصلية كتبت بواسطة محمد (المشاركة 23499)

والله و الف نعم و شهادتي فيهم مجروحه بحكم معرفتي بالعديد من افراد هذه الاسره الكريمه.


الساعة الآن 06:41 PM.

Powered by vBulletin® Version 3.8.7, Copyright ©2000 - 2024
جميع الحقوق محفوظة لموقع تاريخ الكويت