البالول والخرقاوي

[ام عبدالله العوضي]

مرحبا بك عد ماناح الحمام
باللحون وعد ماوبل المدين
مجتهد لك عاد في رد السلام
حيث مكتوبك لفاني ياحشيم
جان يامنصور حاربت الطعام
حتى انا قد شفت بالدنيا جحيم
واسفرت لي عقب مادوج ظلام
ناحل جسمي وخلاني سجيم

[ام عبدالله العوضي]

من الشعر الضاحك

الصخله
دوروا لصخلتي طبيب
مابقى فيها حليب
قدرة الله والنصيب
اشرب الجاي الحمر
يابن مدلج ماتشوف
عنزنا هذي نصوف
لوتجيب إميه خروف
مالهم عندي قدر
عقب ما اشرب لبن
ياربع باكل تبن
اشهد ان مافيها سمن
بانت عظام الظهر
اذبحتنا بالونين
اسمعوا يامسلمين
واللي قلبه مايلين
اشهد ان هذا كفر
وان طابت لاشتري
ياهلي طاقه زري
بجمع فلوس صخري
عسى يوفي بالنذر
اذبحوها واصرخت
والاذن منها طرخت
ضكها ثم انفخت
ذاقت الموت الحمر
---------

[ام عبدالله العوضي]

خلا جسمي وخلاني شجي العين يامنصور
اجر الصوت من همي بقلبي والجفن سهار
لهى جفني عن ارقادي وذوقني عزر وحسور
سبب مابي جفا خل حشى يابوبدر مادار
يرا له من حسن يوسف حبيبي ماعليه اقصور
نورٍ له كما بدر تشعشع يالفتى بانوار
فلا غيره طرى لي لو جرى لي من هواه خدور
الا واشيب عيني من عشير لي نوى بانكار

[اصـيـله]

يعطيج العافيه ياقلبى على كتاباتج
وعجبى هالبيت
اجر الصوت من همي بقلبي والجفن سهار
لهى جفني عن ارقادي وذوقني عزر وحسور

[ام عبدالله العوضي]

تسلمين ياعمري الاصيله واشكر مرورج

[مشعل العربيد]

يعطيج العافية يا أم عبدالله وياريت تزودينا هنا في هذه
الصفحة من قديم العم المغفور له سالم البالول

[مشعل العربيد]

حبيبي ياهو إلعلمك تصير فاتِنْ
لك طبع مثل إسهامْ بالقلب فاتَنْ
طلبت الموت مود إيهِلْ ولِكْ فاتَنْ
يا قالك بالقسوة تنكَبْ عليه






بقلكم / طالب خليفة العربيد

[هيبتي بغروري]

السلام عليكم

لاهنتي و صــح لسانج..

و ياقلبي من بعد لبن الصخله مالج الا الشاي الحمر..:(




يعــطيج ألفـــ~~~ عافـــيـ’’ه


أخـــتج..


هيبتي بغروري

[ام عبدالله العوضي]

هلا حبيبتي الغاليه هيبتي بغروري
لاشك ان الحليب مفيد للصحه والجاي الحمر لج عليه هههههههههه
بس الله يرحمه عمي شرب الشاي الحمر عقب صخلتها
وماوهلته
يقول الوالد الله يحفظه ان عمي كان يعز ذيج الخله وايد وكان وقتها صغير
وتعرفين ولع اليهال بالحيوانات الاليفه

[ام عبدالله العوضي]

اخوي الفاضل مشعل العربيد
اشكر مرورك والابيات الحلوة
اقول لك ردا عليك

فاتن سهام حبك بالصدر واردوني


ولاحظ لي ولاش ولاحباب يردوني


حبك ينراد له قلب وظروفي ردوني


ردوني عن هواك وقلت انا مارد


وسلطو علي سلطان بحكمه مارد


وصرت هيمان بك وعليهم مارد


مرد قلبي هواك وبحكمهم اردوني

البالوله

[al-balool]

يعطيج العافيه وصح ألسانج
انا هم الوالد الله يرحمه يكتب شعر

[مشعل العربيد]

صَدْ قلبكْ وهجـــــركْ ما خلا علي حال
فريضة وحبك مـــــن الله .. علي حال
يا البِعِتْ كيف هانــــــــــت عليك حال
إتنام وأنا الروحي سجية