أناشيد الأمهات للأطفال

[أبوفارس111]

السلام عليكم

لما كنا صغار ، في سن الرضاعة ، كانوا أمهاتنا و جداتنا يمسكونا و يدبخونا و يتغنون لنا بكلمات جميلة

ثم شاهدناهم يفعلون ذلك للأجيال اللي بعدنا

منو يقدر يفيدنا بشي من هالكلمات الطيبة اللي كانوا يقولونها ؟

[أم عبدالعزيز]

حلوووووه يدبخونا = يدبغوونا دبغ


انا ما اعرف إلا ماااااما زمانها قييييه

ننتظر الأخوه

[ام صباح الحميدي]

الله يعطيك العافيه أذكر ماقيل في استيقاظ الطفل صباحا اناشيدجدا جميله يفرح الاطفال بها 0

[بو عبد المحسن الصايغ]

حلوووووه يدبخونا = يدبغوونا دبغ




انا ما اعرف إلا ماااااما زمانها قييييه


ننتظر الأخوه


يدبخوننا عند أعمار محدده
أما الدبباااااغ من 10 + ( أنحش )
:D:D:D:D:D:D:D:D

[اصـيـله]

الموضوع واااااااايد حلو وذكرتنا بايام بالطفوله
وهذوله بعض الاغانى الى كانو يغنونهم لنا قبل النوم وفى بعضهم اغانى كنا نغنيها لما نلعب


لااله الاالله تحرسك في منامك وليلة عرسك
لااله الاالله وانشورة عن الشيطان وحضورة
لااله الاالله ومنشرة عن عين ر جال ومرة

============================
لا اله الا الله محمد رسول الله
لا اله الا الله وعلى النبي صلى الله
لا اله الا الله من شره عن عين ريال ومره
لا اله الا الله من شوره عن الشيطان وحظوره
لا اله الا الله يحفظ قلبك ذكر الله
لا اله الا الله لا معبود غير الله
يا هادي وانت الدليل اتهدالي (اسم الطفل )
وتطمنه باسمك العظيم

==============================
يالله ينام (اسم الطفل ) يالله يجيله النوم
يالله يحب الصلاة يالله يحب الصوم
يالله تجيله العافيه كل يوم بيوم
يللا تنام يللا تنام واذبح لك طير الحمام
روح يا حمام لا تصدق اضحك (اسم الطفل) لينام

======================

يا مرت ابوى يا مرت ابوى ولي ولييتي
وين راح ابوى وين راح ابوى ما تهنيتي

راح البصره راح البصره
شييبلي شييبلي
شرق ورق ...شرق ورق
وين احطه
بصنيدقي
وصنيدقي ماله مفتاح
والمفتاح عند الحداد
والحداد يبي افلوس
والفلوس عند العروس
والعروس تبي اعيال
والعيال يبون حليب
والحليب عند البقر
والبقر يبون حشيش
والحشيش يبي مطر
والمطر عند الله
لا اله الا الله

===================

(اسم الطفله )بنت ابوها..وعشره خطبوها ,,,,واحد يعد الدزه واحد يحاجى ابوها واحد بالمسجد يطلب ياربى يسخر ابوها

====================
لولوة ياخيتي لولوة يا بنيتي ابنيتي اخيتي

تنام نوم الهنية نومت الغزلان في البرية

نامي ولج ربن ما ينام

========================

امي تناديني ،، مدري شتبي فيني

تبي تحنيني ،، بمليلت الصيني و صيني على صيني

يارب تخليني واروح بيت الله ،، والقى حبيب الله

قاعد على سيادته ،، يت الغزاله ونادته
=========================
شوط شوط يالبطه ولعن ابو من حطه
ما حطته الا سويره
وسويره راحت البر وتييب العيش الاحمر
وتحطه بالصواني
على ييت خوالي .. خوالي يا دلالي
يا مضيعدي يالاسودي سود على ويه الصبي
ترى الصبي ما يستحي
يلعب مع البنيوتي

=====================

انشالله مايكون فى اخطاء بالكلام ويعطيك العافيه اخوى على الموضوع

[DIsAsTeR]

لوووول فعلا اختي اصيله بعض الاغني القديمه اللي ذكرتيها اذكرها ايام صغري
اذكر يامرت ابوي اوو سويره بيييه شخباري
بس مانسمع من هل جيل هل اغاني هل جيل احسها غير عن اي جيل قبل كل شي يديد علينه فيهم
حتى العابنه ما يلعبنونها لو تذكرون الالعاب اللي كنه نلعبها بيدنه مثل
سندباد وعلي بابا رئيس العصابه
وفي شامبو اتشو شامبو اتشو اتشو اتشو لو تذكرونها بعد وغيرهم وغيرهم ;pP

[حنطااويه]

لوووووووول في اغاني عرفتها وفي اول مره تمرر علي

[حجيه والنعم]

هههههه خوش اغاني والله :) بس مو كلهم عرفتهم ,,,ويعطيج العافيه اصيله :**

[shemalko]

كانوا يدبخون الياهل حق ينام بأغنية لا أذكر منها إلا: ناااااااام نومة هنية والغزلان بالبرية
وكذلك يلاعبون الطفل بالقول: (إسم الطفل)من يمر وقماشاته حمر.....يبسط بوالحلاوة ويعزل بو التمر
تحياتي وسلامي للجميع

[كندريه بنت شرق]

يا حلو تراثنا واغانينا ولعبنا والاهازيج الحلوه جيل الستينات والسبيعنات تمتع بكل شي حلو وعاشوا احلي ايامهم البريئه والبسيطه