استفسار: عن عائلة الشراح

[فيلكا حتى الموت]

السلام عليكم ورحمة الله وبركاته اول شي بسم الله الرحمن الرحيم بس ماعليكم امر لو تفيدوني بقيت اسال عن عايلة الشراح وهي سميت الشراح لانها مهنه كويتيه قديمه وهي تشريح الخشب ولهم مسجد في السالميه وهو مسجد المغفور له باذن الله عبد الله خلف الشراح وكانت هذي العايله من سكان السالميه وهم ليسو الكنادره بس لو تفيدوني بـ معلومات عن هذي العايله الكويتيه ومشكورين وماتقصرون :)

[اصـيـله]

ماعندى اى معلومه عنهم بس انشالله الاخوان يفيدونج

[فيلكا حتى الموت]

ماعليك امر الرد ياشباي لو تفيدووني

[waleeeeed]

ولد عمي الي اعرفه ان هذي العايلة قديمة بالكويت وان اصولها من بر فارس يمكن كنادرة وبعدين لهم نسب قديم مع عائلة الحمدان الي بفيلكا ، وبعدين يمكن هناك عائلة ثانية غير الي اقصدها امتهنت تشريح الخشب وراح عليها هاللقب .
الناس للناس والكل بالله

[الايكاروسي]

في كذا عايلة نقالها الشراح
في كنادره و في نياده اللي ديوانهم بالفيحا

[مقتبس]

السلام عليكم
الذي اعرفه انه توجد اكثر من عائله بإسم الشراح في الكويت يوجد من هم كنادره واعتقد من يقصدهم الاخ تصنف العائله من الكنادره ويوجد من نزح من الشمال العراق وما حولها وهي تختلف عن عائلة الشراح الكنادره وتتميز اسره الشراح الكنادره بلملتزمين السلف , والله اعلم

[فيلكا حتى الموت]

مشكوؤين على الرد بس الي انا اتحجه عنهم مو كنادره والنياده يرجعون يعني حق اي قبيله وشاكرلك اخوي

[فهد القصيم الاول]

الشراح في نجد ما اعرف فيهم أحد. بس يمكن اللقب معروف عند أهل نجد عموما يكتسي اللقب أحيانا ويستمر معهم .وحسبما أعرف في الكويت عدة عوايل ربما تكون أحدها من نجد نيادة على قولكم.