قصيدة معبرة للشاعر المعروف راشد مساعد الختلان رحمة الله

[عبدالرحمن بك]

السلام عليكم ورحمة الله وبركاته

هذه من القصائد المعبره والجميلة للشاعر المعروف
راشد مساعد الختلان رحمة الله
وقد نشرت في جريدة الرأي العام عدد 10-5-2002م
وهي بعنوان (شبة النار)


الله يذكر شبة الصبح بالخير 00 يومن من صلى يجي للدواوين

تفرقوا ذيك الوجيه المسافير 00معالجين الوقت بالعسر واللين

واليوم لوشبيت ما من مسايير 00 كثير كانه جوك من ربعك اثنين

احد عجز وأحد له نيه غير 00 يقول عصرك فات ماهوب هالحين

الحين لاجا الليل مثل النواطير 00 تجي صلاه الصبح بالنوم غافين

راحت عصور اهل الدلال المباهير 00 اخفاف النفوس المكرمين الشريفين

عاشوا على عز ومعزه وتقدير 00 وشالتهم الدنيا وراحم مقفين

وراحت طراه العمر والفرت والطير 00 يوم الطيور الها معزه وتثمين

وروض تخالط به غدير ونواير 00 قفر خلا تطرب لها النفس والعين

واليوم دور مدورين العصافير 00 تحت الشجر دايم سوات الوراعين

وقت تغير و الليالي مدابير 00 الله يثبتنا على الهدى والدين

والحمدلله ما على النفس تقصير 00 لكن طرالي وقتي اول وهالحين



رحم الله العم راشد مساعد الختلان على هذه القصيدة الرائعه

[بو عبد المحسن الصايغ]

رحمه الله قصيده تبين الاوضاع والفروق بين الامس واليوم .
شكرا لك أخي العزيز عبد الرحمن على عرض تلك القصيده الأكثر من رائعه .

[أم عبدالعزيز]

وقت تغير و الليالي مدابير 00 الله يثبتنا على الهدى والدين

الله يرحمه ويغفر له

وجزاك الله خير على هذه القصيدة المؤثرة

لك كل الشكر ،،،

[AHMAD]

الحال تغير ولسان الشاعر يعبر عن حال الأمة في وقتنا هذا .. وتسلم الأيادي على النقل الجميل يا عبدالرحمن

[كاظمة]

راحت عصور اهل الدلال المباهير 00 اخفاف النفوس المكرمين الشريفين


عاشوا على عز ومعزه وتقدير 00 وشالتهم الدنيا وراحم مقفين

رحم الله العم الشاعر راشد الختلان ابو فالح وكان رحمه الله من المراجع المهمة لدي من الرواة الثقات وكان حافظا ممتازا لتاريخ الكويت وحوادثة .
مشكور اخوي عبدالرحمن بك على الاختيار الطيب