إسـتـفـسار: عن عائلة القلوشي

[سعدوون]

السلام عليكم
كتبت موضوع استفسار عن عائلة القلوشي (بالقاف) وليس (بالباء) بقسم منطقة شرق رديت ومالقيته فتوقعت انه نقل الى هذا القسم لكن ماشفت شي :confused:

فسؤالي هو عن عائلة القلوشي الكريمه يريت أي أحد يفيدني بمعلومات عنهم هالعائلة و المعلومه الوحيده اللي اعرفها عنها وانا مو متأكد انهم من سكان المرقاب.

[bq4life]

على حسب معرفتي باحد ابناء هذي الاسرة فهم على كلامة اتوا من حائل ولهم نسب مع الحوال

[q8joker]

السلام عليكم , اخوي انا من عائلة القلوشي و احنا من اهل المرقاب ويرجع اصلنا الى حائل بالسعودية و اذا عندك اي استفسار انا حاضر

[جون الكويت]

حياك الله اخوي القلوشي
هل من الممكن ان تقدم لنا معلومات عن اسرتكم الكريمة باللي تقدر عليه؟

وهل القلوشي هو نبج الاسرة او اسم شهرة؟ وهل ابناء العم في حايل يحملون الاسم نفسه؟
وشكــرا لك

[العماري]

ولهم نسب مع الفصام

[سعدوون]

q8joker (http://www.kuwait-history.net/vb/member.php?u=6547)
حياك الله اخوي بس حبيت اسألك عشان أتأكد أكثر انت قلت انك من حايل بس من أي قبيله لان حايل مو بس شمر فيها

وثاني سؤال وهو المهم شلون ينطق اسم العايله هل مثل ماننطق عائلة البلوشي أو تنقال قَـلْـوَشي مثل قهوجي أو القــلّووشي ..؟

[q8joker]

السلام عليكم ,
من ناحية اي قبيلة بالضبط فبصراحة ما ادري بس من ناحية اللفظ فعلى وزن البلوشي و اكثر بيوت القلوشي متواجده بالخالدية و الفيحاء و لنا نسب مع الكثير من العوائل ك ( الحوال - الحسينان - المهيني - الفضالة - بن عيدان - السالمين - الشايجي - الطويل ......)
و اسف على التاخير

[سعدوون]

مشكور على المعلومه ولكن يريت تتأكد من الوالد أو من أي شايب بعايلتكم عن أصل العائلة من أي قبيله لأن ضروري بالنسبه لي وشكرا

[محمد القلوش]

السلام عليكم ورحمة الله وبركاته..
أنا من عائلة القلوش في حوران لقد مر علي اسم عائلة القلوشي كثير ولكن لم أستطع التوصل للمعلومات الدقيقة عنها وهي عائلة كريمة وذات أصل شريف إن شاء الله..
فأردت أن أضع بعض الإحتمالات بأن تكون هذه العائلة من أبناء عمومتنا، حيث أن عائلة القلوش مقيمة بالكويت منذ زمن ، سمعت بأن أجدادي من قبلي لم يأخذوا الجنسية لأسباب كانت شخصية..
وبالنسبة لعائلة القلوش في حوران فهم من أصل قبيلة المساعيد من المملكة العربية السعودية، من أصل قريشي ( بطن من بطون قريش) ويقال يرد نسبهم للصحابي الجليل عبد الله بن مسعود الهذلي رضي الله عنه.. أي أنهم من قبيلة هذيل
.... ويعطيكم ألف عافية ... إبحثوا في جوجل أصل عائلة قلوش في حوران.. هذا إحتمال وكلنا اخوة مسلمون..وجزاكم الله خيرا