الشاعر مسلم حميد البحيري

[كويتى مخضرم]

http://www.alnadawi.com/vb/images/uploads/405_2297543fe1ad0ce085.jpg

** نبذه عن الشاعر :

هو : مسلم حميد محمد البحيري

ولد بــــ منطقة السالميه في 1 - 1 - 1953 م

شغل عدة مناصب اعلاميه منها :

- محرر بمجلة النهضه
- عضو بجمعية الصحفيين الكويتيه
- عضو اللجنه العليا بديوانية شعراء النبط
- مشرف على ماتقدمه الديوانيه من برامج إعلاميه
- معد ومقدم برنامج ديوانية شعراء النبط

[كويتى مخضرم]

((1))

((الألفيه))

غاب القمـر والصبـح بانـت شروقـه
والعيـن حلـو النـوم عيـت تـذوقـه
وبديـت قــافٍ وافـيـاتٍ طـروقـه
ألفيـةٍ والمبـتـدى عـالـي الـشـان
(( الالـف )) ألفـت المثايـل وبـديـت
ذكر الله اللي محصـي الحـي والميـت
المعتـلـي عــلام مـاكـان كنـيـت
في ضامري وادعانـي اليـوم عمسـان
(( البـا )) بثنـي للنبـي والصحـابـه
حــقٍ عليـنـا ذكـرهـم ينثـنـابـه
ولامقصـدي مـن مابدعتـه طـرابـه
يعلـم بـي اللـي عالـمٍ كـل ماكـان
(( التا )) ترى مايبـدع القـاف مرتـاح
ولايضحـك المفجـوع حلـو التمـزاح
ولو يبدعـه كنـه طعـامٍ بـلا امـلاح
ماله طعم يثـر علـى الحـال نقصـان
(( الثا )) ثمان اسنين والقلـب مفجـوع
لاطايـعٍ غيـري ولانـيـب مطـيـوع
اسهـر الا ان الفجـر بــان بطـلـوع
متكـدر جفنـي عـن النـوم سهـران
(( الجيم )) جار الوقت والوقت مذمـوم
ولاصفالـي بالهنـا مـن لــو يــوم
جار الزمـان وبـدل القـوم فـي قـوم
ولايذكـر إلا اللـي مـن المـال مليـان
(( الحا )) حرار القوم ضاعت مع الناس
الوقـت عـاداهـم وداس الــذي داس
وطاوع كثير المال لو هو من الانجـاس
وعصا بعض يانـاس ذربيـن الايمـان
(( الخا )) خوي الطيـب ماظـن تلقـاه
اللي ليـا حـدك عنـا الوقـت تنصـاه
اقفا زمـان الطيـب ويـن انـت ويـاه
فقيـر ماعـنـدك رصـيـدٍ وعـمـران
(( الدا )) دوابي من عنا الوقت دالـوب
كن الغضا في ماسـط القلـب مشبـوب
عفت الطعام وعفت انـا كـل مشـروب
من ذا الزمـان اللـي جزانـي بنكـران
(( الذا )) ذهب هالوقت ماهوب صافـي
نـاسٍ يغـرونـك بـزيـن اللصـافـي
وإليـا بحثتـه بـان ماكـان خـافـي
حديد مالـه مـع هـل الجـود ميـزان
(( الرا )) رفيع النفس بالديـن محمـود
لو هـو فقيـر يـدرك الجـود ويجـود
ولو تطلبـه شـي ولا هـوب موجـود
فـي منزلـه يوقـف مواقيـف ديقـان
(( الزا )) زرعـت الطيـب والله شاهـد
وبالعـون ماقصـرت فـي حـق واحـد
انـا احسـب الـزرع يثمـر لحـاصـد
واثريه صبخا مـن زرع فيـه خسـران
(( السين )) سل عن صاحبك قبل الاسفار
قبـل تغـرب مـن مرابـعـك لـديـار
كانـه عنيـد ودايـم الـدوم عـسـار
خلـه تـرى مايبصـر النـور عميـان
(( الشين )) شاب الراس والسـن تـوه
مـن ذا الزمـان اللـي فلابـه مــروه
يــاالله راع الطـيـب يــاالله قــوه
علـى زمـانٍ شيـب الـيـوم شـبـان
(( الصاد )) صابر والصبر درب الافراج
وارجي الـذي منـه المخاليـق ترتـاج
انـه يفرجلـي مـع الضيـق مخـراج
واجازي الطيب علـى الطيـب بإحسـان
(( الضاد )) ضحك الوقت لا تنخدع بـه
لـو هـو حـلا نومـك وزادك وشربـه
الله مـن تاجـر زمانـك غــدر بــه
خـلاه عقـب المـال مايملـك غــران
(( الطا )) طبيب النفـس غايـة مناهـا
ولا تسمع اللـي عـن طريقـه نهاهـا
كـم نفـس ماتـت ماوصلـت مبتغاهـا
انشـد وتلقـا اللـي نظمنـاه وكــدان
(( الظا )) ظهر خافي ضميري وسجلـت
قافي وانا مبطـي عـن القـاف ماقلـت
ولانيـب خايـف بالتماثيـل مـا علـت
والحـق يظهرلـه شـهـود وبـرهـان
(( العين )) عن هرج القفا دوم حـذراك
تـراك ماتكسـب ورى شيلـه امــلاك
كم من هـروجٍ قطـه الهـرج بشـراك
واسبابهـا مـن قولـة فـلان وفــلان
(( الغا )) غني النفـس ياطيـب فالـه
يقـالِ لٍـه نعمـيـن يـاجـا مجـالـه
وإلا ردي النـفـس راعــي نـذالــه
لانافـع نفسـه ولا هــوب ربـحـان
(( الفا )) فعول الطيـب ترفـع جلالـك
ياصـرت طيـب كـل شخـص يعنالـك
ولو مت في وسـط المجالـس عيالـك
لوهـم صغـارٍ مايشـوفـون حـقـران
(( القاف )) قلّـت حيلتـي واجتهـادي
في ذا الزمان اللي بـه الطيـب غـادي
عنـدك خبـر ماكـل عـلـمٍ وكــادي
بالنـاس صدقـانٍ وبالنـاس كـذبـان
(( الكاف )) كم من طاح بالحبس مظلوم
وهـو سليـم الجـوف لاشـك متهـوم
ماقدر المولـى علـى النفـس مقسـوم
ولا لـك علـى مـاقـدر الله عصـيـان
(( اللام )) لاتبدي على النـاس خافيـك
ماكـل مـن يضحـك بوجهـك يدانيـك
كم من صديـقٍ تحسـب انـه مصافيـك
وهـو خسيـسٍ بالمواجيـب خــوان
(( الميم )) مالـك عـن نصيبـك مفـرّا
ان كنـت فـي جـوِّ وبـحـرٍ وبــرّا
مـاقـدر المـولـى علـيـك استـقـرّا
اللي خلـق مـن طينـة القـاع انسـان
(( النون )) نوح الطيـر لاتحسـب انـه
غنا طـرب يـا القـرم مـن زود فنـه
يمكـن معاسـيـر الليـالـي وطـنـه
ماكـل طيـرٍ يزعـج الصـوت طربـان
(( الها )) هنـي اللـي تمسـك بدينـه
قبـل العمـر بالغـي تقضـي سنيـنـه
نفسـه لصومـه ولصـلاتـه فطيـنـه
هـذاك لـه فـي جنـة الخلـد مسكـان
(( الـواو )) ودي ميـر ماهـو بكيفـي
ان العـرب تمشـي بقـلـبٍ نظيـفـي
غنيهـم يلـطـف بـحـال الضعيـفـي
حتى اتساوى الناس فـي كـل الاوطـان
(( اليـا )) ياعـل الله يقبـل دعـاتـي
حيثـه علـيـم بسيـتـي وحسنـاتـي
والخاتمـه صلـوا كثـيـر الصـلاتـي
علـى نبـيٍ خـاتـمٍ كــل الاديــان

[كويتى مخضرم]

((2))

يقول الشاعر مسلم البحيري ..
وصلتني هذه القصيده على عنواني بـــ مجلة النهضه
وقد طلب مني شاعرها بأن أجاوبه عليها
علما بأنه لم يذكر لي أسمه أو عنوانه
فأطلقت عليه لقب (( الشاعر المجهول ))
وإليكم قصيدته....




يقول من نفسه عن الـزاد طايبـه
والقلب من ما صاب الأيام صايبـه
يفز من نومـه ويسـرح بيقضتـه
حالـه سقيـمٍ والمعاليـق ذايبـه
ذا له أحساب أيام ماستـر خاطـره
ومن الردى عيـت تفيـده طبايبـه
ياحامـل المـرسـال وده مسـلـم
شجاع ربعه منه الأسبـاع هايبـه
بلغ سلامي لـه وخصـه تحيتـي
واحرص برد الجيل من عالي جلايبه
قله سبايب علتـي ياصـاح واحـد
غروٍ سبـا قلبـي وزيـد مصايبـه
الجادل الي بين الأضـلاع صابنـي
ليته قريبٍ لي وأنـا مـن قرايبـه
طفلٍ يفـل الـراس بالزيـن كامـل
يامـا عفـا هلـت علينـا ذوايبـه
واليوم يامسلم بـدا اليـاس دونـه
مدري شجرى وش غيره في حبايبه
أصبـح عنيـدٍ مايـود التـحـدث
مع الذي ينثـر أدموعـه سبايبـه
ياكيف يا مسلم نسى مامضـا لنـا
حبل الوصل جره وقطـع نصايبـه
كل السبل في كامل الزيـن قصـرت
يابـو حميّـد يامعـرب عرايـبـه
اليـوم شـورك يامسلـم بحالتـي
حيثك عريـفٍ بالغـرام أودرايبـه
عجل علـي وقـل رايـن أمبـارك
يقول من نفسه عن الـزاد طايبـه



وهذا رد الشاعر مسلم البحيري



أهلا عدد ماهـل صافـي سحايبـه
اوعد ماتشرب مـن المـا ترايبـه
في خط من شارك ضميري ضمايره
لين أن نـاره صرهدتنـي لهايبـه
لو كان مابينت حرفٍ مـن أسمكـم
حقٍ على المطلوب يوفـي طلايبـه
ساعت قريت الخط هاجت بضامري
أذكـار وقـتٍ مانسينـا عجايـبـه
هجسٍ يودينـي وهجـسٍ يجيبنـي
وهجسٍ ليا قفـا يجـي ذاك نايبـه
ياشيت وش سويت في ضامر الذي
نفسه عن الطاروق والغـي تايبـه
هيجت لك بحرٍ من العـام مستقـر
وارجف ضميرٍ عنه الأمثال غايبـه
واحييت لك ذكرى من العـام ميتـه
وانعشت لك روحٍ من البين شايبـه
وطيرت عن عيني حلا النوم واعلنت
حربٍ على الراحات تفجـع نكايبـه
حقيقه إن الهـرج مفتـاح ماخفـى
ومن زان منطوقـه تقـدر جنايبـه
عرفت مطلوبك وغايـات خاطـرك
باسباب ماوضحت لي فـي كتايبـه
تشكي عنودٍ خالـي القلـب عقبهـا
يبسـت بساتينـه ونشـت قلايبـه
تقول يامسلم نسـى مامضـا لنـا
وحبل الوصل جره وشلع مصايبـه
عندي خبر فرقا من أغليـت كايـده
وعندك خبر رجواك ماهيـب ثايبـه
من صد من نفصه بلا ذنب أو سبب
أعرف على غيـرك يـورد ركايبـه
أنظر لشمس الصبح لي وين تتجـه
لو شعشعت بالنـور لابـد غايبـه
مادام للمخلـوق راحـات خاطـره
ولولا المصايب ماعرفنـا نجايبـه
خله على عمياه يطـرخ بمـا لقـى
الله كريـم وحكمتـه فـي عقايبـه
ودور وتلقى مـن يقـدرك جانبـه
غروٍ يسلي خاطـرك فـي لعايبـه
بالخـل خـلانٍ والأديـار ديــره
وبالجار جيرانٍ وبالبيـض صايبـه
وشوري عليك النفس تمشي بعزهـا
وتحمد ولـيٍ مـا تعـدد وهايبـه
ويكفيك عن عرفي مقاديـم جابتـي
أرجف ضميرٍ عنه الأمثـال غايبـه
لو كان مابينت حرفٍ مـن أسمكـم
أهلا عدد ماهـل صافـي سحايبـه


وبعد ان اجبت على قصيدة الشاعر المجهول
ونشرت القصيدتين تبين لي ان الشاعر المجهول هو :
الأخ الشاعر خالد مطلق الحضينه

[كويتى مخضرم]

(( 3 ))



البارحه جتنـي عنـود المزاييـن
من عقب فرقى ذالها اليوم عامـي
جتني عنود الريم مايه مع أثنيـن
بالحلم ما جتني حشـا بالعلامـي
قلت أشتبين وقالت أطلبـك ثنتيـن
رسايلي والي بقـى مـن غرامـي
حقٍ على المديون بوفايـت الديـن
ودخل على الله وفهـن بالتمامـي
قلت أنصفـي بالله ياقـرت العيـن
ببيـن المكنـون مانيـب كامـي
حبك غدى يابنت الأجواد نصفيـن
في جسم محزونٍ طـواه الهيامـي
نصفٍ سرى بالدم وسط الشراييـن
ونصفٍ لجى وسط اللحم والعضامي
وشلون أرجع دينك الـي تريديـن
بالله دلينـي وأنــا بالتـزامـي
قالت عوايد يامصيـب النياشيـن
الملح مايطفـي لهيـب الظوامـي
ثم أستدارت قلت يابنت لـي ويـن
قالـت عنيـد أولاتطيـع الكلامـي
قلت أنتي الـي دايـمٍ ماتطيعيـن
ولولا عنـادك ماجفيتـي مقامـي
وفزيت مزحومٍ من الغيض للزيـن
واثريه طيـفٍ زارنـي بالمنامـي

[كويتى مخضرم]

((4))



ياحبيبي كل شـيٍ لـه حـدود
وأنت مالك حد بعنـادك معـاي
وأنت غايت منيتي في هالوجود
وأنت مفتاح السعـاده ياهـواي
وانت حبيلك عن العالـم يـزود
أنت كيفي وأنت زادي وأنت ماي
والله إنـي ماتعديـت البـنـود
ماشيٍ برضاك ياغايـة منـاي
وأنت يالمجمول دايم لي عنـود
كم رجيتك مير ماتسمع رجـاي
وكل ماضنيت في وصلي تجـود
زدت ياعذب السجايا في جفـاي
تحسب إني ماني بحبك جلـود
أو تحسب اني وصلت المنتهاي
لا ورب البيت ياصافي الخـدود
مانويت أجفاك لو زدت بشقـاي
حبك أبقلبي كما لحـن الخلـود
في حياتي والله أعلم في فنـاي

[كويتى مخضرم]

(( 5 ))



حل الفراق وفتـق الجـرح بجـروح
راع الهوى يامـن يـداوي جروحـه
عقب الطرب صرت أقضي الليل بالنوح
والدمع حرق محجـر العيـن فوحـه
بأمر الوحيد المعتلي منشـي الـروح
كلٍ يجيه الـي انكتـب لـه أبلوحـه
أثر النصيب وما كتـب لـي باللـوح
فرقى الذي روحه لروحـي نصوحـه
الجـادل الـي بالتواصيـف مملـوح
قبل أمس جاني نور عينـي أبروحـه
يقـول دربـك مالنـا فيـه مصلـوح
عطنـي مكاتيبـي بنفـسٍ سموحـه
صح الخبر ماهـو هرابيـد ومـزوح
أثرك على غيري تسـوق الصبوحـه
ولا تحسب أنك ياهوى البال مسمـوح
خليـت قلبـي كـل طـارٍ يشـوحـه
ودنق وحلفنـي عـن السـد لابـوح
وأقفا كما تقفي عـن الحـي روحـه

[كويتى مخضرم]

(( 6 ))



ياسيـد الخفـرات مافيـه داعـي
مانيب من لايفهم العلـم مقلـوب
فهمت قصـدك وستعـد الوداعـي
والي يبي يجري مقـدر ومكتـوب
أبشر بفرقى ما وراهـا اجتماعـي
والله لصبر صبـر عـواد وايـوب
لو كان بالفرقـا بدايـت ضياعـي
لا شك مالي بد دام أنت مغصـوب
مجبور أقـدر ياحبيبـي وراعـي
وادرا وصون الحب عن كل عذروب
لوكان تجمعنا صـدوف الدواعـي
في محتفل والا على غير ماجـوب
بصد عن وجهتك قـدر استطاعـي
ماكن لي من بين الأزوال محبـوب
حبك كما ثلجٍ من الشمس ماعـي
والا كما مايٍ على النار مصبـوب

[كويتى مخضرم]

(( 7 ))



ألا ياشـوق يكفـي لاتعـاتـب
تعاتبنـي وأنـا مابـي كفانـي
ألا ياشـوق والله منـت مثلـي
ولا فاجاك ربـع الـي فجانـي
تحسب إنـي نسيـت أيـام ودك
نسيت وعنـك نسانـي زمانـي
ألا ياشـوق كـان أنـك تذكـر
زمانٍ فات لك قبـل أرمضانـي
فانا ماغاب عنـي لـو دقيقـه
ولالـي غيـر شوفتكـم أمانـي
أمني الروح في وصلك وانا أدري
علي أبعد من أسهيـل اليمانـي
نعم ماعادلـي بالوصـل حيلـه
وأنا الي بعت من قلبه شرانـي
على الي صار ياخلـي أعاتـب
ضميـري بالدقايـق والثوانـي
وتهل الدمع عيني فـوق خـدي
ويعبر عن أسى روحي لسانـي

[كويتى مخضرم]

(( 8 ))



لفاني طارشٍ من صوب خلـي
حسين الـزول منـي يشتكيلـه
يعاتبني على هجـري ويشـرح
عذاب الشك والفرقـا الطويلـه
حلفت الطارشه لو غبـت عنـه
وطالت غيبتـي تسعيـن ليلـه
شريك الروح عايش في ضميري
حـشـا لله مــادور بديـلـه
خفيف النفس معسول الحكايـا
حسين الدل منسـوع الجديلـه
قصرت الرجل عن شوفه وعذري
أخاف من الحسد وادرى الجميله

[كويتى مخضرم]

(( 9 ))



حل الفراق وباح ماكـان كنيـت
وضاق الحشى مما جرى وستلجي
لهموم قلبي تسعه وتسعين عديت
قامت تصافق فيه من كـل فجـي
مافادني كثر المنى لـو تمنيـت
ولا فاد بالمجمول كثـر الترجـي
صار الجزا عقب الولافه تفاخيت
ولا عاد تنفع بالحبيّـب أحججـي
عزم على رايـه وقفـا وتميـت
في موقفي وزريت أسنع مدجـي
وعوت أجاهد عبرتي والتناهيـت
لولا ضلوع خطر قلبـي يهجـي
أفكر وقول الخاطري ليت ياليـت
ياليت قلبي عن هواهـم يسجـي

[كويتى مخضرم]

(( 10 ))



ياشوق ماغيرك حبيـبٍ يسلـي
لو خيروني في جميع البناتـي
أفز طولي من مكانـي وهلـي
ياشفت زولك مقبـلٍ ياحياتـي
ياشوق ماغيرك مناي أو دواً لي
حيث أن حسنك كاملٍ بالصفاتي
زين ودلال وقد وعيونـك الـي
تجرح وتذبح قبل يوم المماتـي
ياشوق دامك بالهوى صافي ٍ لي
مالي نضر بالبيض حبك ثباتـي
وعيني عليك وخاطري مايملـي
لا غيـر الله نيـة المقبـلاتـي

[كويتى مخضرم]

(( 11 ))



يانور عيني ماتفيد التحاسيـف
ياصارت الفرقى طويلٍ مداهـا
الي كتب باللوح مافيه تحريف
والعاقل الي قدرت الله رضاهـا
بالك يجن أدموع عينك ذواريف
العين جاها من السهر ماكفاها
والله ماقصرت ياغاية الكيـف
مير الليالي قصرت في وفاهـا
لاتحسب الدنيا تجي دايم أبريف
كلٍ يموت وحاجنـه ماقضاهـا

[كويتى مخضرم]

(( 12 ))



ألا يـا ناشـدٍ وشلـون حالـي
وانا أدري وش مرامك من سؤالي
تمهل ليـن أكمـل لـك جوابـي
مدام الجـو يـا النشـاد خالـي
وخذ من راس من تنشد علومـه
ماهو قولت يقـال أفـلان قالـي
أنـا ياناشـدي مانيـب مثلـك
ولا فاجـاك ربـع الـي جرالـي
تعكر مشربٍ لـي كـان صافـي
وعاكسني زمـانٍ كـد صفالـي
وخلانـي سهيـرٍ طـول ليلـي
أسامر طيف خلـي فـي خيالـي
أهيـم أبذكريـات الأمـس دايـم
واسلي خاطـري طـول الليالـي
لاجل ماعاد لـي غيـر التذكـر
سقـاك الله ياوقـتٍ مضـالـي

[كويتى مخضرم]

(( 13 ))



يازريف الطول بسـك لاتجـخ
أرحم الي صـار بيدينـك دواه
في بحركم مركبي شال و شدخ
لين عال الموج ياخلي كسـاه
غرق السنبوك والبيص أنشلخ
والنويتش تالي الزهبـه كـلاه
ولاث بي الموج في سيفٍ صبخ
لا طروشٍ توصل ولا من مياه
مارحمت القلب يوم إنه كفـخ
مثل كفخ الريح بشـراعٍ فـراه
ماهو حقٍ منك يوم أنه رسـخ
في ضميري حبك أتجدد عنـاه
الغلى مغليك وان كانـه طـرخ
بيرقٍ لك غيرنا شاقـك هـواه
نبندوس النفس لو قلبي صرخ
عشرةٍ هالـون مافيهـا حـلاه

[كويتى مخضرم]

(( 14 ))



شاقني غروٍ من البيض محسوبي
كاملٍ زينه وفـي هرجـه ذرابـه
غصن موزٍ مانقطع عنه الشروبي
مستكن ومن نهر دجلـه شرابـه
الحشا ملهوف ونهوده نصوبـي
تشتكي من زمت أنهـوده ثيابـه
العيون الخرس يايوسف سطوبي
والحواجب كنهن ريشـة غرابـه
وكن لون أخدودها شمس الغروبي
أو كمـا جمـرٍ تزايـد بالتهابـه
من تولع فـي هواهـا مايتوبـي
وعزتيله من جفاها من صوابـه

[كويتى مخضرم]

((15 ))



البارحـه قلبـي تزايـد اخفوقـه
والليل قزرته هواجيـس واخفـوق

والنوم جفني مـا تطعـم ابذوقـه
مغيـر غطاتـن تقاطيـع وافـوق

لين النهار اصبح وبانت اشروقـه
والدمع من عيني على الخد مدفوق

بسباب من نفسه لنفسي صدوقـه
الجادل اللي كامل الزيـن والـذوق

اللي مشى وافـي وكمـل احقوقـه
ما يلحقه مني مشاريـه وحقـوق

اللي على شوفه اعيونـي شفوقـه
ما لاقلي غيره من البيض غرنـوق

اللي غرامي سارين فـي اعروقـه
وحبه بدمي خالـط الـدم بعـروق

سافر وانا نفسي عليـه امحروقـه
واهو بعد مثلي من الشوق محروق

وسافر معه عقلي وفكـري وذوقـه
آكل وكني لأطيب الـزاد مـا ذوق

اتل العهد والغيـم حـدره وفوقـه
اقفت به اللي تسبق الطير بلحـوق

وعودت نفسي من عناي امخنوقـه
من عبرتي ومفارق الشوق مخنوق

قلبي كتومن ميـر عينـي تعوقـه
عيني عن الكتمان يا ناس لي عوق

العاشق المجبـور عينـه نطوقـه
لو كان ما يبدي على الناس منطوق

غصبن على المشتاق بفراق شوقه
تكشف اعيونه ما بقلبه من الشوق

لولا ظروفي راهيـن فـي إلحوقـه
ماني على خوة هوى البال مسبوق

لاشـك قسمـة خالقـن بمخلوقـه
الحي لابـده مـن الحـي مفـروق

سافر عسى ربـي يسمـح وفوقـه
ويالله عساه بنية الخيـر مرفـوق

[كويتى مخضرم]

((16 ))


** رديه بين الشاعر :
(( سالم حزمي اللميع ))
والشاعر :
(( مسلم البحيري ))

(( الصوت ))
لـ الشاعر (( سالم حزمي اللميع ))



البارحة فكري غـدا فيـه وشـواش
من واحد (ن) حبه يحش الحشى حش
عقب الغلا صار اريش العين غشاش
الله يعاقـب يالبحيـري هـل الغـش
عروق قلبي اليـوم عقبـه عطـاش
والدمع من عيني سوات المطر طـش
طاع العدو خلي سمع هرجة الـواش
وعزي لقلب(ن) في هواهـا تبلـش
لو هم قلبي ينقله حـي مـا عـاش
ولو هم قلبي ينشكـي للبحـر نـش
اتعبت نفسي يالبحيري علـى مـاش
ولا حصـل شـي يطـرب وينعـش
غير هوانا كل عاذل وحشاش يحميك منهم ربنا والي العرش
راعي الحسـد عـن السـر فتـاش
ويرتاح لامنه بعرض العـرب حـش
يابوحميّـد كيـف عقبـه بنعتـاش
كيف اتصرب والقضي بالهوى غـش




(( االصدى ))
لـــ الشاعر (( مسلم البحيري ))



يامرحبا في خط من هيـض الجـاش
وخـلا ضميـري بالتماثيـل ينبـش
واخذت لي في بحر الامثال مطـراش
ولولاك يا سالـم فـلا فيـه نطـرش
باهديك كلمات (ن) كما الدر وقمـاش
ولا عاد فينا يابـن حزمـي تحـرش
ان كان قلبك صامل (ن) مابه دغـاش
اسمع كلامي وافعلـه بالـذي غـش
وخلاك مهموم(ن) بالافكـار منـداش
كن العقل فـي راسكـم يافتـى نـش
من باعكم بالرخص بيعـوه ببـلاش
هذا جزا من غش ثم احـرق العـش
تلقى عوض من غش مكحول الارماش
غرو(ن) حسين اطباع مير انت فتـش
اوصيك بالممدوح عن رفقـة الـلاش
لوهو على دربك لـك الـزل يفـرش
اياك تبعد يابن حزمي عـن الطـاش
ماكل بحر (ن) يافتى الجـود ينـدش
وترى الهوى مثل البحر ماله اقيـاش
ومن لا يحسـب للعواصـف تفلـش

[asd1976]

مشكور اخوى على المجهود الطيب

[كويتى مخضرم]

درة الخليج (17)



بسم الولي زين اللحـون ابتديبهـا,,,مبداي ذكر الله وفيه انتهـي بهـا
سبحان من يأمر دجى الليل ينجلي ,,,بأمره مشارقها وبأمـره مغيبهـا
بديت ذكر الله وصلوا على النبـي ,,,المصطفى اللي سيرتـه نقتديبهـا
هذي مبـادي بالعـوارف مثايلـي ,,,,يالله عسى الجهـده اللهي يثيبهـا
كـل ومجهـوده وقـوة قريحتـه ,,,وكل على مـادل فكـره يجيبهـا
هاجت وماجت بالقوافي ضمايـري ,,,وتفجرت واخترت منهـا عجيبهـا
ابيات شعـر يالعـوارف تسمعـوا ,,,,من راس شاعرها لمسمع اديبهـا
واسباب ماهيض غرامي وشاقنـي ,,,أفـراح دارى جعـل تهتنـي بهـا
كويتنـا اللـي عايشيـن بظلهـا ,,,نفرح لفرحتهـا ونكعـم حريبهـا
وفي عيدها العشرين نفخر ونفتخر ,,,,ونرجي الولي عين الحسد لاتصيبها
درة خليج من لجى فـي ظلالهـا ,,,يرتاح من سود الليالي وعصيبهـا
دار على نهج المكـارم تأسسـت ,,,من عدوقفات الشـرف يبتديبهـا
أدعوا لها بالعز في كـل محتفـل ,,,يالله عسى التوفيق دايـم نصيبهـا
الله يهنـي فـي فرحهـا أميرنـا ,,,أميرنا اللي مـن سلايـل نجيبهـا
الشيخ جابر كاسب الجود والثنـا ,,,بأفعاله اللـي كـل دار تحكيبهـا
قائد مسيرتنا بعزمـة الـى العـلا ,,,مكرم هل الديره ومكـرم غريبهـا
والله يهني من تولـى بنـا العهـد ,,,ابو فهد نسـل البطـل ياعريبهـا
يابن الحبيب اللي نفاخر بسيرتـه ,,مبروك ياشيبانهـا ويـا شبيبهـا
ايضا ولا ننسى هل الجود والشرف ,,,اجدادنا اللي جاهدوا عن شعيبهـا
لو تنطق الرقـه بيـوم مظالهـا,,,تشهد سواحلها وتشهـد غبيبهـا
والقصر الاحمر خبر شاهد لفعلهم ,,,ان الرسـوم الباقيـة نهتديبـهـا
أقولهـا والحـق يظهـر دلايلـه ,,,واللي خفا منهـا يعرفـه لبيبهـا
الله يرحـم مـن توفـوا بقاعهـا ,,,وينجيهم الله من سعايـر لهيبهـا
ومرجوم ياشيخ لنا أسـس البنـا ,,,ومرحوم ياتابع مسيـرة حبيبهـا
ويادار لك مني عيالـي ومهجتـي ,,,فـدوه لـدار غاذيتنـي بطيبـهـا
يسوقني للطيب ساسي وعزوتـي ,,,والعزوة الـي دولتـي تعتزيبهـا
ولاخير في شخص تردى بديرتـه ,,,وانكر حنان امه وصافـي حليبهـا
هذا جوابي يـوم كـل ٍ وجابتـه ,,أبديت ما بالنفـس والله حسيبهـا
وأختامها ذكر الولي خير خاتمـه ,,,مبداي ذكـر الله وفيـه انتهيبهـا

[كويتى مخضرم]

رثاء الشيخ صباح السالم رحمه الله عليه: (18)




يالله ياللـي بأمـرك الفلـك ينـدار,,,ياعالم ٍ فـي جهرنـا مـع خفانـا
ياعالم ٍ غيـب الليالـي و الأقـدار,,,,بأمـرك بدايتنـا ولـك منتهـانـا
نرجيك يالمعبود شيبـان وصغـار,,,,ياجابـر المكسـور تجبـر عزانـا
من عقب ماحزنّت بأمرك هل الـدار,,,وكسّـرت عبرتنـا بداخـل حشانـا
واخذت منا بأمـرك الوالـد البـار,,,,أميرنـا اللـي بالمـوده رعـانـا
صباح أبو خيريـن للـدار والجـار,,,في حـال الا حـال يكعـم عدانـا
يوم ان والي العرش مده بالأفكـار,,,ماشـح بريـاه الحكيمـة غـذانـا
سرنا على نهجة وهو بالوطن سار,,,للعـز والعليـا مشـى ماتـوانـا
قبل أمس يبدى للعرب حسن الاشوار,,,واليوم روحه ما اصبحت في حمانـا
وصارت مشاريعه لنـا دوم تذكـار,,,نفنـا ولا تفنـى طـوال الزمـانـا
يالله ترحم من توفـى عـن النـار,,,لك ياعظيم الشـان نكثـر دعانـا
تلطف بحاله عند زوغات الابصـار.....يالله لاتخـيـب رجـانـا
عبيدك اللـي مالنـا بـد و خيـار,,,يالله لا تفـرح عليـنـا احسـدانـا
أخذت كار وصار بأمرك لنـا كـار,,,حر ٍّ عقب حرٍّ شهر فـي سمانـا
الشيخ جابر مـن وفييـن الأشبـار,,,,أميرنـا اللـي كامـل ٍ بالـرزانـا
ندعيله التوفيق عن كـل الأخطـار,,,يكمـل مسيرتنـا ويحـرس لوانـا
يا خالق المخلوق عـلام الاسـرار,,,يالله للصـالـح تـسـدد خطـانـا

[كويتى مخضرم]

بمناسبه عيد الوطن: (19)




ياولي العرش يامنشـي الغيـوم ,,,ياحكيم ٍ غيـر حكمـك مايـدوم
يامنثر بالسمـا بيـض النجـوم ,,,,,ويامرسي القاع في سود الجبـال
ياولي عالـم ٍ فـي كـل غيـب ,,ياممشي الفلك في زرق الغبيـب
يامدير الشمس بأمـرك للمغيـب ,,والقمر من قدرتك يرجـع هـلال
نطلبك يـا الله وأنـت المرتجـا ,,,لاحشى ماخاب من فيـك التجـا
من لجا بحماك يـا الولـي نجـا ,,,مايضدنـه عواكيـس اللـيـال
يامنشي الروح في صلصال طين ,,,ياولـي مالنـا غيـرك معيـن
راكعيـن وساجديـن وصايميـن ,,,ولك حجيج ومجهديـن بالسـؤال
ونطلبك عيد الوطن جعله يعـود ,,عيد دار العز مسكـان الجـدود
في ذرى جابر ومن هم له عضود ,,,حيثهم للشعـب ماشيـن العـدال
تمت وصلوا علـى سيـد الأنـام ,,هو شفيع الخلق بايـام الزحـام
عد مـن لبـى وصلـى وصـام ,,,وعد ماهلـت هماليـل الخيـال

[كويتى مخضرم]

بمناسبه عودة صاحب السمو ولي العهد الشيخ سعد العبدالله الصباح رحمة الله عليه سالما للبلاد : (20)



مرحبـا يـا شيخـنـا وألــف ترحيـبـه ,,,عـــد مـاهـلـت همـالـيـل الأمـزانــي
أحمـد اللـي جابـكـم عـقـب هالغيـبـه,,وأحمد اللي رد لك شـوف الاعيانـي
حـق ًّ أفـرح فــي قـدومـك وأهليـبـه,,يـاولــي الـعـهـد يـاطـيـر حـورانــي
كـــل شـعـبـك زايـــدات تـراحـيـبـه,,,قـام يبـدع يــوم عـودتـك الالحـانـي
موجب أنه عارف ٍ شخصك وطيبـه ,,عـارف ٍ موقفـك يــاذرب الايمـانـي
وافـر ٍ بالعـرف والحـق تمشـيبــه ,,ودوم وجهك باشهب الوقت ماشاني
تتعـب وعينـك مــن اتعـابـك تعيـبـه ,,جعـل ربـي دوم يجـزاك الاحسـانـي

[كويتى مخضرم]

قصيدة الوصية: (21)



انا بوصيـك يـا حميـد وصيـه خلهـا مرجـاع
تذكرهـا ليـا مـنـك كـبـرت وصــرت رجـالـي
وصيـة مـن هنـا عينـه يشوفـك نـادر ٍ بتـاع
تفوز بعالي المنصب وتاخـذ زيـن الاعمالـي
انا سميتك حميّد على اللي شاع ذكـره شـاع
على جدك ترى جدك كسب زينـات الافعالـي
ترى ما للمصايب سوق تجلب له وفيه تبـاع
تجيك بقـدرة المولـى وبأمـره عنـك تنجالـي
فلا تجزعمـن امـر الله وخلـك للقـدر مطـواع
ولاتقطـع رجـا الرحمـة وللعـسـرات حـلالـي
وخـذ مايقسـم الله لـك وبالـك لاتجـي طـمـاع
ترى الارزاق حظ وقسمة ٍ من ربـك الوالـي
ولاتحسـد مغـيـب ولاتصـيـر للقمـتـه قـطـاع
على شان الحضور تقـدرك وتصيـر بالعالـي
وخلك واسع الخاطـر وحـذرا لا تجـي جـزاع
ترى في وسعة الخاطر وفهـم العلـم مدخالـي
وخـذ مـن لـذة الدنيـا ليـا زانـت لكـم مربـاع
ولا تنسـا عـقـب الربـيـع دخــول الامحـالـي
ولا تشفق على خل ٍ نوى عن دربكم ينصاع
ترى هذي سـوات الوقـت بالمخلـوق ميالـي
وانا قد قيل من قبلي فجوج الغانمين اوسـاع
ليا ضاقت عليـك اختـر لعـز النفـس منزالـي