لون الادعم

[قدساويه]

السلام عليكم

اخواتي واخواني العضوات والاعضاء

حبيت اقول لكم هذه السالفه: في ليله من الليالي كان حفيدي نايم عندي

قالي يمه قولي لي قصه

جان اقوله كان يا مكان في احصان اسود وحصان{ ادعم }

قاطعني وقال ليش دعمتي رديت عليه ما دعمت لون الحصان {ادعم} وهو مصر اني دعمت

ثاني يوم اسولف على بناتي السالفه جان يردون علي :يمه منو اليوم يقول{ ادعم }غيرج

جان قلتي له{ بني} بصراحه ما طرى علي بالي هذا الاسم ابدا

شنو بعد اسامي الالوان اللي تغيرت

جزاكم الله على سعه صدوركم :)

[الهولي]

عسا الله يخليلكم ولدكم ويتربا بعزكم ، ذكرني بطفولتي يوم كنت اشلخ أمي وابوي اسأله :)

في عدة ألوان تغير لفظها مع الوقت مثل :

الحَمَر = الأحمر

الخَضَر = الأخضر

[جون الكويت]

السلام عليكم

اخواتي واخواني العضوات والاعضاء

حبيت اقول لكم هذه السالفه: في ليله من الليالي كان حفيدي نايم عندي

قالي يمه قولي لي قصه

جان اقوله كان يا مكان في احصان اسود وحصان{ ادعم }

قاطعني وقال ليش دعمتي رديت عليه ما دعمت لون الحصان {ادعم} وهو مصر اني دعمت

ثاني يوم اسولف على بناتي السالفه جان يردون علي :يمه منو اليوم يقول{ ادعم }غيرج

جان قلتي له{ بني} بصراحه ما طرى علي بالي هذا الاسم ابدا

شنو بعد اسامي الالوان اللي تغيرت

جزاكم الله على سعه صدوركم :)
خبرج عتيج .. اختي :)
اليوم عيالنا يتكلمون انكلش تمام .. اصلا ما في شي أدعم ! اسمه بروان ؟!!
والله يستر على حجينا اليوم.. اللي راح يتغير باجر.

[جون الكويت]

موضوع مهم ومفيد
http://www.kuwait-history.net/vb/showthread.php?t=3654

[ولدالشامي]

أختي الفاضله القدساويه

أعتقد راح عن بالك اللون
( الاملح )

اعتقد صعب يعرفونه

[جون الكويت]

اااه .. الآوالوان
القرمز
الاصفر .. اتحدى عيال اليوم يعرفونه
الاشهل

[شيطونه]

الله يخليه ويحفظه لج يارب
عاد آنا ليلحين أقول أدعم لوووووووووول , بس اليهالووووه ما يعرفون لا قلت أدعم قالوا شنو يعني؟

جون الكويت شنو الأشهل والقرمزي؟

[malqadhi]

القرمزي والاملح معروفين

بس الاشهل يمكن الاصفر مادري والله

[رود]

مره سمعت نائبه وحده من ندواتها اللي تقيمها قالت على ما اذكر عين عنجوه

ولمن سالت عرفت يعني جليل الحيا ...

و في احد المواقع اسألوا شلفرق// عين عنجوه و عين علجوه

الاولى عرفناها والثانيه شنو

[كويتي من نجد]

اااه .. الآوالوان
القرمز
الاصفر .. اتحدى عيال اليوم يعرفونه
الاشهل


الاصفر الملكي محد ينساه

لون نادي القادسية الرياضي

[كويتي من نجد]

الله يخليه ويحفظه لج يارب
عاد آنا ليلحين أقول أدعم لوووووووووول , بس اليهالووووه ما يعرفون لا قلت أدعم قالوا شنو يعني؟

جون الكويت شنو الأشهل والقرمزي؟


الاشهل هو اللون الاشقر

الاشقر الفاتح

مثل لون العسل الفاتح

يسمونه بعد العسلي

ويصفون العيون بالعيون الشهل

اما القرمزي فهو اللون العنابي

يعني الاحمر الغامج

وبعضهم يقول انه من درجات اللون البنفسجي

[كويتي من نجد]

بس اغرب شي الوان الخيول و الابل

تختلف عن المسميات اللي نعرفها

مثل يقولون حصان اصفر

او ناقة صفرا من فئة الصفر

يقصدون اللون الابيض

وكثير من الالوان تختلف عندهم