تعبيرات شعبيه كويتيه قديمه

[العنجريه]

(تعبيرات شعبيه كويتيه)
-هذا اللي أوله ينعاف تاليه
-اشتر طيب ورد بفلوسك
-اللسان مغراف القلب
-يدلك عليه اصله
-لا أصل ولا فصل
-ليما تقوم ناقه صالح
-جاور غني ولا تجاور فقير
-عاش من شافك
-خاب من ترجاك
-العين وما رأت والنفس وما اشتهت

[متصفح]

بعض الامثال تحتاج شرح
مثل ليما تقوم ناقة صالح

[العنجريه]

مشكور ع مرورك (ليما تقوم ناقة صالح) يعني كان في نبي اسمه صالح عنده ناقة (بعير) والله سبحانه تعال أمر بعدم ذبح هالناقه وبعدين مر زمن طويل ع الناقه حتى امر الله بذبح هالناقه

في الكويت قديما أخذوو تعبير في هذي القصه

[متصفح]

شكرا اختي على الشرح
لكن الناقة لم تذبح بامر من الله بل قتلها احد الكفار
اتوقع استخدام هالمثل من نوعية فقدان الامل بالشي مثل والامثلة تضرب لا تقاس لمن تحج البقر على قرونها (معناه غاسلين ايدهم من حدوثة)

[بنت النوخذه8]

شكرا اخواني الاعزاء :)

لمــا تقـــوم ناقـــة صــالح

تعني بطــول المـــدة وليس بفقد الامـــل
يعني لمـــا يجي وقت الشئ لكـن بعد طول المـــدة
بمعني شــئ يبيله صـــبر
اي مثل اللي بيعمل شئ لكن محتاج طولت بال و وقت
ويجيلك واحد يقولك ويييه يا فلان هالشئ ما يخلص
لما تقوم ناقه صالح ..... الله يعينك او انه يغير رايك بالعمل نفسه
و فيه تهبيط هــمه
:)

[بنت النوخذه8]

لو يدري اشعيب شـــق جيــبه

______________

في بعد مفردات نساها الزمن

اندثر = انقرض
داثر = قديم
دثـرة = عدم ترتيب

:)

[العنجريه]

مشكورين أخواني على مروركم

وبعد مفردات نساها الزمن
بايت = قديم
لونه أدعم = لونه بني
أملح = رمادي
ونده = عامود
موتور = سياره
بوعرام = باص

[متصفح]

دوشق=سرير

[قدساويه]

السلام عليكم

اطلس= بنفسجي

صمونه قص= صمونه شورما
جابله = غدا

[درابيل]

كور مخلبص= تعنى هذا الشخص ما يتفاهم كشة ضايعه= تعنى الفوضى

[بو عبد المحسن الصايغ]

( الحجره ) بكسر ال ح تعني الغرفه .
( الليوان) أي الممر .
( نابله) تعني بعد غد .
( الطوفه ) الحائط .

[جابر ملايوسف]

يعطيكم العافية وأخص بالشكر بنت النوخذة وهناك كثير من الامثلة الكويتية الجميلة وفي مثل عاجبني وهو اقرع وياكل حلاوة قال من كيسي .