سوالف ايام الزمن الجميل

[حنين الماضي]

السلام عليكم ورحمة الله

خل كل واحد يقول لنا سالفه صارت ايام الزمن الجميل انا بالنسبه لي ايام الثمانينات والبعض

السبعينات والبعض الستينات المهم سوالف نستفيد منها ونعرف الماضي شاللي صار واندثر

واذا في تساءلات نسال بعض

ايش سالفة البقر بالسكيك؟

وأنا صغيره أخاف أطلع بالسكه خاصه بالليل في بقر منتشره ماأشوف لها راعي بس تدور

وفي أحد الأخوه حاط صور الفحيحيل ايام الستينات في هالمنظر المشكله حتي عندنا بالفنطاس

كنت اشوفهم كان بالثمانينات بعدها فجأه انقطعوا نهائي أنا أقول والله من زود الأمان إن الواحدhttp://www.kuwait-history.net/vb/up/uploads/24337316920090527.jpg(اقتباس)صوره من العضو فحيحيل

يخلي حلاله يسرح .

سالفة حمارة القايله؟
وكنت أسمع الوالده الله يحفظها من كل شر تقول لنا لاتطلعون الظهر تجيكم احمارة القايله

عاد أنا وتخيلاتي اتخيلها زول مره امتغطيه بالعبايه وجهه صورة حمار أنواع الرعب :D

شنو سالفة حمارة القايله كبرت والي يومكم ماادري سالفتها؟

وعندي بعض السواليف لكن ودي اترك المجال لغيري يقولنا سالفه:)

[k1966]

يازين الفنطاس واهلها
تسلمين اختي على الموضوع
بس هم من الخرفات قبل
الطنطل

[بنت النوخذه8]

مشكورة وايـــــــــــــــــــــــــــــــد

وايد وايد ........... اختي حنين الماضــــي :)

انا عجبتني كلمة رعب :)


ابصراحه كلنا تخيلنا صور الرعب .... قولي ليش

لانه اهلنا لما كانوا يقولون لنا هالقصص من حمهم و زورهم يعني

يعفسون و جههم و يطلعون صوت يخرع كل هذا علشان ..... يخدم القصه مالتهم

ويخلونه غصب انخاف ............... وصج كنا انتفاعل معاهم ونخاف صج :o:o

بس والله يــــــــــــــا حلوها من ايام ... وخاصه ايام الربيع والبر والبحر

اتجمع ونسمه وانتغطي بالحاف من شده الخوف :)

الخوف من القصه كنا انشوفه بعيونهم و اصواتهم لما يقولون القصه لنا


مشكووووووووووووورة

مشكووووووووووورة
:)

[حنين الماضي]

السلام عليكم

هلا بك 1966

وهلا بنت النوخذه

بس ماعطتونا سوالف مع اني متاكده في جعبتك حكايه;)

[بنت النوخذه8]

السلام عليكم

هلا بك 1966

وهلا بنت النوخذه

بس ماعطتونا سوالف مع اني متاكده في جعبتك حكايه;)


انا كتبت بس حسافه ما طلعت مشاركتي :mad:


الله يسلمك اتذكر انهم كانوا ايخوفونا بأشياء بس علشان انام الظهر

مـــــــــثــال


حمارة القايله ( راسه حمار وطويل ويطا من الدريشه )

طنطل الفريج ( شي ماله معالم و طول منارة المسجد )

عافيه الله ( شي غريب عجيب يخرع ويبوق اليهال :eek:)

ام السعف والليـــف ( النخله اهي فيها سعف و ليف لكنها اتخرع )

[بنت النوخذه8]

أول شي باركيلي ............. مشاركتي رقمها 100 :D


خوش رقم 100



ومن القصص اتذكر

اسميميجه ( بنت الصياد )

الساحرة ( فلـــم رعـــب :eek::eek: )

:) ..... ذكرتيني في قصه بنت الخبار اللي حبت ولد السلطان

اللي في مسلسل الاقدر

[طلال]

موضوع شيق ويردنا فعلا للماضي الجميل
وتخرع الاهل لنا قبل
عشان مانطلع الظهاري الحوش
يريت بس الايام ترجع
ونعيش اجمل طفوله
يالله كبرنا وقمنا نتذكر زمن اول
ومشكوره اختي على موضوعج
فعلا يتستحق الشكر والثناء
واللي ماله اول ماله تالي

[حنين الماضي]

السلام عليكم

هلا بنت النوخذه
الف مبروك علي وصولك 100 ان دل يدل علي وجود بصمتك بكل المواضيع عساك علي القوه

اذكر من زمان

كان كل عصر يمر هندي معاه الشمته مثل الجنطه علي شكل جيس

ويدور علي السكه مشي انا اذا شفته لازم اوقفه يبيع سمبوسه 2خمسين فلس وكبه بس فيها فلفل

مااشتريها ياحليل الهندي كان ضعيف حيل وشايب طويل عسي الله يرحمه كانه ميت ويصلحه كان حي

بس حلوه هالخدمه يدور بالسمبوسه*-*

[كويتيه وافتخر%]

موضوع حلو
ونشكرج عليه

[بنت النوخذه8]

السلام عليكم

هلا بنت النوخذه
الف مبروك علي وصولك 100 ان دل يدل علي وجود بصمتك بكل المواضيع عساك علي القوه

اذكر من زمان

كان كل عصر يمر هندي معاه الشمته مثل الجنطه علي شكل جيس

ويدور علي السكه مشي انا اذا شفته لازم اوقفه يبيع سمبوسه 2خمسين فلس وكبه بس فيها فلفل

مااشتريها ياحليل الهندي كان ضعيف حيل وشايب طويل عسي الله يرحمه كانه ميت ويصلحه كان حي

بس حلوه هالخدمه يدور بالسمبوسه*-*


شكرا اعزيزتي ...... حنين الماضي

ههههههههه مو اسمها يــدور بالسمبوسة

الحين تطورو يسونمها ...... سمبوسه دليفري :D:D

بس ليكون قصدج الهندي ابو نظارة مكسوره اللي يقول ( هـــزا لهــم مال جلب )


مشكورة يا الطيبه

[حنين الماضي]

http://http://www.kuwait-history.net/vb/his/attach/jpg.gifالسلام عليكم

شاكره مرورك كويتيه

بنت النوخذه الله يقطع سواليفك اول ماقلتي لابس نظاره قلت اكيد اعرفته --------------:cool:

وطلع هندي درب الزلق:D

سمعوا هالسالفه
تذكرون برمضان وايام رمضان اعاده الله علينا وعلي الامه الاسلاميه والجميع بخير وعافيهhttp://www.kuwait-history.net/vb/up/uploads/24450068420090609.jpg

كان في واحد اسمه ابو طبيله امي تقول يدور بالسكيك علشان يقوم الناس يتسحرون

انا قلت ودي اشوفه بس اشلون وكل ماجت حزته نمت ولاشفته ويوم قررت الا اشوفه

وقعدت اقام النوم والنعاس بالاخير سمعت صوته (يانايم وحد الدايم)وصوت طبل فكيت الباب وشفت

اليهال اطلعوا من كل مكان يلحقونه ماقدرت الحقه كنت صغيره وابروحي اطلع بس يكفي الصوت

رن باذني كاجمل ذكره لرمضان :rolleyes:





0

[خوخه]

السلام عليكم ورحمة الله

خل كل واحد يقول لنا سالفه صارت ايام الزمن الجميل انا بالنسبه لي ايام الثمانينات والبعض

السبعينات والبعض الستينات المهم سوالف نستفيد منها ونعرف الماضي شاللي صار واندثر

واذا في تساءلات نسال بعض

ايش سالفة البقر بالسكيك؟

وأنا صغيره أخاف أطلع بالسكه خاصه بالليل في بقر منتشره ماأشوف لها راعي بس تدور

وفي أحد الأخوه حاط صور الفحيحيل ايام الستينات في هالمنظر المشكله حتي عندنا بالفنطاس

كنت اشوفهم كان بالثمانينات بعدها فجأه انقطعوا نهائي أنا أقول والله من زود الأمان إن الواحدhttp://www.kuwait-history.net/vb/up/uploads/24337316920090527.jpg(اقتباس)صوره من العضو فحيحيل

يخلي حلاله يسرح .

سالفة حمارة القايله؟
وكنت أسمع الوالده الله يحفظها من كل شر تقول لنا لاتطلعون الظهر تجيكم احمارة القايله

عاد أنا وتخيلاتي اتخيلها زول مره امتغطيه بالعبايه وجهه صورة حمار أنواع الرعب :D

شنو سالفة حمارة القايله كبرت والي يومكم ماادري سالفتها؟

وعندي بعض السواليف لكن ودي اترك المجال لغيري يقولنا سالفه:)
ياحلو ايام اول ومشكورين علي الموضوع الحلو ذكرتونا باللعب بالحوش وحزاوي يداتنا لنا مثل حزايه سرور وبنت السلطان وامي سميميجه والطنطل وخروف المسلسل وام احمار وحزاوي وايد الله يرحم يداتنا ويدخلهم الجنه والله في اشياء وايد علمونا اياها ياريت نعلمها عيالنا ونحافظ عليها وحبيت اذكر شغله النوم بالسطوح ياحلاته والله كان يوم عيد اللي بنام في بالسطح ومشكورين مره ثانيه

[حنين الماضي]

السلام عليكم


هلا بك اختي خوخه

سالفة المهري راعي البياع

اذكر حزة الظهر راده من المدرسه اسمع صوت بالشارع ابياااااااع ابيااااااااااااع

ولا انطق الباب فتحته شفت واحد يسمونه المهري راعي بقشه كبيره يحطها علي ظهره ويدور فيها

بين السكيك اول ماشافني حط البقشه علي الارض وفتحها فيها اقمشه وملابس قالي روحي نادي امك ناديت امي

مع انها ماتحب تشتري منهم الا انها شرت لي دراعه حلوه رسومات علي تفاح تسميحة خاطر

لي من الوناسه صورت فيها اطفال كل شيhttp://www.kuwait-history.net/vb/up/uploads/24452246320090609.jpg

يفرحنا:p

[جون الكويت]

السلام عليكم

شكرا لك

[بنت النوخذه8]

http://http://www.kuwait-history.net/vb/his/attach/jpg.gifالسلام عليكم

شاكره مرورك كويتيه

بنت النوخذه الله يقطع سواليفك اول ماقلتي لابس نظاره قلت اكيد اعرفته --------------:cool:

وطلع هندي درب الزلق:D

سمعوا هالسالفه
تذكرون برمضان وايام رمضان اعاده الله علينا وعلي الامه الاسلاميه والجميع بخير وعافيهhttp://www.kuwait-history.net/vb/up/uploads/24450068420090609.jpg

كان في واحد اسمه ابو طبيله امي تقول يدور بالسكيك علشان يقوم الناس يتسحرون

انا قلت ودي اشوفه بس اشلون وكل ماجت حزته نمت ولاشفته ويوم قررت الا اشوفه

وقعدت اقام النوم والنعاس بالاخير سمعت صوته (يانايم وحد الدايم)وصوت طبل فكيت الباب وشفت

اليهال اطلعوا من كل مكان يلحقونه ماقدرت الحقه كنت صغيره وابروحي اطلع بس يكفي الصوت

رن باذني كاجمل ذكره لرمضان :rolleyes:





0


مشكورة اختي .......... حنين الماضي

ابو طبيله

سلمج الله مو اسمه ..... مهنته انه يطق الطبل حزة الامساك قبيل الفجر :)

(( أصحي يا نايم ...تكتكك تك

و وحــد الدايم ..... تكتكك تك ))

وفي بلاد الشام ومصر يسمونه ... المســــحراتي

وطبعا هالمهنه موجوده عند كل الدول المسلمه باختلاف ...... التسميه

لكنهم يشتركون في .....تكتتكك تك :D

واذا صار بالعيد يجي ايعيد اهو و طبلته .... تكون ايام اول

بين البيوت ساحه كبيره يسون فيها دوارف

مثل ملوت يوم البحار .... عاد بو طبيله يجي يطبل ويستانس ويحصله عايدي

ويغني مع المعيديين

[المفتاح]

موضوع حلو
ونشكرج عليه

أحلى ذكرياتي أيام الطفولة بأواخر السبعينات والثمانينات.. الافلام الهندية كل خميس نتابعها والشاي العصر مع الأهل ( شاي وبسكوت )..

كانت حقبة ما قبل الغزو من أحلى السنين الي عشتها, واعقتد اكثركم يوافقني بهالراي.

[حنين الماضي]

السلام عليكم

فعلا اخي المفتاح المجتمع بوجه عام في بداية الثمانينات الكل يثني علي ذيك الايام

تلفزيون الكويت وبرامجه الحلوه والمميزه بذيك الايام التعامل بين الناس وبين الجيران

والتواصل والزيارات اليهال كلهم بالسكيك يلعبون مع بعض لوجود الامان

المدارس والرحلات اللي تسويها لطلاب كان كل شي حلو

فعلا ايام الزمن الجميل

[طلال]

السلام عليكم
عن التلفزيون سابقا كانت الدراما له معنى للطفل والكبير وقصص لها تئثير مثل البريق المكسور
والى ابي وامي مع التحيه
وغيرها من اعمال للطفل اما الان ما يوجد اعمال لها قيمه نفس قبل
وحتى المسلسلات التي تعرض انذاك
كانت مسلسلات لها احترام وكانت كوميديه واجتماعيه مثل خالتي قماشه ودرس خصوصي والعتاويه كان شيئ له معنى وبصمه واضحه - غير الحين اسفاف وانحطاط
اما عن ابوطبيله فعلا كان زمن جميل وايام لاتنسى اختفى بوطبيله في اواخر الثمانينات وبعض المناطق اختفى بعد الغزو
اللهم احفظ كويتنا من كل مكروه
وتسلمين اختي حنين الماضي على هذا الموضوع وان دل فايدل على اصالتج
وحفظك الله وبارك الله فيج

[حنين الماضي]

السلام عليكم

شكرا جون الكويت

الله يبارك فيك ويعافيك أخ طلال

أيام العيد

كان حماس واشتياق متي يجي العيد كنا مع جيرانا مثل الاهل بالضبط بغض النظر عن الاصل واللون

وهالامور اللي دارجه الحين المهم أول مايأذن الفجر كلنا نقوم إجباري الكل يتسبح ويتنظف وعاد يجي

الريوق شاي وحليب وقيمر ومربي وجبن كيري وخبز خباز وبعدها نروح نلبس لبس العيد

اللي كل اشوي اطل عليه بالكبت انطر العيد البسه ومااصدق يصير يوم العيد وامي الله يحفضها

كانت تحط لي تسريحه خفيفه ولاتفك شعري الابالمناسبات تخاف علي من:eek:

اللي يخليه لي وكان عندنا عطر الي الان ينباع بفوسور اتعطر في يوم العيد والحين اذا شمينه تذكرت

ايام العيد وانا طفله كنا كلنا نطلع نسلم علي الجيران جار جار يمكن نقعد ندور 7او8اواكثر واحنا

ندور نسلم عليهم اجباري ولايزعلون ونمر البقاله او الدكان عاد تعالو شوفوا شمسوي حاط

بره طاولات وحاط عليها انواع الهديا والالعاب وظروف مسابقات انت وحظك ونشتري اللي بخاطرنا

ونرد البيت اريولنا تعبت من المشي واول ماادخل اشم ريحت البخور والسفره عليها درابيل وقرص

عقيل وعلبة ماكنتوش اكبر حجم ناكل وانتسدح عند التلفزيون نشوف برامج العيد واذا صار العصر
http://kuwait-history.net/vb/up/uploads/24459845820090610.jpg
جو الاهل والاقارب والزيارات يااااااااااااااااسلام كان كل شي حلو بالعيد:rolleyes:

[حنين الماضي]

السلام عليكم

الالعاب القديمه بالكويت

المقصي لعبه حلوه مره ره الاصبيان كانو يلعبونها بالسكه مع بعض

عباره عن خشبه طولها شبرين واخشبه صغيره تنحذف عليها فيحاول صاحب العصا يضربها

ويبعدها مسافه طويله وعلي مايلقطها الثاني يكون ركض دوره كاملهhttp://www.kuwait-history.net/vb/up/uploads/24471435920090611.jpg

[المتوفي]

مشكور

والله على سوالف ايام زمان .. راحت :)

[خوخه]

السلام عليكم


هلا بك اختي خوخه

سالفة المهري راعي البياع

اذكر حزة الظهر راده من المدرسه اسمع صوت بالشارع ابياااااااع ابيااااااااااااع

ولا انطق الباب فتحته شفت واحد يسمونه المهري راعي بقشه كبيره يحطها علي ظهره ويدور فيها

بين السكيك اول ماشافني حط البقشه علي الارض وفتحها فيها اقمشه وملابس قالي روحي نادي امك ناديت امي

مع انها ماتحب تشتري منهم الا انها شرت لي دراعه حلوه رسومات علي تفاح تسميحة خاطر

لي من الوناسه صورت فيها اطفال كل شيhttp://www.kuwait-history.net/vb/up/uploads/24452246320090609.jpg

يفرحنا:p
الله يحييك حنين الماضي الله يعافيكم علي الموضوع صراحه ذكرونا بايام اول الله يعافيكم كل شي قديم حلو

[حنين الماضي]

السلام عليكم


اللعب بالحارهhttp://www.kuwait-history.net/vb/up/uploads/24485011620090613.jpg

اول ما نرجع من المدرسه نتسدح شوي ونادر ماننام مانصدق يصير العصر كلنا بالسكه البنات مع

البنات والصبيان مع بعض وكان احلي واجمل شي الحريم يفرشون بالسكه عند اكبر وحده وهي

اللي دايم تجمعهم ويتقهون عندها وسوالف وحنا نشوفهم ويشفونا من بعيد واذا اذن المغرب

تفرقوا الحريم كل وحده تروح بيتها وانا ماودي --اقول للبنات روحوا اشوي وتعالوا عندي

عند اعتبت الباب نسولف اشوي وفعلا يجون عندي لكن مانقدر انطول ورانه مدرسه ودايخين

من اللعب---------- مضت الايام ومعاها كبرنا:rolleyes:

[بنت النوخذه8]

:p

أنا اتذكر جبال بيتنا براحـــــــــــــه عوده

من كبرها يسون فيها عرضه و ودوارف
ونحر أضاحي

وسنه من السنين جمعنا .... جـــــراد

كنت مسويه لهم بيوت من لعبه (leago)

:D واهم ايطلون من الدرايش

واضحك عليهم


والصبيان الكبار يسون هجوم علينا
ويبوقون العبنا

يعني ( غــــزو)

:D

[بنت النوخذه8]

ما ادري ليش هالأميه فلس اتذكري بشئ


بس ما ادري شنـــــــــــو:D:o:):p

يمكن مصروف المدرســـة ..... قبل


http://www.kuwait-history.net/vb/up/uploads/24452246320090609.jpg

[المفتاح]

حتى بياعين البرد مو نفس قبل.. قبل كانوا يفترون عالبيوت العصاري وينادون.. برد.. برد.
ونطلع كلنا نشتري برد ونطيحله.

[حنين الماضي]

السلام عليكم

ياهلا بالجميع ماعليه انقطعت عنكم لكن ماانقطع عن احلي موقع حبيته

الحين اجازه وسفر ومتي ماحصلي طليت عليكم

راعي البرد مازال حي يرزق وله مكانه عجيبه بقلوبنا

اللي ابسال البنك راعي البنك من وين يجيبه.

[بنت نبصه]

يعطيكم العاافيه خووش سوالف عن اياام اول وانا اندمجت بسوالفكم لووول:)

[حنين الماضي]

السلام عليكم

عسي الجميع بخير

اسال الله ان يبارك لكم فاقدين اعضاء مااشوفهم 0000000000عسي المانع خير

[عالم]

اهلنا زمان كانو يقلولنا كلمات غريبه من ضمن الكلمات الي كانو يقلونها
لو بتروح قندهار جايبك جايبك الان عرفنا قدهار وهي في افغانستان
وكانو يقولون
بقلعت وادرين
ولان عرفناها وهي اعلى قلعه في الصين
لكن من وين جابو ها الاسامي قبل اربعين سنه ؟

[قدساويه]

السلام عليكم

ياحلاتكم وحلاه سوالفكم

ذكرتوني النوم بالسطح لما امي الله يرحمها تفرش الفرش مبجر علشان الفرش يبردون قبل النوم

من نحاسه اليهال نروح قبل امي وابوي الله يرحمهما ويرحم جميع امواتكم ننام بفراشهم علشان لما يشلونا ويحطونا بفراشنا يكون بارد

ولا تنسون النوم ايام الروضه كانت الابله يلا ناموا ناموا وانا ولي يمي نسولف وتهاوش الابله
نسكت فتره ونرد نسولف ولما تنتهي فتره النوم تقول الابله يلا منو الشاطر الي يقوم اول اليهال طبعا انا ولي يمي نقوم اول الناس وجذي جكتنا باننا مانمنا

ويحلاة يمعت عيال الفريج ونا نلعب مع بعضولا يهم اصبي ولا بنيه

تذكرون خبز الزعتر لما بدو يبيعونه في مقصف المدرسه اعتقد اوائل السبعيينيات

كانت الخبزه ب 50 فلس والبيبسسي 20 فلس والباجي نشتري كت كات

[أبوخليفه]

...السلام عليكم أجمعين ... يطولي أعماركم قبـل بس نرجع من المدرسة مدرسة عثمان بن عفان منطقة الفحيحيل إلى على البحر حاليآ مدرسة فلبينيه يكفينا الشر :rolleyes: بس نوصل للبيت لقمتين على الطاير ونطلع حفااي حــر بــرد ما يمشي عندنا قبـل :D إنسنهـا كـرة قـدم للمغرب بعدين نشلــع للسينمات الصيفيه والشتويه إلي هـدموها هـدم اللـه روسهـم عـاد الدشداشه قصيره وغولـه على البركـه يعني ماشين رزه ننطـر وننطـر منو حنا ننطـر الفاصل ودعايه بنص الفلــم إلي يبي يروح وما يبي يرجع ناخــذ كـرتــه http://www.kuwait-history.net/vb/images/icons/icon14.gif ونـدش على بـو كنا بالدكان ونكمل الفلــم وكل الأفلام هنديه :eek: كانت السينما مكشوفه ما فيها مكيفات وهالهنود مـدخـنين من الحـر وحنـا خلقـه ;) ما قلت لكـم سوالف قرية البـدويـه ,,,, السوالف كثيره ,,,, الله يعطيكم الصحه والعافيه وتقولون قصصكم حق أحفاد أحفادكم اللهم آمين ,,,,

( ســوق الفحيحيــل )
http://www.kuwait-history.net/vb/up/uploads/25605274920091020.jpg

[متصفح]

مشكورين على الموضوع انا حقيقة اول مرة انتبه عليه
انا ما عندي ذكريات قديمة بس قريت ذكر عن الهندي (اللي مثل درب الزلق دور البياع)
اذكركم قصته وشلون يابه بو عدنان يمثل معاهم
عندي صديق بو عدنان رفيج يده وانا انقل السالفة مثل ما قالي
بيت يد صاحبي (صديق عبدالحسين عبدالرضا) في الرميثية قطعه 13 اللي مقابل مستشفى هادي وكان بو عدنان يمر رفيجه على طول يروحون وايون مع بعض وهذا الهندي اساسا خياط يشتغل يم بيت رفيج عبدالحسين وشافه عبدالحسين ودش كلمه واقنعه يمثل معاهم ولا هو بالاساس خياط في الرميثية

[حنين الماضي]

السلام عليكم

الله يعطيكم العافيه وين الباقي تكفون كملوا لنا السوالف عن ذاك الزمن.

[حنين الماضي]

السلام عليكم

ومازالت تلك الايام نستمتع بذكرها

اذكر كانت المدارس ذيك الايام الفطور الزامي الفرصه الاولي ابتدائي والثانيه متوسط

ياااااااااااسلام

[حنين الماضي]

السلام عليكم

منو فيكم يذكر لنا ايام القرقعان كانو شحطون فيهhttp://www.qatargallery.com/arabic/data/media/169/tradw_2.jpg

[دهن عداني]

السلام عليكم انا اول مره بشارك معاكم واتمنى ان تتقبلونى برحابت صدر واكون لكم من الشاكرين احساسى اليوم اجمل احساس بحياتى لانى لقيت في هذه الصفحات احلا ايام عمرى بذكرياتهااللى تطابق ذكرياتكم بالحرف الواحد والمكان الواحد والزمان الواحد والارض الوحده وسما ك يكويت يكويت يكويت مادرى اعذرك لو تعذرينى رحلت عنك غصبا عن الاراده رحلت ومعى كثير الكثير من ذكرياتك واليوم لقيتك يااغلى بلد فى اعز منتدى ورح اشارككم بذكريات الزمن الجميل واعذرونى اذا طولت عليكم ولكم كل تحيات

[كويتي الهوى]

اغلب الالعاب المذكورة موجودة عندنا في نجد وبنفس الاسماء تقريبا

http://store1.up-00.com/Jul10/ZhT11249.jpg (http://www.up-00.com/)

نسميها عندنا الدنانة

[دهن عداني]

مسيكمبالخير ايام قبل من منكم يذ كر السيارة رينو لونها ابيض موقفه فوق سطح العمارة مقابله سينما الحمرا بالزاويه على اليمين

[دهن عداني]

حياكم حق الليلى يسال عن مكونات القرقيعان قبل ملبس تين مجفف نخى كشمش تكى عناب نقل سيبال توفى الصيداوى حب ابيض واكو حلاوة تشبه الملبس بس مشكلة على صورة بنت لابسه عباء بس بدون تغليف وعلى شكل مزهريه كنا نحبها لخفتها وشكلها وكانت تجى من الخارج بشكل قليل واذكر من قبل ارمضان االامهات ياخذون بقايا خام الملابس ويخيطونها اكياس وحنا يالاطفال كل وحده تحجز لها اكبر واحلا كيسة ونتفاخر فيها

[حنين الماضي]

السلام عليكم

ارجوا ان يكون الجميع بصحه وعافيه

تذكرون الدينار القديم كم مره تغيرة العمله http://www.14-photo.com/pp/data/913/56.jpg

[حنين الماضي]

السلام عليكم

عساكم بألف خير

تذكرون البقالات شكانوا يبعون من زمان هذه الاصناف يازينها ويازين ايامها

http://t0.gstatic.com/images?q=tbn:ANd9GcRROi0qt2zN8XCFuzklEKr6zOrv6ifWB Ytk9LtYno7aTRIzJRntcA

[mrs-q8shelby]

الله يعطيكم العافية على هالموضوع الحلو والله يذكرك بالخير ياسعيد ياراعي الخام كان كل يمعة لا زرنا بيت خالتي بالروضة لازم عضو دائم بالزوارة ياحليلها خالتي تلبس نص جم وملفع نقولها غطي ذراعج تقول وي سعيد عادي خوش قطع خام عليه زقرت بس مادري وينه الحين ماقمنا نشوفه اذكر قبل جم سنه زارنا العصر يسلم بس بدون بقشة ، اما راعي البرد بوحسن هذا عاد العزيز الغالي لا قال برررررررررررررييييييييييد بصوته العندليبي احنا دبجة على باب السكة شوي شوي عاد لين سلمنا العهدة حق العيال الله يحفظهم وماانسى بحر سلوى طبعا هذا الاسم انا اطلقته وساعات اسميه بحرنا ( انجفه حاليا ) الله على ايام الثمانينات لازم كل يوم وخاصة برمضان نتمشى لين نوصل له ( كلها خطويتين ) واقعد على الصخر مع زوج عمتي الله يرحمه بس الحين املك نروح مشي من الزحمة والبيوت ماشاءالله

[حنين الماضي]

السلام عليكم

عسي الجميع بخير

[حنين الماضي]

http://t3.gstatic.com/images?q=tbn:ANd9GcTzPiBhubH_g9AN4GeHcWCJTMausaqp7 c02biVHoDxykmB7okG4gBBxMpyeMQ تذكرون شلون كانت السكيك يازينها تشر الصدر

[ندى الرفاعي]

مشكورة يا حنين، وتسلمين على هذا الجهد الرائع في حفظ ذكريات ديرتنا الحبيبة الكويت.

[رود]

سالفة صارت في بداية الخمسينات

في واحد في الخمسينات قال ان انا افتح العميان و حا طله

عند الباب واحد حتى صبغة سمره. والعميان رايحين رادين علي

ما أ دري يقره عليهم يعطيهم شي ما أدري المهم

العميان تموو يوم يومين ما فتحو . عاد ذاك خذو

ما أ دري اسوو في

[roy]

حياكم حق الليلى يسال عن مكونات القرقيعان قبل ملبس تين مجفف نخى كشمش تكى عناب نقل سيبال توفى الصيداوى حب ابيض واكو حلاوة تشبه الملبس بس مشكلة على صورة بنت لابسه عباء بس بدون تغليف وعلى شكل مزهريه كنا نحبها لخفتها وشكلها وكانت تجى من الخارج بشكل قليل واذكر من قبل ارمضان االامهات ياخذون بقايا خام الملابس ويخيطونها اكياس وحنا يالاطفال كل وحده تحجز لها اكبر واحلا كيسة ونتفاخر فيها

نسيت البرميت

[بن عيسى القروي]

عسى الجميع بخير ,تذكرون عربانة الغاز وهو ينادي غااااااااااااااااااز والشاوي

[دهن عداني]

سلام عليكم زين سؤال لوسمحتوو متى دخل الغاز المطبخ الكويتى ولكم كل الشكر

[NAJEM2222]

والله زامان سبحان الله جنة حلم (ما ادرى اكتبها شنة اوجنة ) اذكر ان فى كل فريج دكان كنا نجتمع عندة شباب ونشترى خبز وجبن ويحط دقوس علىها ويبسى ب 50 فلس وبعد مدة صرنا انتتن لان جدام الدكان فى قطوف زكاير نشربها وتكون متروسة رمل يمكن نظفها اكثر من نشربها ونتمضمض فبل ان ندخل البيت ولا مراجعة دروس ولا شى

[دهن عداني]

تذكرون لعبة اللقصه وشلون طريقتها

[صباح]

الله على هالموضوع الحلو رجاءا اذكروا كل ماعندكم من ذكريات ولا تقطعون الموضوع الرائع انا كل ذكرياتي في الجليب وبالتحديد العباسية الله كانت احلى ايام ولا يمكن انساها ابدا احلى شي اذكره ايام شهر رمضان وبالخصوص يوم نتجمع بعد الفطور في الساحة وكان في هذه الساحة دكان صاحبة سوري اسمه مصطفى منهو من اهل العباسيه يذكره ما ادري وين صار ومن تطلع مسابقات رمضان اتشوف الساحة جنها مهجوره

[صباح]

اخواني من منطلق (كل وردة مصيرها الذبول والذكرى تبقى لا تزول )ارجو ان لا تقطعوا هذه الذكريات فهي العامل المشترك بين الكثير من الناس وخصوصا ان الكويت هي ارض خير ويقصدها كثير من الناس وهؤلاء الناس من الطبيعي ومن سنة الحياة قد تفرقهم الايام وتباعدهم الاحداث وربما يكون البعض منهم له معروف على انسان اخر فربما يكون الانترنت حلقة وصل بينهما او يكون لاحدهم مشكلة مع الاخر وقد باعد الدهر بينهما فاجعلوا الانترنت السبيل الاسرع للتواصل وللمغفرة عن تلك الاخطاء فان هذه الحياة قصيرة ومصيرها الزوال

[حنين الماضي]

السلام عليكم

حي الله الجميع واهل الكويت الغالين وهالارض الطيبه وذكرياتنا اللي ظلت احداثها

باعقلولنا وجا الوقت نرويها كأنه نعيشها باحداثها المتناثره

اخ صباح كنا اصغار نجي للعباسيه نشتري ملابس العيد وكانوا اللي يبعون

يمنين وعندي قطعه الي الان محتفظه فيها

[حنين الماضي]

السلام عليكم

حياكم الله ودي كل واحد يدخل يحط لنا سالفه من رمضان اول والعيد

[حنين الماضي]

السلام عليكم

فاقدين سواليفكم كملوا لنا عن سوالف ايام الثمانينات

[رود]

في واحد قاعد يمشي وله شاف سيارة وقفتله وعرف صاحب السيارة وقاله

صاحب السيارة تعال انا أوصلك المكان اللي تبي وركب السيارة و اللي ركب عرف

انه صاحب السيارة شارب لانه قاعد يقوله تبي بيت وجنه قاله بعد تبي قصر

اعطيك تبي فلوس عندي اعطيك وقاله تبي بنطرونات عندي اعطيك قاله لا مشكور

ما قصرت ما ابي ولمه مر قريب من المسيد الراكب قال حق صاحب السيارة نزلني

عند هذا المسيد بصلي تقريبا هذي سنة مابين 53 و 55

[رود]

وحده من الأهل تقول في اواخر الستينات او بداية السبعينات لمن يروحون السينما جنه بعد

سينما الاندلس ولمن يحضرون فيلم تقول فوق عند الكراسي يفرشون السفرة و يحطون المموش

وياكلون واهمه يطالعون الفيلم

[حنين الماضي]

http://www.kuwait-history.net/vb/attachment.php?attachmentid=1591&stc=1&d=1371095553

[roy]

وحده من الأهل تقول في اواخر الستينات او بداية السبعينات لمن يروحون السينما جنه بعد

سينما الاندلس ولمن يحضرون فيلم تقول فوق عند الكراسي يفرشون السفرة و يحطون المموش

وياكلون واهمه يطالعون الفيلم

كنا نسويها فى سينما السيارات
ذكرى حلوه رجعت لى ابتسامات

[جلاهم]

من السوالف القديمة(حدث حريق حسن كاز)سنة 1968م كنا ساكنين المرقاب شفنا الدخان مقطية السماء مشينا الى وزارة الارشاد والانباء(وزارة الاعلام) والا خلف الوزارة الحريق بظبط مكانها الحالي(اسكان الصوابر)وكان حدث أول مرة نشوفة...تحياتى جلاهم

[جلاهم]

من الاحداث القديمة كنا نتابع مسلسل فيوري وفلم لاسي سنة 1967م بلاسود والابيض وكان باص المدرسة يوصلنا من المرقاب الا مدرسة صلاح الدين المتوسطة وكانت كل مجموعة تركب الباص بأسم المسلسل(مثل باص فيورى وباص لاسي) وكانو السواويق يتجاكرون من يسبق ....ليت الزمن يعود ستة اشهر جان زين تحياتى جلاهم

[خالد النبهان الشمري]

من أجمل ذكريات الطفولة

الذهاب مع الوالد رحمه الله الى دواوين الكويت القديمة

والالتقاء برجال استفدت من خبرتهم في الحياة

وحكمتهم و استفدت من قصصهم و أشعارهم

[حنين الماضي]

مبارك عليكم الشهر

يازين سواليف الماضي ويازين ايامها

والحمدلله برمضان له طعم جميل يفرح القلوب عسي الله يزيدنا تقوي وعمل صالح

الي الان الناس علي عادتهم يحطون جمعه برمضان يسمي عشا الوالدين وله اسماء
ثانيه وحلوه

[حنين الماضي]

السلام عليكم
عسي الجميع بخير وصحه وعافيه

[ام الثلاث اسوار]

السلام عليكم
عسي الجميع بخير وصحه وعافيه

و عليكم السلام و رحمة الله و بركاته
هلا اخوي الحمد لله بخير الله يسلمك

[حنين الماضي]

https://goo.gl/photos/Pix9MdnzcQ8Ss9Vh6
بنات الفنطاس ايام الزمن الجميل الثمانينات

[حنين الماضي]

السلام عليكم
وين سواليفكم خل يسمعون فيها هذه الاجيال عن الماضي الجميل

[حنين الماضي]

http://www.kuwait-history.net/vb/attachment.php?attachmentid=1726&stc=1&d=1461789290
هذه المدرسة الي درست فيها الابتدائي والمتوسط
اجمل ايامي الطفوله فيها بالزمن الجميل

[ناصر علي ناصر]

انا من سلطنة عمان اذكر على ايامي لما ساكنيين البدويه في سنة 1968الى 1971 في منطقة البدويه بالفحيحيل الي كانت يم الكوت مول اتذكر تنكر الماي بو ثلاث تواير الي الحين يستخدمونه بمصر وتايلاند
اسمه التكتك كانو يحطون التنكر ورا واحنا نركب يم السايق نوديه البيت يصب لنا ماي

[حنين الماضي]

ياهلا ويامسهلا
عساكم بخير بهذه الاجواء الشتويه وذكريات الماضي بمثل هالاجواء بهذه الصورة

[حنين الماضي]

http://السلام عليكم ورحمة الله 1785

قديما كان اسمه دكان
والان اصبح الاسم بقالة

[حنين الماضي]

السلام عليكم
وعساكم من عواده
تذكرون القرقيعان قديما

[حنين الماضي]

السلام عليكم ورحمة الله وبركاته
مبارك عليكم الشهر وصيام مقبول والحمدلله رمضان عاد بجماله بعد انقضاء كارونا ولله الحمد والمنة
اللهم ثبتنا بحسن العبادة

[حنين الماضي]

:)السلام عليكم ورحمة الله وبركاته
مبارك عليكم الشهر جعلنا الله وإياكم من المقبولين

[حنين الماضي]

السلام عليكم ورحمة الله وبركاته
وعساكم بخير
الان حنا بزمن يختلف مع برامج التواصل الاجتماعي وتغير الاجيال
صحيح هذه سنه الحياه تغيروا بكل شيء
الا الدين تمسكوا فيه الله الله بالصلاة