صورة قديمة سنة 1982 - سوق الفحيحيل قديما

[المؤرخ]

صورة قديمة سنة 1982 - سوق الفحيحيل قديما مكان مركز تسوق المنشر حاليا - الكويت




http://mw2.google.com/mw-panoramio/photos/medium/4013059.jpg

[^^911^^]

والله شكل الصورة مو قديمه وايد مع انها قبل ما انولد
بس وين هالسوق الداثر ووين المنشر ..

[عسل كويتي]

الأخ المؤرخ
هذي الصوره موقعها الشارع المقابل للمنشر وفيها محل لبيع السجادواسواق شعبيه بعضها لما الآن موجود

[المؤرخ]

الأخ المؤرخ
هذي الصوره موقعها الشارع المقابل للمنشر وفيها محل لبيع السجادواسواق شعبيه بعضها لما الآن موجود

مكان موقف السيارات الان سوق المنشر

وبالسابق كان موقف لسيارات وتم اغلاقه وبني مكانه سوق المنشر مع اضافة سوق المنشر القديم له

ليصبح مجمع والسوق القديم كان فيه محلات تحف ومحلات اكترونيات ومحلات ملابس وسوق

المخازن الكبرى ومحلات صيرفه وبنوك

وشكراا علي مرورك للموضوع

[اخوى تاج راسى]

مشكووووووور

[أبوخليفه]

ماشاء الله عليـك الوصــف صـــح

http://www.kuwait-history.net/vb/up/uploads/25694468620091031.jpg
http://www.kuwait-history.net/vb/up/uploads/25694405620091031.jpg
http://www.kuwait-history.net/vb/up/uploads/25694423420091031.jpg

ندمان علـى السنيـن إلـي مضـت إني ما صورت هالمعالــم قبل الهـدامـ والتغييــر ....

[Q8sas]

يعطيك الف عافية على هالصورة والله رديتنا ورا والذاكره بدت تختفي اشوي اشوي وبصراحه هالصور اهي اللي تخلينا نتذكر الماضي .
كان في مجمع المنشر ( سوق جابر ) جذي كنا نسميه قبل - مكتبه لبيع القرطاسية واهي اشهر وحده في الفحيحيل اسمها مكتبة مشرف وكانت غالية في ذاك الوقت الحين ما ادري موجوده ولا راحت مثل اللي راح اقول على طاري الفحيحيل منو عنده خبر شنو صار على نادي الخطوط الجوية الكويتية وعلى نادي الغزال اللي اهو ملك شركة الملا على ما اعتقد طبعا اللي اتذكره ان نادي الغزال كان على شاطئ بوحليفه بس لشهرة الفحيحيل الناس كانت تنسبه حق الفحيحيل والحين نادي الغزال موجود ولا لأ

[أبوخليفه]

الســلام عليكــم

الأخ Q8sas دش هالـرابــط يطولـي بعمـرك

http://www.kuwait-history.net/vb/showthread.php?t=3736

,,,,,,, تحيــاتــــي ,,,,,,,

[PAC3]

يعطيك الف عافية على هالصورة والله رديتنا ورا والذاكره بدت تختفي اشوي اشوي وبصراحه هالصور اهي اللي تخلينا نتذكر الماضي .
كان في مجمع المنشر ( سوق جابر ) جذي كنا نسميه قبل - مكتبه لبيع القرطاسية واهي اشهر وحده في الفحيحيل اسمها مكتبة مشرف وكانت غالية في ذاك الوقت الحين ما ادري موجوده ولا راحت مثل اللي راح اقول على طاري الفحيحيل منو عنده خبر شنو صار على نادي الخطوط الجوية الكويتية وعلى نادي الغزال اللي اهو ملك شركة الملا على ما اعتقد طبعا اللي اتذكره ان نادي الغزال كان على شاطئ بوحليفه بس لشهرة الفحيحيل الناس كانت تنسبه حق الفحيحيل والحين نادي الغزال موجود ولا لأ

الاخ الفاضلQ8sas
مكتبة مشرف موجودة مقابل مجمع الكوت بجانب مطعم الكناري ونادي الخطوط الجوية الكويتية
واصبح نادي الفحيحيل تبع "المشروعات السياحية "أما نادي الغزال هدم قبل فترة
وقمت بتصوير النادي قبل الهدام شوف الرابط
في مشاركة الاخ ابوخليفة
.
تحياتي

[Q8sas]

أخواني الأعزاء أبو خليفة و PAC3
الله يعطيكم العافية على الردود السريعه

[أبوخليفه]

السـلام عليكـم أجمعيـن
الأخ PAC3 معلوماتك كلها صحيحة بس في تصحيح بسيـط المكتبة إلي بجانب كناري اهـي الإشـراف الأخ Q8sas يقصد مكتبة مشرف إلي في سوق ( سوق جابر ) وبعد انسميـها ( المخازن ) قبـل لا تتحـول إلى مجمـع المنشـر فـي وقـتـنــا الحالـي
هالمحـل مكـان مكتبة مشـرف فـي مجمـع المنشـر
http://www.kuwait-history.net/vb/up/uploads/25710960620091102.jpg

مكتبة الإشراف إلي بجانب كناري إلى عليها دائـره حمـره
http://www.kuwait-history.net/vb/up/uploads/125710960620091102.jpg

ونادي الخطوط الجوية الكويتية إلي أصبـح نادي الفحيحيل
http://www.kuwait-history.net/vb/up/uploads/225710960620091102.jpg

آسـف علـى الإطالـه والتأخيـر

والســــلام ختــــامــ

[أم عبدالعزيز]

الأخ ATCوالأخ أبو خليفه كفوو ووفوا

ويعطيهم العافية

شكرا لصاحب الموضوع

رجعتنا لقليل من الذكريات التى لا تزال عالقة فى الذهن

حفظك الله ،،،




.

[الكويتي-1]

صور حلوة
شكرا جزيلا لكل من وضع صور قديمة نادرة

[معربه الجدين]

سبحان الله دوام الحال من المحال

في بالي ذكريات الطفولة

مكتبه مشرف كان فيها الفلسطيني صاحبها وبعدين طلع منها وفتح الاشراف بنفس المجمع وصار في مشرف والاشراف في سوق جابر ( المنشر حاليا ) وبعدين طلع بعد الهدم الى عماره تركي الدبوس مقابل الكوت وكان بسوق جابر الصراريف وصخر وباسكن روبنز وسفريات الوادي والباتل للساعات ومحلات السوفينيرز والورد وكنتاكي وهارديز وبودي شوب والمخازن الكبرى والدكتور حنا عازار

بعدها تم بناء المنشر وادخال المواقف الى المجمع

وبالنسبه للعماره اللي فيها اقواس هي ملك ورثه غانم جاسم الدبوس (المرحوم فارس و المرحوم علي وفيصل واحمد اطال الله باعمارهم) ويمها الغانم حاليا وسوق بازار ملك الشيخ سالم العلى ولازال موجود


شكرا عالموضوع الذي اثار ذكريات قديمه جدا

[الرهيب]

السلام عليكم سوق المنشر كان اسمه سوق جابر مثل ماقال الاخ وكان فيه كنتاكي وهارديز وكان في محلات تبيع ورد موجوده للحين ورا المجمع ومحلات تبيع خضروات ومحلات تبيع جواتي كرمكم الله وغير محلات التحف والسجاد الي متروسه ترس واذكر ان في عيال وايد كانو يروحون يلعبون بقواريهم وسكوتراتهم هناك لان المكان وسيع ومفتوح وكان في حديقه كبيره ورا المجمع اظن شالوها الحين ومقبره بعد وان كان في غلط ارجو التصحيح مع خالص الشكر

[أم عبدالعزيز]

وعليكم السلام ورحمة الله وبركاته
المقبرة موجودة والحديقة تسكرت وصار قبالها طريق يسهل دخولنا للفحاحيل
وشكرااا



.

[أبوخليفه]

السلام عليكم سوق المنشر كان اسمه سوق جابر مثل ماقال الاخ وكان فيه كنتاكي وهارديز وكان في محلات تبيع ورد موجوده للحين ورا المجمع ومحلات تبيع خضروات ومحلات تبيع جواتي كرمكم الله وغير محلات التحف والسجاد الي متروسه ترس واذكر ان في عيال وايد كانو يروحون يلعبون بقواريهم وسكوتراتهم هناك لان المكان وسيع ومفتوح وكان في حديقه كبيره ورا المجمع اظن شالوها الحين ومقبره بعد وان كان في غلط ارجو التصحيح مع خالص الشكر


بعد الهارديز في محل تصوير أعتقـد أسمه تيفوني يخلص لك ويعطيك الصور بساعتين , بداية الثمانينات منو عنده هالخدمه السريعة , :) , وأيضآ كانوا يبيعون الدجاج والحمام خلف سوق جابر ..

http://www.kuwait-history.net/vb/up/uploads/28326752720100831.jpg


http://www.kuwait-history.net/vb/up/uploads/28326763820100831.gif

[فحيحيلية أصيلة]

يعطيك الف عافية على هالصورة والله رديتنا ورا والذاكره بدت تختفي اشوي اشوي وبصراحه هالصور اهي اللي تخلينا نتذكر الماضي .
كان في مجمع المنشر ( سوق جابر ) جذي كنا نسميه قبل - مكتبه لبيع القرطاسية واهي اشهر وحده في الفحيحيل اسمها مكتبة مشرف وكانت غالية في ذاك الوقت الحين ما ادري موجوده ولا راحت مثل اللي راح

تحية من القلب.. لكل رواد هالمكتبة .. ماكو احد بالمنطقة العاشرة ما يذكرها :)

[خلك طبيعي]

صورة قديمة سنة 1982 - سوق الفحيحيل قديما مكان مركز تسوق المنشر حاليا - الكويت




http://mw2.google.com/mw-panoramio/photos/medium/4013059.jpg



هذه المعالم تقريبا موجوده في بداية التسعينات

[الووووووووف]

http://mw2.google.com/mw-panoramio/photos/medium/4013059.jpg
السيارة المرسيدس
من موديلات 87 الى 90

[جاسم العازمي]

بارك الله فيك