ردية بين الشاعر العم خالد العبدالله الوزان والشاعر مرشد سعد البذال رحمهم الله

[بوعمر الوزان]

خالد الوزان شاعر فطحل من شعرا الكويت
وله الكثير من القصائد والشعر وهذه ردية بينه
والشاعر مرشد سعد البذال شاعر الجزيرة
انقلها عسى ان تحوز رضاكم


البارحة ساهرٍ نومي تغلماشي = كثرت همومي وقلبي زاد تشويشه
يا ابو عبيد فداك النذل واللاشي =الترف ناوي على قلبي بتفليشه
حبه سطى بالحشى ومهشمٍ جاشي =كسر هوس خاطري تكسيرة الشيشه
الدمع من موق عيني ساكبٍ ناشي =فرقاه صعبٍ وشوف الزين لي عيشه
من اولٍ صاحبي بالوجه بشاشي = والحظ قايم ويرزم في شوابيشه
واليوم اشوفه تغير طاوع الواشي = أيست من يوم وجهه بان تكليشه
ما خاف من سطوة الجبار بطاشي = وخلاني اليوم طيرٍ نتفوا ريشه
خده كما بارقٍ يلعج له بناشي =العود والمسك يغذا في عكاريشه
كن الثنايا تشادي صفوة قماشي =نقوة قماشٍ تداول به طواويشه
قالوا له الراس ظبيٍ ما به اعراشي =اعلن علي الجفى ومجندٍ جيشه
كزيت ريحان في شوال وانحاشي = لا تأمن العبد وان طول مطاريشه
قد باعني بيعةٍ الزهدان ببلاشي = واومى بي وقال جعلك من ورا بيشه
واللي يفسر سميه بالغطو عاشي = نوعين يقراه ويقضب له محاويشه


رد الشاعر مرشد البذال

لا والله الا عزمت وزان مطراشي =ابى اسري الليل وابكر في مغابيشه
اوحيت علمٍ موحشني توحاشي =ابوفهد ضامره يبست نشانيشه
اشلون ابى ارقد بحلو النوم وفراشي =وابو فهد في غبيبٍ ما عرف قيشه
يقول شفت الجفى والفكر منداشي = وهذا الجفى بان علمه عقب تخشيشه
ياابو فهد لو فراق الولف ينهاشي = كلٍ تحزم وعزم في تهاويشه
ياخالد استو جمل لا تستوي حاشي =سدٍ كتم عنك ما لك في تفاتيشه
اعرف للوحك واخذ للجمر منقاشي = تراه عند العرب تلقى مناقيشه
ما انت من اللي على الفضلات معتاشي =لا اكلت زين اللحم تلقى عراميشه
تستاهله يوم هو قند بالاشياشي = واليوم ملحٍ يعبا باسفل الخيشه
راع الجفى سوى له بيع ابن ماشي =واجزاه في صدةٍ تبعد مطانيشه
واليا تحسف وغره كل غشاشي = اجزه مثل هرجة الجهال خميشه
ترا الهوى راح وقته واقرش اقراشي = اليوم طرد الهوى للديش والديشه
واليا درع بالمحبة خبل وجغاشي = مثل البزيزي تولع له بطبيشه
ترا هوى اليوم برنامج على الماشي =ما ينعرف له حديثه من لواليشه